ഇന്ത്യയുടെ ശൈത്യകാലം ഇനി ചൂടുകാലമാകുമോ? വരുന്നത് ഗോഡ്സില്ല’ എൽനിനോ?

എൽ നിനോയിൽ ഭയതിരിക്കുകയാണ് ലോകം. പസഫിക് സമുദ്രത്തിൽ ശക്തിപ്രാപിക്കുന്ന അതിതീവ്ര എൽനിനോ ഇന്ത്യയുടെ വരാനിരിക്കുന്ന ശൈത്യകാലത്തെ(winter,) വലിയ രീതിയിൽ ബാധിച്ചേക്കുമെന്ന് മുന്നറിയിപ്പ്. ‘ഗോഡ്സില്ല എൽനിനോ’("Godzilla" El Niño) എന്ന് വിശേഷിപ്പിക്കപ്പെടുന്ന ഈ ശക്തമായ കാലാവസ്ഥാ പ്രതിഭാസം വരുംമാസങ്ങളിൽ കൂടുതൽ ശക്തമാകുകയാണെങ്കിൽ, രാജ്യത്തിന്റെ പലഭാഗങ്ങളിലും ശൈത്യകാല തണുപ്പിന് പകരം അസാധാരണമായ ചൂട് അനുഭവപ്പെടാൻ സാധ്യതയുണ്ട്.

എന്താണ് എൽനിനോ?

പസഫിക് സമുദ്രത്തി(Pacific Ocean)ലെ മധ്യ-കിഴക്കൻ ഭൂമധ്യരേഖാ മേഖലയിലെ സമുദ്രോപരിതല ജലം അസാധാരണമായി ചൂടാകുന്ന പ്രതിഭാസമാണ് എൽനിനോ. സാധാരണയായി തെക്കേ അമേരിക്കൻ തീരപ്രദേശത്ത് തണുത്ത സമുദ്രജലമാണ് നിലനിൽക്കുന്നത്. എന്നാൽ കാറ്റിന്റെ സ്വഭാവത്തിൽ മാറ്റമുണ്ടാകുന്നതോടെ ഇന്തൊനേഷ്യൻ മേഖലയിലെ ചൂടുവെള്ളം കിഴക്കോട്ട് നീങ്ങുകയും പസഫിക്കിന്റെ മധ്യ-കിഴക്കൻ മേഖലയിൽ സമുദ്രതാപനില ഉയരുകയും ചെയ്യുന്നു.

Global Heatwave Alert : ആഗസ്റ്റ് ലോകത്തിലെ ഏറ്റവും ചൂടേറിയ മാസം; സമുദ്രങ്ങളും ചുട്ടു പൊള്ളുന്നു
ലോക ചരിത്രത്തിൽ തന്നെ ഏറ്റവും കൂടുതൽ ചൂടേറിയ മാസമായി ആഗസ്റ്റ് മാസത്തെ രേഖപ്പെടുത്തി.
https://metbeatnews.com/august-record-highs-and-rising-sea-temperatures-driven-by-el-nino

ഈ മാറ്റം പസഫിക് സമുദ്രത്തിൽ മാത്രം ഒതുങ്ങുന്നില്ല. മഴയുടെയും കാറ്റിന്റെയും എന്തിനധികം പറയുന്നു അന്തരീക്ഷത്തിലെ എല്ലാ മാറ്റങ്ങളിലും എൽനിനോ വലിയ രീതിയിൽ ബാധിക്കുന്നു. ചില മേഖലകളിൽ കടുത്ത വരൾച്ചയും മറ്റു ചിലയിടങ്ങളിൽ ശക്തമായ മഴയും പ്രളയവും ഉണ്ടാകാം.

ഇന്ത്യയിൽ വരാൻ പോകുന്നത് ചൂടേറിയ ശൈത്യകാലമോ?

എൽനിനോയുടെ പ്രധാന പ്രത്യാഘാതങ്ങളിലൊന്ന് ഇന്ത്യയിലെ ശൈത്യകാല തണുപ്പിന്റെ തീവ്രത കുറയുന്നതായാണ് വിലയിരുത്തൽ. പ്രത്യേകിച്ച് ഉത്തര, മധ്യ ഇന്ത്യയിൽ താപനില സാധാരണയേക്കാൾ ഉയർന്നുനിൽക്കാനുള്ള സാധ്യതയുണ്ട്.

ഇന്ത്യയിലെ ശൈത്യകാല കാലാവസ്ഥയിൽ നിർണായക പങ്കുവഹിക്കുന്ന ഒന്നാണ് സബ്‌ട്രോപ്പിക്കൽ വെസ്റ്റർലി ജെറ്റ് സ്ട്രീം. പസഫിക് സമുദ്രത്തിലെ ചൂട് കൂടുന്നതോടെ അന്തരീക്ഷത്തിലെ വായുസഞ്ചാര രീതികളിൽ മാറ്റമുണ്ടാകുകയും ജെറ്റ് സ്ട്രീമിന്റെ സ്ഥാനത്തിലും വേഗതയിലും വ്യതിയാനം സംഭവിക്കുകയും ചെയ്യാം. ഇതോടെ ഹിമാലയൻ മേഖലയിൽനിന്ന് ഉത്തരേന്ത്യയിലേക്ക് എത്തുന്ന തണുത്ത വടക്കുപടിഞ്ഞാറൻ കാറ്റിന്റെ ശക്തി കുറയാനും സാധ്യതയുണ്ട്.

വെസ്റ്റേൺ ഡിസ്റ്റർബൻസ്

ഇന്ത്യയുടെ ശൈത്യകാല മഴയ്ക്കും ഹിമാലയത്തിലെ മഞ്ഞുവീഴ്ചയ്ക്കും പ്രധാന കാരണമാകുന്ന കാലാവസ്ഥാ സംവിധാനമാണ് വെസ്റ്റേൺ ഡിസ്റ്റർബൻസ്. മെഡിറ്ററേനിയൻ മേഖലയിൽ രൂപപ്പെടുന്ന ഈ സംവിധാനങ്ങൾ പടിഞ്ഞാറിൽനിന്ന് ഇന്ത്യയിലേക്ക് എത്തുമ്പോഴാണ് കശ്മീർ, ഹിമാചൽ പ്രദേശ് തുടങ്ങിയ ഹിമാലയൻ മേഖലകളിൽ മഞ്ഞുവീഴ്ചയും മഴയും ലഭിക്കുന്നത്.

ഹിമാലയത്തിൽ ശക്തമായ മഞ്ഞുവീഴ്ചയുണ്ടാകുമ്പോൾ അതിന്റെ സ്വാധീനം ഉത്തരേന്ത്യൻ സമതലങ്ങളിലും അനുഭവപ്പെടും. എന്നാൽ എൽനിനോ ശക്തമാകുന്ന സാഹചര്യത്തിൽ വെസ്റ്റേൺ ഡിസ്റ്റർബൻസുകളുടെ എണ്ണത്തിലും ശക്തിയിലും മാറ്റമുണ്ടാകാമെന്നാണ് കാലാവസ്ഥാ വിലയിരുത്തലുകൾ. മഞ്ഞുവീഴ്ച കുറയുന്നതോടെ ഉത്തര, മധ്യ ഇന്ത്യയിലെ താപനില താഴാനുള്ള സാധ്യതയും കുറയും.
എന്നാൽ എൽനിനോയുടെ സ്വാധീനം പകൽ താപനിലയിൽ മാത്രം ഒതുങ്ങണമെന്നില്ല. ശൈത്യകാലത്തെ മേഘരൂപീകരണത്തിലും അന്തരീക്ഷ ചംക്രമണത്തിലും ഉണ്ടാകുന്ന മാറ്റങ്ങൾ രാത്രികാല തണുപ്പിനെയും ബാധിക്കാം.

UAE Weather El Niño : എൽ നിനോ 2027 വരെ തുടരും, യുഎഇയിൽ ചൂടിനൊപ്പം ശക്തമായ മഴയ്ക്കും സാധ്യത
എൽ നിനോ പ്രതിഭാസം യുഎഇയിലെ കാലാവസ്ഥ മാറ്റി മറിക്കുന്നു. വരും മാസങ്ങളിൽ യുഎഇയിൽ കാലാവസ്ഥയിൽ വലിയ മാറ്റങ്ങൾക്ക് സാധ്യതയെന്നാണ് അധികൃതർ മുന്നറിയിപ്പ്
https://metbeatnews.com/el-nino-predicted-to-bring-soaring-temperatures-and-flash-floods-through-early-2

ഡിസംബർ, ജനുവരി മാസങ്ങളിൽ പഞ്ചാബ്, ഹരിയാന, രാജസ്ഥാൻ, ഉത്തർപ്രദേശ് തുടങ്ങിയ സംസ്ഥാനങ്ങളിൽ താപനില ഗണ്യമായി താഴുന്ന ശീതതരംഗങ്ങൾ പതിവാണ്. എന്നാൽ ശക്തമായ എൽനിനോ നിലനിൽക്കുന്ന സാഹചര്യത്തിൽ ഇത്തരം അതിശൈത്യ ദിവസങ്ങളുടെ എണ്ണത്തിൽ കുറവുണ്ടാകാനുള്ള സാധ്യതയുണ്ട്.

അങ്ങനെ നോക്കുമ്പോൾ, തണുത്ത കാറ്റിന്റെ ശക്തി കുറയുക, ഹിമാലയത്തിലെ മഞ്ഞുവീഴ്ച കുറയുക, രാത്രികാല തണുപ്പ് കുറയുക ഇവയെല്ലാം ചേർന്നാണ് ഇന്ത്യയിലെ ശൈത്യകാലത്തിന്റെ തീവ്രത കുറയാൻ സാധ്യതയുള്ളത്.

എല്ലാ വർഷവും ഒരേ പോലെയാകില്ല

എന്നാൽ എൽനിനോയുടെ സ്വാധീനം എല്ലാ വർഷവും ഒരേ രീതിയിൽ പ്രകടമാകണമെന്നില്ല. ഇന്ത്യൻ മഹാസമുദ്രത്തിലെ സാഹചര്യങ്ങൾ, അന്തരീക്ഷ ചംക്രമണം, വെസ്റ്റേൺ ഡിസ്റ്റർബൻസുകളുടെ സ്വഭാവം തുടങ്ങി നിരവധി ഘടകങ്ങൾ കൂടി ഇന്ത്യയുടെ ശൈത്യകാലത്തെ നിർണയിക്കും. അതുകൊണ്ടുതന്നെ ‘ഗോഡ്സില്ല എൽനിനോ’ ശക്തിപ്രാപിക്കുന്നുവെന്ന മുന്നറിയിപ്പ് കാലാവസ്ഥാ രംഗത്ത് നിർണായകമാണ്. ജലലഭ്യത, കൃഷി, ഭക്ഷ്യസുരക്ഷ, മനുഷ്യാരോഗ്യം തുടങ്ങി വിവിധ മേഖലകളിലും അതിന്റെ പ്രത്യാഘാതങ്ങൾ ഉണ്ടാകാം.

English Summary : The emergence of an ultra-strong "Godzilla" El Niño in the central and eastern Pacific Ocean is raising serious global climate concerns. Meteorologists warn that this extreme weather pattern could significantly alter India's upcoming winter, replacing traditional cold snaps with unusually high temperatures across multiple regions.