സ്വിറ്റ്സർലൻഡിൽ താണ്ഡവമാടി ഇടിമിന്നൽ; 22,000ത്തിലേറെ മിന്നലാക്രമണങ്ങൾ

2026 ജൂൺ ഒന്ന് മുതൽ ഓഗസ്റ്റ് 31 വരെയുള്ള കാലയളവിൽ രാജ്യത്ത് 22,158 ക്ലൗഡ്-ടു-ഗ്രൗണ്ട് മിന്നലാക്രമണങ്ങൾ രേഖപ്പെടുത്തിയതായി കാലാവസ്ഥാ നിരീക്ഷണ സ്ഥാപനമായ മെറ്റിയോറേജ് അറിയിച്ചു.വേനൽക്കാലത്ത് ശക്തമായ ഇടിമിന്നൽ ആണ് സ്വിറ്റ്സർലൻഡിൽ അനുഭവപ്പെട്ടത്.

അതേസമയം യൂറോപ്പിൽ ഇതേ കാലയളവിൽ 8,93,458 മിന്നലാക്രമണങ്ങളാണ് രേഖപ്പെടുത്തിയത്. ഇറ്റലി, ഫ്രാൻസ്, സ്പെയിൻ തുടങ്ങിയ രാജ്യങ്ങളേക്കാൾ ഏറെ പിന്നിലാണെങ്കിലും, രാജ്യത്തിന്റെ വിസ്തൃതിയുമായി താരതമ്യം ചെയ്യുമ്പോൾ സ്വിറ്റ്സർലൻഡിലെ മിന്നൽ സാന്ദ്രത യൂറോപ്പിൽ രണ്ടാം സ്ഥാനത്താണ്.

🇨🇭 Una severa tormenta azotó Zúrich, Suiza, con fuertes vientos huracanados que impactaron distintas zonas de la ciudad. Las condiciones meteorológicas generaron afectaciones y obligaron a extremar precauciones. pic.twitter.com/zAEQsBFCpP
— Canal 13 Oaxaca (@canal13oaxaca) September 1, 2026

ഒരു ചതുരശ്ര കിലോമീറ്ററിന് 2.43 മിന്നലാക്രമണങ്ങൾ എന്ന നിരക്കാണ് സ്വിറ്റ്സർലൻഡിൽ രേഖപ്പെടുത്തിയത്. ഒന്നാം സ്ഥാനത്ത് ഇറ്റലിയാണ്. 4.73 എന്ന നിരക്കിലാണ് ഇടിമിന്നൽ. സ്വിറ്റ്സർലൻഡിന് പിന്നിൽ നെതർലൻഡ്സ്, ബെൽജിയം, ഫ്രാൻസ്, ജർമനി എന്നിവയാണ്.

കഴിഞ്ഞ മാസം മിന്നലിന്റെ ശക്തി കൂടി

ഓഗസ്റ്റിലെ കടുത്ത വേനലിലാണ് ഏറ്റവും കൂടുതൽ മിന്നലാക്രമണങ്ങൾ രേഖപ്പെടുത്തിയത്. ഓഗസ്റ്റിൽ മാത്രം രേഖപ്പെടുത്തിയത് 7,993 മിന്നലാക്രമണങ്ങളാണ്. ജൂലൈയിൽ 7,424ഉം ജൂണിൽ 6,741ഉം മിന്നലാക്രമണങ്ങളാണ് ഉണ്ടായത്. ഓഗസ്റ്റിൽ 27 ദിവസം ഇടിമിന്നലോട് കൂടിയ കാലാവസ്ഥ അനുഭവപ്പെട്ടു. ഓഗസ്റ്റ് 28നായിരുന്നു ഏറ്റവും ശക്തമായ മിന്നലാക്രമണം. ഒറ്റ ദിവസം 1,886 മിന്നലാക്രമണങ്ങൾ അന്ന് രേഖപ്പെടുത്തി. കാന്റൺ അടിസ്ഥാനത്തിൽ ബെർണാണ് ഏറ്റവും കൂടുതൽ മിന്നലാക്രമണങ്ങൾ നേരിട്ടത്. 3,426 മിന്നലാക്രമണങ്ങൾ.

Pakistan Rain : റോഡുകൾ വെള്ളത്തിൽ, വാഹനങ്ങൾ കുടുങ്ങി; പാകിസ്ഥാനിൽ കനത്ത മഴ
കനത്ത മഴയിൽ മുങ്ങി പാക്കിസ്ഥാൻ. ശക്തമായ മഴയിൽ പാകിസ്ഥാന്റെ തലസ്ഥാനമായ ഇസ്ലാമാബാദിൽ വ്യാപക വെള്ളക്കെട്ടാണ് അനുഭവപ്പെട്ടത്.
https://metbeatnews.com/water-levels-rise-above-danger-mark-in-key-areas

ഇടിമിന്നൽക്കാറ്റുകൾക്ക് പിന്നിൽ സൂപ്പർസെല്ലുകൾ

2026ലെ വേനൽക്കാലം സമീപ വർഷങ്ങളിലെ ഏറ്റവും കൂടുതൽ മിന്നലുള്ള വേനൽക്കാലങ്ങളിൽ ഒന്നായിരുന്നില്ലെന്നാണ് മെറ്റിയോറേജ് പറയുന്നത്. എന്നാൽ ചില ഘട്ടങ്ങളിൽ ഉണ്ടായ അതിശക്തമായ ഇടിമിന്നൽക്കാറ്റുകളാണ് ഇത്തവണത്തെ വേനൽക്കാലത്തെ ശ്രദ്ധേയമാക്കിയത്.

യൂറോപ്പിന്റെ വിവിധ ഭാഗങ്ങളിൽ ശക്തമായ ഇടിമിന്നൽക്കാറ്റുകൾ ഉണ്ടായതോടെ ഇതിന്റെ ഭാഗമായി സൂപ്പർസെൽ ഇടിമിന്നൽക്കാറ്റുകൾ, ശക്തമായ ആലിപ്പഴവർഷം, നാശനഷ്ടങ്ങൾക്ക് കാരണമാകുന്ന ശക്തമായ കാറ്റ്, ചില പ്രദേശങ്ങളിൽ ചുഴലിക്കാറ്റ് എന്നിവയും റിപ്പോർട്ട് ചെയ്തു.

A violent storm swept across Switzerland, bringing near-black skies, torrential rain, powerful winds and damaging hail from the Bern region toward Aargau and Zürich.

Some pretty wild scenes for Switzerland. 😳

🎥👇 pic.twitter.com/CgUBgXBc6M
— Strange Sounds (@Strange_Sounds) August 29, 2026

ജൂൺ രണ്ടാം പകുതിയിലും പ്രത്യേകിച്ച് ഓഗസ്റ്റ് മാസത്തിലുമാണ് യൂറോപ്പിൽ ഇടിമിന്നൽ കൂടുതൽ ശക്തമായത്. 2025ലെ വേനൽക്കാലത്തേക്കാൾ ഇത്തവണ യൂറോപ്പിലെ ഇടിമിന്നൽ പ്രവർത്തനം ഗണ്യമായി ഉയർന്നതായും മെറ്റിയോറേജ് റിപ്പോർട്ട് വ്യക്തമാക്കുന്നു.

English Summary : Between June 1 and August 31, 2026, Switzerland experienced extreme summer thunderstorm activity, recording 22,158 cloud-to-ground lightning strikes, according to meteorological intelligence firm Meteorage.