സംസ്ഥാനത്ത് സ്ട്രോബറി കൃഷിക്ക് ധനസഹായം; കർഷകർക്ക് അപേക്ഷിക്കാം

സംസ്ഥാനത്ത് സ്ട്രോബറി കൃഷി വ്യാപിപ്പിക്കുന്നതിനായി കർഷകർക്ക് ധനസഹായം നൽകുന്നു. സംസ്ഥാന ഹോർട്ടികൾച്ചർ മിഷന്റെ എംഐഡിഎച്ച് (MIDH) പദ്ധതി പ്രകാരമാണ് സാമ്പത്തിക സഹായം ലഭ്യമാക്കുന്നത്. പരമാവധി രണ്ട് ഹെക്ടർ വരെ സ്ട്രോബറി കൃഷി ചെയ്യുന്ന കർഷകർക്ക് ആനുകൂല്യത്തിനായി അപേക്ഷിക്കാം.

സ്ട്രോബറി കൃഷി വ്യാപിപ്പിക്കൽ, പ്ലാസ്റ്റിക് മൾച്ചിങ്, പക്ഷികൾ, മഞ്ഞുവീഴ്ച എന്നിവ മൂലമുള്ള കൃഷിനാശം തടയുന്നതിനായി സംരക്ഷണ വല സ്ഥാപിക്കൽ തുടങ്ങിയ പ്രവർത്തനങ്ങൾക്കാണ് ധനസഹായം നൽകുന്നത്.

ദേവികുളം ബ്ലോക്കിലെ വട്ടവട, കാന്തല്ലൂർ കൃഷിഭവനുകൾക്ക് കീഴിലുള്ള കർഷകർക്കാണ് മുൻഗണന. ഒക്ടോബർ അവസാന വാരം മുതൽ ഡിസംബർ രണ്ടാം വാരം വരെയാണ് സ്ട്രോബറി നടീലിനുള്ള അനുയോജ്യമായ സമയം.

ധനസഹായത്തിന് താൽപര്യമുള്ള കർഷകർ കൂടുതൽ വിവരങ്ങൾക്കും അപേക്ഷാ നടപടികൾക്കുമായി അതത് കൃഷിഭവനുകളുമായി ബന്ധപ്പെടണമെന്ന് അധികൃതർ അറിയിച്ചു.

English Summary : The State Horticulture Mission (SHM) Kerala is offering financial assistance under the Mission for Integrated Development of Horticulture (MIDH) scheme to promote strawberry cultivation across the state.