സംസ്ഥാനത്ത് ചൂട് കനക്കുന്നു; ഏറ്റവും ഉയർന്ന താപനില പുനലൂരിൽ

സംസ്ഥാനത്ത് ചൂട് വീണ്ടും ഉയരുന്നു. വിവിധ ജില്ലകളിൽ സാധാരണ താപനിലയെക്കാൾ ഉയർന്ന ചൂടാണ് അനുഭവപ്പെടുന്നത്. ഏറ്റവും ഉയർന്ന താപനില രേഖപ്പെടുത്തിയത് പുനലൂരിലാണ്. 35.8 ഡിഗ്രി സെൽഷ്യസാണ് ഇവിടെ രേഖപ്പെടുത്തിയത്.
കോട്ടയത്ത് 35.5 ഡിഗ്രിയും കോഴിക്കോട്ട് 35.1 ഡിഗ്രി സെൽഷ്യസും രേഖപ്പെടുത്തി. ഇതോടെ മൂന്ന് കേന്ദ്രങ്ങളിലും താപനില 35 ഡിഗ്രി സെൽഷ്യസിന് മുകളിലെത്തി. സാധാരണ താപനിലയിൽ നിന്നുള്ള ഏറ്റവും വലിയ വർധനവ് കോട്ടയത്താണ്. 4.6 ഡിഗ്രി സെൽഷ്യസ് അധികമാണ് ഇവിടെ രേഖപ്പെടുത്തിയത്. കൊച്ചി സി.ഐ.എ.എൽ മേഖലയിൽ 4.2 ഡിഗ്രിയും പാലക്കാട് 4.1 ഡിഗ്രിയും സാധാരണയേക്കാൾ ഉയർന്ന താപനില രേഖപ്പെടുത്തി.

Snake Attack : സംസ്ഥാനത്ത് ചൂട് കൂടുന്നു; പാമ്പ് ശല്യവും രൂക്ഷം, ഏറ്റവും കൂടുതൽ കണ്ടുവരുന്നത് മൂർഖൻ പാമ്പിനെ
സംസ്ഥാനത്ത് ചൂട് കൂടിയതോടെ പാമ്പുകൾ മാളം വിട്ട് പുറത്തേക്കിറങ്ങുന്നു. ഇതോടെ പാമ്പ് കടിയേറ്റ മരണങ്ങളും കൂടി വരുന്നു.
https://metbeatnews.com/rising-heat-wave-triggers-surge-in-snakebite-incidents

വെള്ളാനിക്കരയിൽ 34.2 ഡിഗ്രിയും തിരുവനന്തപുരത്ത് 34 ഡിഗ്രിയും കണ്ണൂരിൽ 33.7 ഡിഗ്രിയും കരിപ്പൂർ എയർപോർട്ടിൽ 33.5 ഡിഗ്രിയും താപനില രേഖപ്പെടുത്തി. തിരുവനന്തപുരം എയർപോർട്ടിൽ 32.3 ഡിഗ്രിയും നേവൽ എയർ സ്റ്റേഷൻ കൊച്ചിയിൽ 31.6 ഡിഗ്രിയുമാണ് രേഖപ്പെടുത്തിയത്.

ജനങ്ങൾ ജാഗ്രത പാലിക്കുക

തീരദേശ മേഖലകളിലും മലയോര മേഖലകളുടെ അതിർത്തി പ്രദേശങ്ങളിലും ചൂട് കൂടുതലാണ്. ഇവിടെ സാധാരണയെക്കാൾ കൂടുതൽ ചൂട് അനുഭവപ്പെടുന്ന സാഹചര്യമാണുള്ളത്. അതിനാൽ ജനങ്ങൾ ജാഗ്രത പാലിക്കണമെന്നാണ് മുന്നറിയിപ്പ്. പകൽ സമയത്ത് നേരിട്ട് വെയിൽ ഏൽക്കുന്നത് പരമാവധി ഒഴിവാക്കുകയും ആവശ്യത്തിന് വെള്ളം കുടിക്കുകയും ചെയ്യണമെന്ന് നിർദേശമുണ്ട്.

English Summary : Kerala is experiencing a sharp rise in temperatures, with several districts recording significantly higher-than-average heat levels. Punalur reported the highest temperature in the state at 35.8°C, followed closely by Kottayam (35.5°C) and Kozhikode (35.1°C).