യുഎഇയിൽ ഇന്നും ചൂട് കൂടും; താപനില 46 ഡിഗ്രി വരെ ഉയരും

യുഎഇയിൽ ശക്തമായ ചൂട് തുടരുകയാണ്. ഇന്ന് 46 ഡിഗ്രി സെൽഷ്യസ് ചൂട് ഉയരുമെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകി. ചിലയിടങ്ങളിൽ തെളിഞ്ഞ ആകാശത്തിന് സാധ്യതയുണ്ട് അതു പോലെ ഭാഗികമായി മേഘാവൃതമായ കാലാവസ്ഥയ്ക്കും സാധ്യതയുണ്ട്. കിഴക്കൻ, തെക്കൻ മേഖലകളിൽ ഇടയ്ക്കിടെ മേഘാവൃതമായ അന്തരീക്ഷത്തിനുള്ള സാധ്യതയും കാണുന്നുവെന്ന് കാലാവസ്ഥാ വകുപ്പ് അറിയിച്ചു.

താപനില തുടരും

താപനിലയിൽ മാറ്റമില്ലാതെ തുടരും. രാജ്യത്തെ വിവിധ മേഖലകളിൽ ഉയർന്ന താപനിലയായിരിക്കും അനുഭവപ്പെടുക. അബുദാബിയിലും ഷാർജയിലും 43 ഡിഗ്രി സെൽഷ്യസും ദുബായിൽ 42 ഡിഗ്രി സെൽഷ്യസും ഉൾപ്രദേശങ്ങളിൽ താപനില 46 ഡിഗ്രി സെൽഷ്യസും വരെ താപനില ഉയരാൻ സാധ്യതയുണ്ട്.

Keralam Weather Update: രാത്രിയിലും പകലിലും ചൂട്, ഉഷ്ണം അസ്വസ്ഥകരമായ അന്തരീക്ഷം തുടരും, കാരണം അറിയാം
Keralam Weather Update: High Heat and Humidity Trigger Yellow Alert; Daytime and Nighttime Temperatures to Soar
https://metbeatnews.com/keralam-weather-update-high-heat-and-humidity-trigger-yellow-alert

രാത്രിയിൽ താപനില കുറയും, കാറ്റിന് സാധ്യത

പകൽ താപനില ഉയരുമെങ്കിലും രാത്രിയിൽ താപനിലയിൽ നേരിയ കുറവുണ്ടാകും. അബുദാബിയിലും ഷാർജയിലും കുറഞ്ഞ താപനില 31 ഡിഗ്രി സെൽഷ്യസും ദുബായിൽ 32 ഡിഗ്രി സെൽഷ്യസുമായിരിക്കും.
തെക്കുകിഴക്ക് മുതൽ വടക്കുകിഴക്ക് ദിശയിൽ മണിക്കൂറിൽ 10 മുതൽ 25 കിലോമീറ്റർ വരെ വേഗത്തിൽ കാറ്റ് വീശും. ചില സമയങ്ങളിൽ കാറ്റിന്റെ വേഗം മണിക്കൂറിൽ 35 കിലോമീറ്റർ വരെയാകാനും സാധ്യതയുണ്ട്.

അറേബ്യൻ ഗൾഫിൽ കടൽ നേരിയതോ ചില സമയങ്ങളിൽ മിതമായതോ ആയിരിക്കും. ഒമാൻ കടലിൽ കടൽ നേരിയ നിലയിലായിരിക്കുമെന്നും കാലാവസ്ഥാ മുന്നറിയിപ്പിൽ പറയുന്നു.

English Summary : The United Arab Emirates (UAE) continues to experience severe heat conditions, with maximum temperatures expected to reach up to 46°C in internal areas today, according to the National Centre of Meteorology (NCM).