യുഎഇയിൽ ഇന്നും മഴയ്ക്ക് സാധ്യത; താപനില ഉയരും

യുഎഇയിൽ ഇന്നും മഴയ്ക്ക് സാധ്യതയെന്ന് ദേശീയ കാലാവസ്ഥാ കേന്ദ്രം (NCM) അറിയിച്ചു. ഉച്ചയ്ക്ക് ശേഷം കിഴക്കൻ, തെക്കൻ മേഖലകളിൽ മഴമേഘങ്ങൾ രൂപപ്പെടാൻ സാധ്യതയെന്നാണ് കാലാവസ്ഥാ നിരീക്ഷണം. ഇതിനിടയിൽ താപനിലയിൽ വ്യത്യാസമുണ്ടാകില്ല, രാജ്യത്തിന്റെ ഉൾപ്രദേശങ്ങളിൽ താപനില 48 ഡിഗ്രി സെൽഷ്യസ് വരെ ഉയർന്നേക്കാനാണ് സാധ്യത
പകൽ തെളിഞ്ഞതോ ഭാഗികമായി മേഘാവൃതമായതോ ആയ കാലാവസ്ഥയായിരിക്കും. അതേസമയം പടിഞ്ഞാറൻ മേഖലകളിൽ ഇന്ന് രാത്രി മുതൽ നാളെ രാവിലെ വരെ ഈർപ്പം കൂടാൻ സാധ്യതയുണ്ട്.

ശക്തമായ കാറ്റിന് സാധ്യത

കാറ്റിനുള്ള സാധ്യത വളരെ കൂടുതലാണ്. തെക്കുകിഴക്ക് മുതൽ വടക്കുകിഴക്ക് ദിശയിൽ മണിക്കൂറിൽ 10 മുതൽ 25 കിലോമീറ്റർ വരെ വേഗതയിൽ കാറ്റ് വീശും. കാറ്റ് ശക്തമാകുന്നതിനൊപ്പം പൊടിക്കാറ്റിനും സാധ്യതയുണ്ട്, ഇത് കാഴ്ച്ച പരിതിക്കും കാരണമായേക്കാം. തീരപ്രദേശങ്ങളിൽ കാറ്റിന്റെ വേഗം മണിക്കൂറിൽ 35 കിലോമീറ്റർ വരെയും ഉൾപ്രദേശങ്ങൽ 40 കിലോമീറ്റർ വരെയും എത്താൻ സാധ്യത ഉണ്ട്. മലമുകളിലും സ്ഥിതി ഇതു തന്നെയാണ്.

താപനില വർദ്ധിക്കും

ഉൾപ്രദേശങ്ങളിൽ 43 മുതൽ 48 ഡിഗ്രി സെൽഷ്യസ് വരെ താപനില വർദ്ധിക്കും. അതേസമയം തീരപ്രദേശങ്ങളിലും ദ്വീപുകളിലും 39 മുതൽ 45 ഡിഗ്രി വരെ താപനില പ്രതീക്ഷിക്കുന്നു. മലനിരകളിൽ 30 മുതൽ 37 ഡിഗ്രി വരെയുമാകും താപനില. അതേസമയം അറേബ്യൻ ഗൾഫിലും ഒമാൻ കടലിലും കടൽ പൊതുവെ ശാന്തമായിരിക്കും.

ശനിയാഴ്ചയും മഴയ്ക്ക് സാധ്യത

ശനിയാഴ്ചയും മഴയ്ക്ക് സാധ്യത ഉണ്ട്. പ്രത്യേകിച്ച് കിഴക്കൻ മേഖലകളിൽ. ഇവിടെ ഉച്ചയ്ക്ക് ശേഷം ആയിരിക്കും മഴമേഘങ്ങൾ രൂപപ്പെടുക. കാറ്റിനുള്ള സാധ്യതയും ഉണ്ട്. മണിക്കൂറിൽ 40 കിലോമീറ്റർ വരെ വേഗതയിൽ കാറ്റ് വീശും. പൊടിപടലങ്ങൾ ഉയരാനും സാധ്യതയുണ്ട്.

അതേസമയം ഞായറാഴ്ച കാലാവസ്ഥ തെളിഞ്ഞതായിരിക്കും. എങ്കിലും ഭാഗികമായി മേഘാവൃതമായ അന്തരീക്ഷവും കണാം

തിങ്കളാഴ്ച മൂടൽമഞ്ഞ്, ചൊവ്വാഴ്ച്ച വീണ്ടും മഴ

ചില തീരപ്രദേശങ്ങളിൽ തിങ്കളാഴ്ച പുലർച്ചെ മൂടൽമഞ്ഞിന് സാധ്യതയുണ്ട്. ഉച്ചയ്ക്ക് ശേഷം വീണ്ടും മഴമേഘങ്ങൾ രൂപപ്പെടാം. കാറ്റിനുള്ള സാധ്യതയും ഉണ്ട്. അതേ സമയം ചൊവ്വാഴ്ച വീണ്ടും മഴ എത്താൻ സാധ്യതയുണ്ട്.
യുഎഇയുടെ കിഴക്കൻ മേഖലകളിൽ രൂപപ്പെടുന്ന മഴമേഘങ്ങൾ വീണ്ടും മഴയ്ക്ക് കാരണമായേക്കും. ചൊവ്വാഴ്ച രാത്രി മുതൽ ബുധനാഴ്ച രാവിലെ വരെ ഈർപ്പം കാരണം തീരപ്രദേശങ്ങളിലും ഉൾപ്രദേശങ്ങളിലും മൂടൽമഞ്ഞിനുള്ള സാധ്യതയും ഉണ്ടെന്ന് NCM അറിയിച്ചു.

English Summary : The National Centre of Meteorology (NCM) has forecasted scattered rainfall across the UAE, particularly in eastern and southern areas during afternoon hours.