മഴ മാറി, ചൂട് കൂടി; കാലവർഷം എവിടെ? കേരളത്തിൽ ആശങ്ക ഉയരുന്നു

ഓരോ ദിവസവും ചൂട് ശക്തമാവുകയാണ്. കാലവർഷം ഇതുവരെ പിൻവാങ്ങിയിട്ടില്ല. മഴ ദുർബലമായതോടെയാണ് കേരളത്തിൽ ചൂട് ദിനം പ്രതി ഉയർന്നു വരുന്നത്. സെപ്റ്റംബർ ആദ്യ ദിവസങ്ങളിൽ തന്നെ മിക്ക പ്രദേശങ്ങളിലും പകൽ താപനില ഉയർന്നത് വലിയ ആശങ്കയ്ക്കിടയാക്കുന്നുണ്ട്. 35 ഡിഗ്രി സെൽഷ്യസ് ആണ് സെപ്തംബർ മാസത്തിൽ ആദ്യദിനങ്ങളിൽ കടന്നത്. വരും ദിവസങ്ങളിലും ചൂട് ഉയരാൻ തന്നെയാണ് സാധ്യത.

സെപ്റ്റംബറില്‍ സാധാരണയേക്കാള്‍ മഴ കുറയും, ചൂട് കൂടും
IMD Forecasts Below-Normal Rainfall and Rising Temperatures for Kerala in September
https://metbeatnews.com/imd-forecasts-below-normal-rainfall-and-rising-temperatures-for-kerala-in-septem

മഴക്കുറവ് ശക്തമാകുന്നു

സംസ്ഥാനത്ത് തെക്കുപടിഞ്ഞാറൻ മൺസൂൺ അവസാനിക്കാനിരിക്കെ മഴക്കുറവും ശക്തമാവുകയാണ്. ഓഗസ്റ്റ് 27 മുതൽ സെപ്റ്റംബർ 2 വരെയുള്ള ഒരാഴ്ചയിൽ സംസ്ഥാനത്ത് 64 ശതമാനം മഴക്കുറവാണ് രേഖപ്പെടുത്തിയത്. 76.2 മില്ലിമീറ്റർ മഴ ലഭിക്കേണ്ടിടത്ത് 27.4 മില്ലിമീറ്റർ മാത്രമാണ് ലഭിച്ചത്. അതേസമയം ജൂൺ മുതൽ സെപ്തംബർ വരെയുള്ള മഴയുടെ കണക്ക് Metbeat Weather ദിവസങ്ങൾക്ക് മുൻപ് ചൂണ്ടികാട്ടിയിരുന്നു.

Kerala Monsoon Update: കാലവർഷം മൂന്ന് മാസം പിന്നിട്ടു; കേരളത്തിൽ 21% മഴ കുറവ്, പ്രതീക്ഷ സെപ്‌തംബറിൽ
ഇന്നത്തോടെ കേരളത്തിൽ കാലവർഷം മൂന്ന് മാസം പിന്നിടുകയാണ്. ഈ മൂന്നു മാസങ്ങളിലും മഴയുടെ അളവ് താരതമ്യേന കുറവാണ്.
https://metbeatnews.com/rainfall-deficit-after-first-three-months-september-remains-key

ജൂൺ ഒന്ന് മുതൽ ഇതുവരെ 1769.9 മില്ലിമീറ്റർ മഴയാണ് പ്രതീക്ഷിച്ചിരുന്നത്. എന്നാൽ 1369.6 മില്ലിമീറ്റർ മാത്രമാണ് ലഭിച്ചത്. ഇതോടെ കാലവർഷത്തിലെ ആകെ മഴക്കുറവ് 23 ശതമാനമായി. ഇത്തവണ മികച്ച മഴ ജൂൺ ഒന്നു മുതൽ തന്നെ പ്രതീക്ഷിച്ചിരുന്നു. എന്നാൽ പിന്നീട് മഴ ദുർബലമായ കാഴ്ച്ചയാണ് നാം കണ്ടത്. ഇതോടെ പ്രതീക്ഷകൾ എല്ലാം തെറ്റി.

എൽ നിനോ പ്രതിഭാസം മഴകുറയാൻ കാരണമായി

എൽ നിനോ പ്രതിഭാസം കേരളത്തിലെ കാലാവസ്ഥയെ വലിയ രീതിയിൽ ബാധിച്ചിട്ടുണ്ട്. അതുകൊണ്ട് തന്നെ എൽനിനോ പ്രതിഭാസത്തിന്റെ സ്വാധീനം മഴ കുറയാൻ പ്രധാന കാരണമായതായി കാലാവസ്ഥാ വിദഗ്ധർ ചൂണ്ടിക്കാട്ടുന്നു.
ഇനി പ്രതീക്ഷ തുലാവർഷത്തിലാണ്. ഒക്ടോബറിൽ ആരംഭിച്ച് ഡിസംബർ വരെ നീളുന്ന തുലാവർഷത്തിൽ ലഭിക്കുന്ന മഴയിലാണ് കൂടുതൽ പ്രതീക്ഷ. സാധാരണയായി തെക്കൻ, മധ്യകേരളത്തിലാണ് തുലാവർഷം കൂടുതൽ ലഭിക്കുന്നത്.

മഴകുറവ് വൈദ്യുത ഉപയോഗത്തേയും ബാധിച്ചു

മഴ കുറവ് ഇത്തവണ വൈദ്യുതി ഉപഭോഗത്തിലും പ്രകടമാണ്. സംസ്ഥാനത്തെ പ്രതിദിന വൈദ്യുതി ഉപഭോഗം 94 ദശലക്ഷം യൂണിറ്റ് കടന്നിരിക്കുന്നു. കാലവർഷം സജീവമായിരുന്ന സമയത്ത് ഇത് 80 ദശലക്ഷം യൂണിറ്റിൽ താഴെയായിരുന്നു. പീക്ക് സമയത്തെ വൈദ്യുതി ഉപയോഗവും 4850 മെഗാവാട്ടിലെത്തി. സാധാരണയായി 4000 മെഗാവാട്ടിൽ താഴെയായിരിക്കേണ്ടിടത്താണ് ഈ വർധന രേഖപ്പെടുത്തിയിരിക്കുന്നത്.

English Summary : Kerala is experiencing a sharp rise in daily daytime temperatures, crossing 35°C in the first week of September, driven by a weakening Southwest Monsoon.