ഒമാനിൽ വേനൽകാലത്തിന് വിട; ഇനി വിനോദസഞ്ചാരികൾ ഒഴുകിയെത്തും

ഒമാനിലും (Oman)ശരത് കാലം (autumn)എത്തി തുടങ്ങി. ഇനി ചൂട് കുറയും. വേനൽക്കാലം അവസാനിച്ച് ശരത്കാലത്തിലേക്ക് കടക്കുന്നതോടെ ഒമാനിൽ ചൂട് ക്രമേണ കുറയുകയാണ്. ഇതോടെ വിവിധ ഗവർണറേറ്റുകളിൽ താപനില പതുക്കെ താഴ്ന്നുതുടങ്ങുമെന്ന് കാലാവസ്ഥാ വിദഗ്ധൻ മസീൻ ബിൻ അബ്ദുല്ല (Mazin bin Abdullah)അറിയിച്ചു. അതേസമയം എല്ലാ മേഖലകളിലും ഒരേസമയം താപനില കുറയില്ല. മാറ്റം ഘട്ടംഘട്ടമായിരിക്കുമെന്നും അദ്ദേഹം വ്യക്തമാക്കി.

രാത്രിയും പുലർച്ചെയും സുഖമായ കാലാവസ്ഥ

രാത്രിയിലും പുലർച്ചെയുമാണ് പല പ്രദേശങ്ങളിലും കാലാവസ്ഥ കൂടുതൽ സുഖകരമാകുക. എന്നാൽ ഉൾനാടൻ മേഖലകളിൽ സ്ഥിതി വ്യത്യസ്‌തമാകും. ഇവിടെ പകൽസമയത്തെ ഉയർന്ന താപനില കുറച്ചുകാലം കൂടി തുടരും.

UAE Weather : യുഎഇയിൽ ചൂട് തുടരും; മൂടൽമഞ്ഞിനും കാറ്റിനും സാധ്യത
യുഎഇയിൽ ചൂട് തുടരും. താപനില 27 മുതൽ 44 ഡിഗ്രി സെൽഷ്യസ് വരെയായിരിക്കും. അബുദാബിയിൽ പരമാവധി 42 ഡിഗ്രിയും കുറഞ്ഞ താപനില 30 ഡിഗ്രിയുമായിരിക്കും.
https://metbeatnews.com/high-temperatures-to-continue-fog-and-wind-warnings-issued

ഒമാന്റെ ഭൂപ്രകൃതിയിലെ വൈവിധ്യം കാരണം തീരപ്രദേശങ്ങൾ, ഉൾനാടൻ മേഖലകൾ, പർവതപ്രദേശങ്ങൾ എന്നിവിടങ്ങളിൽ താപനിലയിൽ വ്യത്യാസമുണ്ടാകും. ഉയർന്ന പ്രദേശങ്ങളിൽ പൊതുവെ ഉൾനാടൻ മേഖലകളേക്കാൾ മിതമായ കാലാവസ്ഥയായിരിക്കും അനുഭവപ്പെടുക.

വിനോദസഞ്ചാരികൾ ഒഴുകിയെത്തും

ഇനി കുറച്ചുകാലം ഓമാനിലേക്ക് വിനോദസഞ്ചാരികളുടെ ഒഴുക്കായിരിക്കും. വടക്കൻ ഒമാനിലെ പർവതനിരകൾ മുതൽ ദോഫാർ വരെ പ്രകൃതിഭംഗി ആസ്വദിക്കാൻ അനുയോജ്യമായ കാലയളവിലേക്കാണ് രാജ്യം കടക്കുന്നത്. കാലാവസ്ഥ സുഖകരമാകുന്നതോടെ ക്യാമ്പിങ്, ഹൈക്കിങ്, വാദി സന്ദർശനം തുടങ്ങിയ വിനോദസഞ്ചാര പ്രവർത്തനങ്ങൾ സജീവമാകുമെന്നാണ് പ്രതീക്ഷ.

ഇതോടെ ഹോട്ടലുകൾ, റെസ്റ്റോറന്റുകൾ, ഗതാഗതം, ചെറുകിട സംരംഭങ്ങൾ എന്നിവയുൾപ്പെടെയുള്ള ടൂറിസം മേഖലയ്ക്കും ഉണർവുണ്ടാകും. അതേസമയം, കാലാവസ്ഥാമുന്നറിയിപ്പുകളും സുരക്ഷാ നിർദേശങ്ങളും കൃത്യമായി പാലിച്ചശേഷം യാത്രകൾ ആസൂത്രണം ചെയ്യണമെന്ന് അധികൃതർ നിർദേശിക്കുന്നു.

English Summary : Oman is transitioning out of the harsh summer heat into the autumn (Khareef/transition) season, marking the start of its peak tourism period. Meteorological expert Mazin bin Abdullah confirmed a gradual drop in temperatures across various governorates, though coastal, inland, and mountainous regions will experience the shift at different rates.