കേരളത്തിൽ ഡ്രൈ സ്പൈറൽ മഴ എത്തിയേക്കും

കേരളത്തില്‍ തണുത്ത അന്തരീക്ഷം തുടരുകയാണ്. ഡിറ്റ് വാ ചുഴലികാറ്റിനെ തുടർന്നാണ് കേരളത്തിൽ ഇപ്പോൾ അതി കഠിനമായ തണുപ്പ് അനുഭവപ്പെടുന്നത്. എന്നാൽ ചില ജില്ലകളിൽ മാത്രമാണ് വലിയ തോതിൽ തണുത്ത അന്തരീക്ഷമുള്ളത്. അന്തരീക്ഷം മൂടപെട്ട അവസ്ഥയാണിപ്പോൾ. ചിലയിടങ്ങളിൽ ചെറിയ തോതിൽ മഴയനുഭവപ്പെടുന്നുണ്ട്. കേരളത്തിന് മുകളിൽ കനത്ത മേഘങ്ങൾ ഉള്ളതിനാൽ സൂര്യപ്രകാശം ഭൂമിയിൽ വീഴുന്നില്ലെന്നതാണ് മൂടിയ അന്തരീക്ഷത്തിന് കാരണം.

അന്തരീക്ഷം ചൂടുപിടിക്കാത്തതിനാൽ പകലും രാത്രിയുംകുറഞ്ഞ താപനില അവസ്ഥയാണ്. മാത്രമല്ല ന്യൂനമർദങ്ങളും ചുഴലിക്കാറ്റുകളും താപനില കുറയ്ക്കുന്നുണ്ടെന്നാണ് കാലാവസ്ഥാ നിരീക്ഷകർ പറയുന്നത്. അതേസമയം ഡിറ്റ് വാ ചുഴലിക്കാറ്റിന്റെ ഔട്ടർ ബാൻഡിനു പുറത്താണ് കേരളമെന്നതിനാൽ കനത്ത മഴയും ലഭിക്കുന്നില്ല.

ഡ്രൈ സ്പൈറൽ മഴ എത്തിയേക്കും

കേരളത്തിന്റെ കിഴക്കൻ മേഖലയിൽ ഡ്രൈ സ്പൈറൽ എന്നറിയപ്പെടുന്ന ചെറിയ മഴ ഡിറ്റ് വാ ചുഴലികാറ്റ് നൽകിയേക്കും. നിലവിൽ ഡിറ്റ് വാ ശക്തികൂടിയ ന്യൂനമർദ്ദമായി തമിഴ്‌നാടിന് മുകളിലായുണ്ട്. അതേസമയം ന്യൂനമര്‍ദം കരകയറി പടിഞ്ഞാറ് പടിഞ്ഞാറ് ദിശയിൽ സഞ്ചരിക്കാൻ സാധ്യതയുണ്ട്. വടക്കൻ കേരളം, വടക്കൻ തമിഴ്നാട്, തെക്ക് ഉൾനാടൻ കർണാടക, തീരദേശ ആന്ധ്രപ്രദേശ് എന്നിവിടങ്ങളിൽ മഴയ്ക്ക് സാധ്യതയെന്നാണ് കാലാവസ്ഥ നിരീക്ഷകർ പറയുന്നത്.

English Summary: Heavy clouds over Kerala block sunlight, leading to cooler temperatures both day and night. Discover how weather patterns affect the region's climate.