നാളെ (തിങ്കള്‍) മാനത്തു കാണാം, സ്‌ട്രോബറി ചന്ദ്രനെ

നാളെ മേഘങ്ങളില്ലെങ്കില്‍ മാനത്ത് കാണാം സ്ട്രോബറി ( Strawberry Moon ) . എല്ലാ വര്‍ഷവും ജൂണ്‍ മാസത്ത് ആകാശത്ത് കാണുന്ന പൂര്‍ണചന്ദ്രന്‍ ( പൗര്‍ണമി) യെയാണ് സ്‌ട്രോബറി മൂണ്‍ എന്നു പറയുന്നത്. ഈ വര്‍ഷത്തെ സ്‌ട്രോബറി മൂണ്‍ ജൂണ്‍ 29 നാണ് ഇന്ത്യയില്‍ ദൃശ്യമാകുക. വൈകിട്ട് 7.57 ന് ഇന്ത്യന്‍ സമയം സ്‌ട്രോബറി മൂണിനെ കാണാം. ഈ സമയത്താണ് പൂര്‍ണ തോതിലുള്ള പ്രകാശത്തില്‍ സ്‌ട്രോബറി മൂണിനെ കാണാനാകുക. അതിനു മുന്‍പും ശേഷവും പൂര്‍ണ ചന്ദ്രനെ കാണാനാകില്ല ഇതുകൊണ്ട് അര്‍ഥമില്ല.

എന്തുകൊണ്ട് ഈ പേരുവന്നു ?

വിളവെടുപ്പ് കാലം

വടക്കേ അമേരിക്കയിലെ തദ്ദേശീയ ഗോത്രവര്‍ഗക്കാരാണ് ചന്ദ്രന് ഈ പേരിട്ടത്. ജൂണ്‍ മാസത്തിലാണ് അവിടെ സ്‌ട്രോബറി പഴങ്ങള്‍ പാകമായിരുന്നതും വിളവെടുത്തിരുന്നതും. ചന്ദ്രന് പിങ്ക് നിറമുള്ളതു കൊണ്ടല്ല സ്‌ട്രോബറി ചന്ദ്രന്‍ എന്നു വിളിക്കുന്നത്. സീസണുമായി ബന്ധപ്പെട്ട പേരാണിത്. അല്ലാതെ നിറത്തിന്റെ അടിസ്ഥാനത്തിലുള്ളതല്ല.

ഇത്തവണത്തെ പ്രത്യേകതള്‍

വലിപ്പക്കൂടുതല്‍

ഉത്തരാര്‍ദ്ധഗോളത്തില്‍ ചന്ദ്രന്‍ സാധാരണയേക്കാള്‍ താഴ്ന്ന പാതയിലൂടെയാണ് സഞ്ചരിക്കുന്നത്. അതിനാല്‍ 'മൂണ്‍ ഇല്യൂഷന്‍' (Moon Illusion) കാരണം ചന്ദ്രന്‍ ചക്രവാളത്തോട് ചേര്‍ന്ന് സാധാരണയേക്കാള്‍ കൂടുതല്‍ വലുതായി കാണപ്പെടും.

നിറം

ചക്രവാളത്തിന് മുകളില്‍ താഴെയായി കാണപ്പെടുമ്പോള്‍, ഭൂമിയുടെ അന്തരീക്ഷത്തിലൂടെ പ്രകാശം കടന്നുപോകുന്നതിനാല്‍ ചന്ദ്രന് നേരിയ സ്വര്‍ണ്ണനിറമോ ഓറഞ്ച് നിറമോ കലര്‍ന്ന രീതിയില്‍ ദൃശ്യമായേക്കാം.

എങ്ങനെ കാണാം?

സമയം: ജൂണ്‍ 29ന് വൈകുന്നേരം ചന്ദ്രോദയത്തിന് തൊട്ടുപിന്നാലെ തന്നെ ഇത് കാണാന്‍ സാധിക്കും.

സ്ഥലം: മറ്റ് കൃത്രിമ പ്രകാശങ്ങള്‍ കുറവുള്ളതും, കിഴക്കന്‍ ചക്രവാളം വ്യക്തമായി കാണാവുന്നതുമായ ഉയര്‍ന്ന പ്രദേശങ്ങളാണ് ഇത് നിരീക്ഷിക്കാന്‍ ഏറ്റവും അനുയോജ്യം.