ബാങ്കോക്കിൽ വെള്ളപ്പൊക്കം; ബാധിച്ചത് 7 ലക്ഷം പേരെ, മഴ മുന്നറിയിപ്പ് തുടരുന്നു

കനത്ത മഴയെ തുടർന്ന് തായ്‌ലൻഡ് തലസ്ഥാനമായ ബാങ്കോക്കിൽ രൂക്ഷമായ വെള്ളപ്പൊക്കം. കഴിഞ്ഞയാഴ്ച്ച പെയ്ത ശക്തമായ മഴയ്ക്ക് പിന്നാലെ നഗരത്തിലെ താഴ്ന്ന പ്രദേശങ്ങളും പ്രധാന റോഡുകളും വെള്ളത്തിനടിയിലായി. തിങ്കളാഴ്ച വെള്ളം പതുക്കെ ഇറങ്ങിത്തുടങ്ങിയെങ്കിലും പല മേഖലകളിലും വെള്ളക്കെട്ട് തുടരുകയാണ്.

മഴ തുടരും, വെള്ളം പറ്റിക്കുന്ന പ്രവർത്തനങ്ങൾ വേഗത്തിലാക്കി

നഗരത്തിലെ നാല് പ്രധാന കനാലുകളിൽ വെള്ളം ഉയർന്നതോടെ സമീപ പ്രദേശങ്ങളിൽ നിന്നുള്ള അധികജലം കനാലുകളിലേക്ക് ഒഴുക്കിവിടാൻ കഴിയാത്ത സാഹചര്യമുണ്ടായിരുന്നു. മഴ ഇടയ്ക്കിടെ തുടരുന്നുണ്ടെങ്കിലും വെള്ളം വറ്റിക്കുന്ന പ്രവർത്തനങ്ങൾ വേഗത്തിലാക്കുമെന്ന് നഗര ഭരണകൂടം അറിയിച്ചു. രാജ്യത്തിന്റെ വിവിധ ഭാഗങ്ങളിൽ വരും ദിവസങ്ങളിലും മഴ തുടരുമെന്നാണ് കാലാവസ്ഥാ വകുപ്പിന്റെ മുന്നറിയിപ്പ്. എന്നാൽ ബാങ്കോക്കിൽ മഴയുടെ തീവ്രത കുറയുമെന്നാണ് പ്രവചനം.

#BREAKING: 🇹🇭 Bangkok declared a disaster zone after nearly 300mm of rain flooded all 50 districts. Stay home as canals overflow#BangkokFloods #Thailand

pic.twitter.com/Y7DIIzms2c pic.twitter.com/J00ZwDxFJa
— Twilight (@TwilightDewy) September 26, 2026

വെള്ളപ്പൊക്കത്തിൽ ബാങ്കോക്കിലെ 3.29 ലക്ഷം കുടുംബങ്ങളിലായി ഏകദേശം ഏഴ് ലക്ഷം പേരെ ബാധിച്ചതായി ഫ്ലഡ് കൺട്രോൾ സെന്റർ അറിയിച്ചു. നഗരത്തിലെ 50 ജില്ലകളിലും ശനിയാഴ്ച അടിയന്തരാവസ്ഥ പ്രഖ്യാപിച്ചു.

പ്രായമായവർ, ഭിന്നശേഷിക്കാർ തുടങ്ങിയ ദുരിതബാധിതർക്ക് അടിയന്തര സഹായവും ആവശ്യമായവർക്ക് ഒഴിപ്പിക്കലും മുൻഗണന നൽകി. നഗരത്തിലെ വിവിധ ദുരിതാശ്വാസ ക്യാമ്പുകളിലായി ഏകദേശം 7,000 പേർ കഴിയുന്നതായാണ് അധികൃതർ വ്യക്തമാക്കിയത്.

പ്രധാനമന്ത്രി സന്ദർശിച്ചു

കിഴക്കൻ ബാങ്കോക്കിലാണ് വെള്ളപ്പൊക്കം ഏറ്റവും രൂക്ഷമായത്. പ്രധാനമന്ത്രി അനുട്ടിൻ ചാൻവിരകുൽ ഞായറാഴ്ച രാത്രി ബാങ്കോക്കിലെ ബാങ് കാപ്പി മേഖലയിലെ വെള്ളപ്പൊക്കബാധിത പ്രദേശങ്ങൾ സന്ദർശിച്ച് ദുരിതാശ്വാസ സാമഗ്രികൾ വിതരണം ചെയ്തു.

വെള്ളപ്പൊക്കം ജനജീവിതത്തെയും തൊഴിൽ മേഖലയെയും സാരമായി ബാധിച്ചു. നിരവധി സ്ഥാപനങ്ങളിൽ ജീവനക്കാർക്ക് ജോലിക്കെത്താൻ കഴിയാതെ വന്നതോടെ പ്രവർത്തനങ്ങൾ തടസ്സപ്പെട്ടു. ഭക്ഷ്യവസ്തുക്കൾ ഉൾപ്പെടെയുള്ള സാധനങ്ങളുടെ വിതരണം തടസ്സപ്പെടുകയും പരിഭ്രാന്തിയോടെ ആളുകൾ സാധനങ്ങൾ വാങ്ങിക്കൂട്ടുകയും ചെയ്തതായി റിപ്പോർട്ടുകളുണ്ട്.

Thailand flood death toll rises to 23 with over 2.6M affected across 29 provinces and Bangkok.

Water reaching Bangkok puts urban drainage and infrastructure to a severe test, threatening regional supply chains and economic stability. pic.twitter.com/HsJUKligaU
— RussiaNews 🇷🇺 (@mog_russEN) September 29, 2026

വിമാനത്താവളങ്ങളിൽ വെള്ളകെട്ട്

വെള്ളപ്പൊക്കത്തെ തുടർന്ന് ബാങ്കോക്ക് വിമാനത്താവളത്തിലെ ഗ്രൗണ്ട് ഹാൻഡ്‌ലിങ് പ്രവർത്തനങ്ങളെയും ബാധിച്ചു. ജീവനക്കാരുടെ കുറവും ബാഗേജ് ട്രോളികളുമായി ബന്ധപ്പെട്ട പ്രശ്നങ്ങളും മൂലം യാത്രക്കാർക്ക് ലഗേജ് ലഭിക്കാൻ സാധാരണയേക്കാൾ കൂടുതൽ സമയം കാത്തിരിക്കേണ്ടി വന്നതായി വിമാനത്താവള അധികൃതർ അറിയിച്ചു. സ്ഥിതിഗതികൾ നിയന്ത്രിക്കാൻ തായ് വ്യോമസേനയും സഹായത്തിനെത്തി.

വെള്ളപ്പൊക്ക സാഹചര്യം കണക്കിലെടുത്ത് സർക്കാർ ഓഫീസുകൾക്ക് ഇന്നലയും ഇന്നും പ്രത്യേക അവധി പ്രഖ്യാപിച്ചു. സർക്കാർ സ്ഥാപനങ്ങൾ, ബാങ്കുകൾ, സ്വകാര്യ സ്ഥാപനങ്ങൾ, ആശുപത്രികൾ എന്നിവ ആവശ്യാനുസരണം പ്രവർത്തനം തുടരണമോ എന്ന് തീരുമാനിക്കണമെന്നും സർക്കാർ നിർദേശിച്ചു.

Nepal Weather : നേപ്പാളിൽ കനത്ത മഴയും ഉരുൾപൊട്ടലും; കൂറ്റൻ മലനിരകൾ ഇടിഞ്ഞു വീണു, 24 മരണം, 14 പേരെ കാണാതായി
നേപ്പാളിൽ കനത്ത മഴയെ തുടർന്നുണ്ടായ പ്രളയത്തിലും ഉരുൾപൊട്ടലിലും വ്യാപക നാശനഷ്ടം
https://metbeatnews.com/24-dead-14-missing-after-massive-mountain-collapse

ഉരുൾപൊട്ടലിനും മഴ വെള്ളപ്പാച്ചിലിനും സാധ്യത

അതേസമയം, രാജ്യത്തിന്റെ വിവിധ ഭാഗങ്ങളിൽ കനത്തതോ അതിശക്തമായതോ ആയ മഴയ്ക്ക് സാധ്യതയുണ്ടെന്ന് തായ്‌ലൻഡ് കാലാവസ്ഥാ വകുപ്പ് മുന്നറിയിപ്പ് നൽകി. വടക്കൻ, മധ്യ, കിഴക്കൻ മേഖലകളിൽ പ്രളയം, നദികളിലെ ജലനിരപ്പ് ഉയരൽ, മലവെള്ളപ്പാച്ചിൽ, ഉരുൾപൊട്ടൽ എന്നിവയ്ക്ക് സാധ്യതയുള്ളതിനാൽ ജാഗ്രത പാലിക്കണമെന്നും അധികൃതർ മുന്നറിയിപ്പ് നൽകി.

English Summary : Heavy monsoon rains have triggered severe flooding across Bangkok, impacting over 700,000 residents across 3.29 lakh households and prompting an emergency declaration across all 50 districts. Prime Minister Anutin Charnvirakul visited affected areas as floodwaters disrupted daily life, business operations, supply chains, and airport ground handling. With the Thai Meteorological Department warning of continued heavy rainfall, flash floods, and landslides across multiple regions, the government has announced special holidays for public offices while rescue and drainage operations are accelerated.