യുഎഇയിൽ ഇന്നും ചൂട് തുടരും; താപനില 45 ഡിഗ്രി വരെ

യുഎഇയിൽ വെള്ളിയാഴ്ച പൊതുവെ തെളിഞ്ഞ കാലാവസ്ഥയാകും അനുഭപ്പെടുക. മാത്രമല്ല ഭാഗികമായി മേഘാവൃതമായതോ ആയ കാലാവസ്ഥയായിരിക്കുമെന്ന് ദേശീയ കാലാവസ്ഥാ കേന്ദ്രം (NCM) അറിയിച്ചു.

രാജ്യത്ത് താപനില പരമാവധി 45 ഡിഗ്രി സെൽഷ്യസ് വരെ ഉയർന്നേക്കും. അബുദാബിയിലും ദുബായിലും 41 ഡിഗ്രി സെൽഷ്യസ് വരെ ചൂട് രേഖപ്പെടുത്താം. രാത്രിയിൽ താപനില അബുദാബിയിൽ 30 ഡിഗ്രിയിലേക്കും ദുബായിൽ 31 ഡിഗ്രിയിലേക്കും താഴാനും സാധ്യതയുണ്ട്.

മൂടൽമഞ്ഞിന് സാധ്യത

ഇന്ന് രാത്രിയിലും നാളെ(ശനിയാഴ്ച) രാവിലെയും ചില തീരപ്രദേശങ്ങളിൽ അന്തരീക്ഷം ഈർപ്പമുള്ളതായിരിക്കും. അതുകൊണ്ട് തന്നെ മൂടൽമഞ്ഞിനും നേരിയ മഞ്ഞിനും സാധ്യതയുണ്ടെന്നും കാലാവസ്ഥാ കേന്ദ്രം മുന്നറിയിപ്പ് നൽകി. അബുദാബിയിലും ദുബായിലും ഈർപ്പം 25 മുതൽ 90 ശതമാനം വരെയായിരിക്കും.

കാറ്റിന് സാധ്യത

കാറ്റ് നേരിയതോ മിതമായതോ ആയിരിക്കും. ഇടയ്ക്കിടെ ശക്തി പ്രാപിക്കുന്ന കാറ്റിന് മണിക്കൂറിൽ 10 മുതൽ 25 കിലോമീറ്റർ വരെ വേഗതയും ചില സമയങ്ങളിൽ 35 കിലോമീറ്റർ വരെ വേഗതയും പ്രതീക്ഷിക്കുന്നു.

English Summary : The UAE will experience clear to partly cloudy weather on Friday, with peak temperatures reaching up to 45°C across the country, according to the National Centre of Meteorology (NCM).