ചൂട് കൂടുന്നു, ഇന്ന് നാല് ഡിഗ്രി വരെ താപനില കൂടാം, ജാഗ്രത നിർദ്ദേശം

എൽനിനോയെ സജീവമാകുന്നതിനിടെ സംസ്ഥാനത്ത് ചൂട് കൂടുന്നു. കാലവർഷം ദുർബലമായി തുടരുന്ന സാഹചര്യത്തിലാണ് കനത്ത ചൂടു രേഖപ്പെടുത്തുന്നത്. ചൂടും ഈർപ്പവും നിറഞ്ഞ അസ്വസ്ഥകരമായ അന്തരീക്ഷം ഇന്നും തുടരുമെന്നു കേന്ദ്ര കാലാവസ്ഥ വകുപ്പ് മുന്നറിയിപ്പ് നൽകി. ചൂടിനെ തുടർന്ന് ഇന്ന് കേരളത്തിൽ മഞ്ഞ അലർട്ട് നൽകിയിട്ടുണ്ട്.

ഇന്ന് സാധാരണയേക്കാൾ നാല് ഡിഗ്രി വരെ ഉയർന്ന ചൂട് അനുഭവ പ്പെടാൻ സാധ്യതയുണ്ടെന്നാണ് കേന്ദ്ര കാലാവസ്ഥാ വകുപ്പ് നൽകുന്ന മുന്നറിയിപ്പ്.

കഴിഞ്ഞ ഏതാനും ദിവസങ്ങളായി ചൂട് കൂടുന്നുണ്ടെങ്കിലും നിലവിലെ സാഹചര്യം ഉഷ്ണതരംഗമായി കണക്കാക്കാനുള്ള സാഹചര്യമില്ല. ഈ മാസം ഉഷ്ണ തരംഗ സാധ്യതയും വിരളമാണ്.

വേനൽക്കാലത്ത് കേരളത്തിൽ കൂടുതൽ ചൂട് ഉണ്ടാകാറുള്ള പുനലൂരിൽ ഇന്നലെ 35.2 ഡിഗ്രി സെൽഷ്യസ് താപനില രേഖപ്പെടുത്തി. ശരാശരി താപനിലയേക്കാൾ 3.3 ഡിഗ്രി സെൽഷ്യസ് കൂടുതലാണിത്.

കോട്ടയം 34.6 ഡിഗ്രി സെൽഷ്യസാണ് ഇന്നലെ രേഖ പ്പെടുത്തിയത് സാധാരണയേക്കാൾ 3.8 ഡിഗ്രി കൂടുതൽ). നെടുമ്പാശേരി (34 ഡി ഗ്രി സെൽഷ്യസ്), തിരുവനന്തപുരം (33.6 ഡിഗ്രി സെൽഷ്യസ്), കോഴിക്കോട് (33.5 ഡിഗ്രി സെൽഷ്യസ്), വെള്ളാനിക്കര (33.4 ഡിഗ്രി സെൽഷ്യസ്) എന്നിങ്ങനെയാണ് കണക്കുകൾ. സെപ്റ്റംബർ മാസം അപൂർവ്വം അല്ലെങ്കിലും കഴിഞ്ഞ വർഷങ്ങളിൽ ഇത്രയും ചൂട് പതിവില്ല.

എൽനിനോ കടുത്തതോടെ സംസ്ഥാനത്ത് ഇപ്പോൾ മഴമേഘങ്ങൾ പൂർണമായി മാറിനിൽക്കുകയാണ്. നിലവിൽ സൂര്യരശ്മികൾ കേരളത്തിൽ ലംബമായി കേരളത്തിൽ പതി ക്കുന്നതിനാലും ചൂട് ക്രമാ തീതമായി ഉയരാൻ കാരണമാകു ന്നു. സെപ്റ്റംബർ 23ന് തുലാദി വിഷുവം ആണ്. സൂര്യൻ ഉത്തരാർധ ഗോളത്തിൽ നിന്ന് ദക്ഷിണാർദ്ധഗോളത്തിലേക്ക് സഞ്ചരിക്കുന്നതിനിടെ, ഭൂമധ്യരേഖക്ക് മുകളിലെത്തുന്ന സമയം. കേരളം ഭൂമധ്യരേഖയിൽ നിന്ന് അധികം അകലെയല്ലാത്തതിനാൽ ഈ സമയം കേരളത്തിലും കടുത്ത ചൂട് സ്വാഭാവികമാണ്. സൂര്യരശ്മികൾ കുറഞ്ഞ ദൂരം സഞ്ചരിച്ച് കേരളത്തിൽ എത്തുന്നത് കൊണ്ടാണിത്.

എന്നാൽ കാലവർഷത്തിന്റെ മേഘങ്ങളാണ് നമുക്ക് ഈ സമയങ്ങളിൽ കടുത്ത ചൂടിൽ നിന്ന് രക്ഷ നൽകിയിരുന്നത്. ഇത്തവണ മഴ മാറി നിൽക്കുന്നതോടെ ആ ചൂട് നമ്മൾ അനുഭവിക്കുന്നു എന്നുള്ളതാണ് യാഥാർത്ഥ്യമെന്ന് Metbeat Weather സ്ഥാപകൻ Weatherman Keralam പറഞ്ഞു. വരും ദിവസങ്ങളിൽ ബംഗാൾ ഉൾ കടലിൽ ന്യൂനമർദ്ദം രൂപപ്പെടും. ഈ ന്യൂനമർദ്ദം കേരളത്തിൽ വ്യാപകമായി മഴ നൽകില്ലെങ്കിലും, ചൂടിന് ആശ്വാസമാകുന്ന സാഹചര്യമൊരുക്കുമെന്നും അദ്ദേഹം കൂട്ടിച്ചേർത്തു.

Kerala Weather Alert : ബംഗാൾ ഉൾക്കടലിൽ ന്യൂനമർദ്ദ സാധ്യത; കേരളത്തിൽ മഴ ശക്തമാകാൻ സാധ്യത
ബംഗാൾ ഉൾക്കടലിൽ ന്യൂനമർദ്ദം രൂപപ്പെടാൻ സാധ്യതയെന്ന് കാലാവസ്ഥാ മുന്നറിയിപ്പ്. മധ്യപടിഞ്ഞാറൻ ബംഗാൾ ഉൾക്കടലിലും അതിനോട് ചേർന്ന ആന്ധ്രാപ്രദേശ്
https://metbeatnews.com/low-pressure-system-in-bay-of-bengal-to-bring-heavy-rainfall

സൂര്യപ്രകാശം നേരിട്ട് പതിക്കുന്നതോടെ അൾട്രാവയലറ്റ് രശ്മികളുടെ വികിരണവും സംസ്ഥാനത്ത് ഉയർന്ന നിലയിലാണ്.

ചൂട് ഉയർന്നുനിൽകുന്ന സാഹചര്യത്തിൽ സൂര്യാഘാതം, സൂര്യാതപം, നിർജലീകരണം എന്നിവയുണ്ടാകാൻ സാധ്യത യുണ്ടെന്നും ജാഗ്രത പാലിക്കണമെന്നും അധികൃതർ മുന്നറിയിപ്പ് നൽകി. സംസ്ഥാന ദുരന്തനിവാരണ അതോറിറ്റിയും ജാഗ്രത നിർദ്ദേശം പുറപ്പെടുവിച്ചിട്ടുണ്ട്.

UAE Weather El Niño : എൽ നിനോ 2027 വരെ തുടരും, യുഎഇയിൽ ചൂടിനൊപ്പം ശക്തമായ മഴയ്ക്കും സാധ്യത
എൽ നിനോ പ്രതിഭാസം യുഎഇയിലെ കാലാവസ്ഥ മാറ്റി മറിക്കുന്നു. വരും മാസങ്ങളിൽ യുഎഇയിൽ കാലാവസ്ഥയിൽ വലിയ മാറ്റങ്ങൾക്ക് സാധ്യതയെന്നാണ് അധികൃതർ മുന്നറിയിപ്പ്
https://metbeatnews.com/el-nino-predicted-to-bring-soaring-temperatures-and-flash-floods-through-early-2

രാവിലെ 10 മുതൽ വൈകിട്ട് മൂന്ന് വരെ നേരിട്ട് കൊള്ളരുത്. ദാഹം തോന്നുന്നില്ലെങ്കിലും ധാരാളം വെള്ളം കുടിക്കണം. പ്രായമായവരും കുട്ടികളും രോഗികളും നേരിട്ട് വെയിൽ കൊള്ളുന്നത് ആരോഗ്യപ്രശ്നങ്ങൾക്ക് കാരണമാകും.

തൽസമയ കാലാവസ്ഥയും തുടർന്നുള്ള ദിവസങ്ങളിലെ കാലാവസ്ഥയും അറിയാൻ ഞങ്ങളുടെ forecast website ആയ metbeat.com ലോഗിൻ ചെയ്യുക. ഈ വെബ്സൈറ്റ് ആപ്പ് ആയി ഉപയോഗിക്കാൻ കഴിയും.

Summary : Meteorological Department has issued a yellow alert for Kerala, forecasting temperatures up to 4°C above normal. The atmospheric condition remains hot and humid, driven by an active El Niño effect and a weak monsoon.