യു.എ.ഇയില്‍ പൊള്ളുന്ന വേനലിന് വിട; ശരത്കാലത്തിന് തുടക്കം

പൊള്ളുന്ന വേനലിന് വിട. യു.എ.ഇയില്‍ ശരത്കാലത്തിനു തുടക്കമായി. സെപ്്റ്റംബര്‍ 1 ന് തന്നെ രാജ്യത്ത് ഋതുമാറ്റം സംഭവിക്കുകയാണ്. വരും മാസങ്ങളില്‍ രാജ്യത്ത് താപനില കുറഞ്ഞു തുടങ്ങുമെന്ന് എമിറേറ്റ്‌സ് അസ്‌ട്രോണമിക്കല്‍ സൊസൈറ്റി അറിയിച്ചു.

ഓഗസ്റ്റ് മാസത്തില്‍ സാധാരണയായി 42 ഡിഗ്രി സെല്‍ഷ്യസിന് മുകളിലായിരുന്ന പകല്‍ താപനില ഇനിയുള്ള ദിവസങ്ങളില്‍ 39 ഡിഗ്രിയില്‍ താഴെയാകും. രാത്രിയിലെ കുറഞ്ഞ താപനില 27 ഡിഗ്രിയില്‍ താഴെയെത്തും. ഒഗസ്റ്റില്‍ 45 ഡിഗ്രിയായിരുന്നു പലപ്പോഴും അബൂദബിയിലെയും അല്‍ഐനിലെയും താപനില. ഒക്ടോബര്‍ മാസത്തോടെ തണുപ്പ് കൂടുതല്‍ ശക്തമാവുകയും പകല്‍ സമയത്തെ താപനില 35 ഡിഗ്രിയിലും രാത്രിയില്‍ 22 ഡിഗ്രിയിലും താഴെ രേഖപ്പെടുത്തുകയും ചെയ്യും. നവംബറോടെ പകല്‍ താപനില 30 ഡിഗ്രിക്ക് താഴെയാകും. യു.എ.ഇ സന്ദര്‍ശിക്കാന്‍ ഏറ്റവും നല്ല കാലാവസ്ഥ ഈ സമയത്താണ്.

The rise of the Suhail star : പ്രവാസികൾക്ക് ചൂടിന് ആശ്വാസം; സുഹൈൽ നക്ഷത്രം ഉദിക്കുന്നു
വെന്തുരുന്ന മരുഭൂമിയിലേക്ക് സുഹൈൽ സക്ഷത്രമെത്തുന്നു. വെന്തുരുകുന്ന അറേബ്യൻ ചൂടിന് ശമനമാകാൻ സുഹൈൽ നക്ഷത്രം ഇന്ന് രാത്രി ഉദിക്കുമെന്ന് ഖത്തർ കലണ്ടർ ഹൗസ്
https://metbeatnews.com/daytime-temperatures-remain-high-but-nights-begin-to-cool-slightly

മൂടല്‍മഞ്ഞ് സീസണിനും തുടക്കമാവുന്നു

ശരത്കാലം ഇന്നു മുതല്‍ ആരംഭിച്ചെങ്കിലും ജ്യോതിശാസ്ത്രപരമായ ശരത്കാല വിഷുവം (vernal equinox) സെപ്റ്റംബര്‍ 23നാണ് സംഭവിക്കുന്നത്. അന്ന് യു.എ.ഇ സമയം പുലര്‍ച്ചെ 4.05 ഓടെ സൂര്യന്‍ ഖഗോള മധ്യരേഖ കടന്ന് വടക്കുനിന്ന് തെക്കോട്ട് നീങ്ങുന്നതോടെയാണ് വിഷുവം സംഭവിക്കുന്നത്.

Weather In UAE : യുഎഇയിൽ ഇന്ന് മഴയ്ക്ക് സാധ്യത; മഴ മേഘങ്ങൾ ശക്തമാകും, ചൂടിന് നേരിയ കുറവ്
യുഎഇയിൽ(UAE) ഇന്ന് (സെപ്റ്റംബർ 1) ചില മേഖലകളിൽ മഴയ്ക്ക് സാധ്യതയുണ്ടെന്ന് ദേശീയ കാലാവസ്ഥാ കേന്ദ്രം (NCM).
https://metbeatnews.com/rain-expected-today-in-some-regions-temperatures-to-drop-slightly

അതോടൊപ്പം, രാജ്യത്ത് അടുത്ത മാര്‍ച്ച് വരെ നീണ്ടുനില്‍ക്കുന്ന മൂടല്‍മഞ്ഞ് സീസണിനും തുടക്കമാവുകയാണ്. തീരദേശ, ഉള്‍നാടന്‍ പ്രദേശങ്ങളില്‍ രാത്രികാലങ്ങളില്‍ ഈര്‍പ്പം 90 ശതമാനം വരെ ഉയരാന്‍ സാധ്യതയുണ്ട്. പ്രഭാതസമയങ്ങളില്‍ മുന്നറിയിപ്പില്ലാതെ ദൃശ്യപരിധി കുത്തനെ കുറയാന്‍ ഇടയുള്ളതിനാല്‍ വാഹനമോടിക്കുന്നവര്‍ വേഗത കുറച്ച് ജാഗ്രത പാലിക്കണമെന്ന് ദേശീയ കാലാവസ്ഥാ കേന്ദ്രം നിര്‍ദ്ദേശിച്ചു.

English Summary : The UAE has officially welcomed the autumn season, marking an end to the intense summer heat. According to the Emirates Astronomical Society, daytime temperatures across the country—which frequently exceeded 42°C to 45°C in August—are expected to fall below 39°C, with nighttime lows dipping under 27°C.