അഫ്ഗാനില്‍ ശക്തിയേറിയ ഭൂചലനം; 20 ലേറെ മരണം, ബ്ലൂ മോസ്‌കിനും നാശനഷ്ടം

വടക്കന്‍ അഫ്ഗാനിസ്ഥാനില്‍ ഉണ്ടായ 6.3 തീവ്രതയുള്ള ഭൂചലനത്തില്‍ 20 മരണം. നൂറുകണക്കിനാളുകള്‍ക്ക് പരുക്കേറ്റു. മാസാരി ശരീഫിന് സമീപമാണ് ഭൂചലന പ്രഭവ കേന്ദ്രം. 5 ലക്ഷം പേര്‍ താമസിക്കുന്ന രാജ്യത്തെ വലിയ നഗരങ്ങളിലൊന്നാണ് മസാരി ശരീഫ്. പ്രാദേശിക സമയം ഉച്ചയ്ക്ക് 1 മണിയോടെയാണ് ശക്തമായ ഭൂചലനം ഉണ്ടായത്.

EQ of M: 6.3, On: 03/11/2025 01:59:02 IST, Lat: 36.51 N, Long: 67.50 E, Depth: 23 Km, Location: Afghanistan.
For more information Download the BhooKamp App https://t.co/5gCOtjdtw0 @DrJitendraSingh @OfficeOfDrJS @Ravi_MoES @Dr_Mishra1966 @ndmaindia pic.twitter.com/3aODD7jOky
— National Center for Seismology (@NCS_Earthquake) November 2, 2025

28 കി.മി താഴ്ചയില്‍ പ്രഭവ കേന്ദ്രം

28 കി.മി താഴ്ചയിലാണ് ഭൂചലനത്തിന്റെ പ്രഭവസ്ഥാനം. റിക്ടര്‍ സ്‌കെയിയില്‍ 6.3 തീവ്രത രേഖപ്പെടുത്തി. യു.എസ് ജിയോളജിക്കല്‍ സര്‍വേ ഓറഞ്ച് അലര്‍ട്ട് കാറ്റഗറിയിലാണ് ഭൂചലനത്തെ ഉള്‍പ്പെടുത്തിയത്. 530 ലധികം പേര്‍ക്ക് പരുക്കേറ്റെന്നാണ് താലിബാന്‍ സര്‍ക്കാരിന്റെ ആരോഗ്യ മന്ത്രാലയം അറിയിക്കുന്നത്.

മരണ സംഖ്യ കൂടിയേക്കും

മരണ സംഖ്യ വര്‍ധിച്ചേക്കാമെന്ന് പ്രവിശ്യാ സര്‍ക്കാര്‍ പറഞ്ഞു. ഷോല്‍ഗാര ജില്ലയില്‍ നിരവധി പേര്‍ക്ക് പരുക്കേറ്റെന്നാണ് ബാല്‍ക് പ്രവിശ്യയിലെ താലിബാന്‍ വക്താവ് ഹാജി സെയ്ദ് പറയുന്നത്. മസാരി ഷരീഫിന് തെക്കാണ് ഈ പ്രദേശം. ഉറപ്പില്ലാത്ത കെട്ടിടങ്ങളാണ് ഇവിടെ ഏറെയും. വീടുകള്‍ മണ്ണില്‍ പടവു ചെയ്തവയും മരച്ചില്ലകളും കമ്പുകളും കൊണ്ട് നിര്‍മിച്ചവയുമാണ്. ഇവ തകര്‍ന്നാണ് മിക്കവര്‍ക്കും പരുക്കേറ്റത്.

അഫ്ഗാനിസ്ഥാനില്‍ വൈദ്യുതി മുടങ്ങി

ഭൂചലനമുണ്ടായ ഉടനെ ജനങ്ങള്‍ പരിഭ്രാന്തരായി തെരുവിലിറങ്ങി. രാജ്യത്ത് പലയിടത്തും വൈദ്യുതി മുടങ്ങി. തലസ്ഥാനമായ കാബൂളിലും വൈദ്യുതി നിലച്ചു. ഉസ്ബകിസ്ഥാനും താജികിസ്ഥാനുമായി ബന്ധിപ്പിക്കുന്ന ഗ്രിഡ് തകര്‍ന്നതാണ് കാരണം. അഫ്ഗാനിസ്ഥാനിലേക്കുള്ള പ്രധാന വൈദ്യുതി വിതരണം ഇതുവഴിയാണ്.

A 6.3-magnitude earthquake hit near the northern Afghan city of Mazar-e Sharif, killing at least 20 people, injuring hundreds, and damaging the city’s historic Blue Mosque, officials say. The death toll is expected to rise.

Read more: https://t.co/E3JeKekyJb pic.twitter.com/Ix9icTfCV9
— Al Arabiya English (@AlArabiya_Eng) November 3, 2025

ബ്ലൂ മോസ്‌ക് തകര്‍ന്നു

മസാരി ശരീഫിലെ പ്രശസ്തമായ ബ്ലൂ മോസ്‌കിന്റെ ഭാഗങ്ങള്‍ തകര്‍ന്നു. പള്ളിയുടെ അവശിഷ്ടങ്ങളുടെ ദൃശ്യങ്ങള്‍ പുറത്തുവന്നു. ശിയാ മുസ്്ലികളുടെ പള്ളിയാണിത്. 15ാം നൂറ്റാണ്ടിലാണ് ഈ പള്ളി പണികഴിപ്പിച്ചത്. ആദ്യ ശിയാ ഇമാമും പ്രവാചകന്‍ മുഹമ്മദ് നബിയുടെ മരുമകനുമായ ഖലീഫ ഹസ്രത്ത് അലിയുടെ ഖബറിടം ഇവിടെയാണ്. എന്നാൽ കുറച്ച് ശിയകൾ അദ്ദേഹത്തിന്റെ യഥാർത്ഥ ശവകുടീരം ഇറാഖിലെ നജാഫിലാണ് എന്ന് വിശ്വസിക്കുന്നുണ്ട്.

Video shows severe damage to Afghanistan’s iconic Blue Mosque in Mazar-e-Sharif after a 6.3 magnitude earthquake.

Officials report at least 7 dead and 150 injured in the area.

Source : @AJEnglish #Earthquake #Afghanistan #افعانستان pic.twitter.com/a5nHjGlYFx
— Farhad (@Farhadgol60) November 3, 2025

ഇന്ത്യ സഹായം അയച്ചു

അഫ്ഗാനിസ്ഥാനിലേക്ക് ഇന്ത്യ അടിയന്തര സഹായം അയച്ചതായി വിദേശകാര്യമന്ത്രി എസ് ജയ് ശങ്കര്‍ പറഞ്ഞു. അഫ്ഗാനിസ്ഥാന്‍ വിദേശകാര്യ മന്ത്രി മൗലവി അമീര്‍ ഖാന്‍ മുത്തഖിയുമായി ഫോണില്‍ സംസാരിച്ചതായും മരിച്ചവരുടെ കുടുംബത്തെ അനുശോചനം അറിയിച്ചതായും എസ് ജയ്ശങ്കര്‍ പറഞ്ഞു. ഇന്ത്യ അയച്ച ദുരിതാശ്വാസ വസ്തുക്കള്‍ ഇന്നു തന്നെ ദുരിത ബാധിതര്‍ക്ക് കൈമാറും.

English Summary: Strong earthquake in Afghanistan; More than 20 dead, Blue Mosque damaged