ഇടിമിന്നൽ ജാഗ്രത; തിരുവോണം വരെ ശക്തമായ കാറ്റിനും മഴയ്ക്കും സാധ്യത

കേരളത്തിൽ നാളെ മുതൽ 25 വരെ ഒറ്റപ്പെട്ടയിടങ്ങളിൽ ഇടിമിന്നലോടുകൂടിയ മഴയ്ക്കും ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ്.

ഇടിമിന്നലിന്റെ ലക്ഷണം കണ്ടാൽ ഉടൻ സുരക്ഷിതമായ കെട്ടിടത്തിനുള്ളിലേക്ക് മാറുക, ജനൽ, വാതിൽ എന്നിവയിൽ നിന്നും അകലം പാലിക്കുകയും വൈദ്യുതോപകരണങ്ങളുടെ ബന്ധം വിച്ഛേദിക്കുകയും വേണം. മരച്ചുവട്ടിൽ നിൽക്കുന്നതും വാഹനങ്ങൾ മരച്ചുവട്ടിൽ പാർക്ക് ചെയ്യുന്നതും ഒഴിവാക്കണം.

കാലാവസ്ഥാ പഴഞ്ചൊല്ലില്‍ പതിരുണ്ടോ? ഓണം കുളിച്ച് മഴ പോകുമോ?
Traditional Climate Proverbs vs. Modern Forecasts: Will Kerala Experience Rains During Onam?
https://metbeatnews.com/reality-of-weather-proverbs-in-malayalam

ഇടിമിന്നൽ സമയത്ത് തുറസായ സ്ഥലങ്ങൾ, ടെറസ്, ജലാശയങ്ങൾ എന്നിവിടങ്ങളിൽ തുടരരുത്. കുളിക്കുന്നതും ടാപ്പിൽനിന്ന് വെള്ളം ശേഖരിക്കുന്നതും ഒഴിവാക്കണം. ബൈക്ക്, സൈക്കിൾ, ട്രാക്ടർ തുടങ്ങിയവയിലെ യാത്ര ഒഴിവാക്കി സുരക്ഷിതമായ കെട്ടിടത്തിൽ അഭയം തേടണമെന്നും അധികൃതർ നിർദേശിച്ചു.

മിന്നലേറ്റാൽ ഉടൻ പ്രഥമശുശ്രൂഷ നൽകുകയും വൈദ്യസഹായം ഉറപ്പാക്കുകയും വേണം. ഇടിമിന്നൽ സാധ്യത മനസ്സിലാക്കാൻ കേന്ദ്ര കാലാവസ്ഥ വകുപ്പിന്റെ ‘ദാമിനി’ മൊബൈൽ ആപ്പ് ഉപയോഗിക്കാമെന്നും അധികൃതർ അറിയിച്ചു.

ബംഗാൾ ഉൾക്കടലിൽ നാളെ വീണ്ടും ന്യൂനമർദ്ദ സാധ്യത
Fresh Low-Pressure Area Likely to Form Over the Bay of Bengal
https://metbeatnews.com/fresh-low-pressure-area-likely-to-form-over-the-bay-of-bengal

ന്യൂന മർദ്ദ സാധ്യത

വടക്കൻ ബംഗാൾ ഉൾക്കടലിൽ നാളെ വീണ്ടും ന്യൂനമർദ സാധ്യത.
പശ്ചിമ ബംഗാൾ – ബംഗ്ലാദേശ് തീരങ്ങൾക്ക് സമീപം വടക്കൻ ബംഗാൾ ഉൾക്കടലിന് മുകളിൽ ചക്രവാത ചുഴി (Cyclonic Circulation) രൂപപ്പെട്ടിരുന്നു. ഇതാണ് നാളെ ന്യൂനമർദമാകാൻ സാധ്യതയുള്ളത്. ഈ ചക്രവാത ചുഴി അടുത്ത 24 മണിക്കൂറിനുള്ളിൽ ഇത് ന്യൂനമർദ്ദമായി ശക്തി പ്രാപിക്കാൻ സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പും അറിയിച്ചു. ഇനിയുള്ള ഒരു മാസത്തിനകം ബംഗാൾ ഉൾക്കടലിൽ നാല് ന്യൂനമർദങ്ങൾ രൂപപ്പെടാൻ സാധ്യതയുണ്ടെന്ന് ഇന്ന് രാവിലെ Metbeat News ൻ്റെ അവലോകനത്തിൽ സൂചിപ്പിചിരുന്നു.

English Summary : The India Meteorological Department (IMD) has issued a severe weather warning for Kerala, predicting isolated heavy rainfall accompanied by lightning and gusty winds through September 25 (Thiruvonam).