ഫെബ്രുവരിയിൽ ന്യൂനമർദം അപൂർവം, ശനി, ഞായർ മഴ സാധ്യത

ബംഗാൾ ഉൾക്കടലിൽ ഫെബ്രുവരി മാസത്തിൽ ന്യൂനമർദം ഉണ്ടാകുന്നത് അപൂർവമായ സാഹചര്യമാണ്. 1891 മുതൽ അഞ്ചു തവണയാണ് ഇത്തരത്തിൽ ബംഗാൾ ഉൾക്കടലിൽ ഇതുവരെ ന്യൂനമർദം ഉണ്ടായതും ശക്തിപ്പെടുന്നതും.

ഫെബ്രുവരികളിൽ ഉണ്ടായ ന്യൂനമർദത്തെക്കുറിച്ച് പരിശോധിക്കാം

1961 : ബംഗാൾ ഉൾക്കടലിൽ ഉണ്ടായ ന്യൂനമർദം ശക്തിപ്പെട്ട് ചുഴലിക്കാറ്റായി. ഇതേ തുടർന്ന് കനത്ത മഴയും ലഭിച്ചു.

1984 : ബംഗാൾ ഉൾക്കടലിൽ ന്യൂനമർദം ( Low Pressure Area - LPA) ഉണ്ടാവുകയും തമിഴ്നാട്ടിൽ കനത്ത മഴ ലഭിക്കുകയും ചെയ്തു. നുങ്കമ്പാക്കത്ത് 29.4 സെ.മി മഴയാണ് ഈ ന്യൂനമർദം മൂലം റെക്കോർഡ് ചെയ്തത്.

1999 : ബംഗാൾ ഉൾക്കടലിൽ തീവ്ര ന്യൂനമർദം (Depression) രൂപപ്പെടുകയും തമിഴ്നാട്ടിലും കേരളത്തിലും മഴ ലഭിക്കുകയും ചെയ്തു. തെക്കൻ ബംഗാൾ ഉൾക്കടലിലാണ് അന്ന് ന്യൂനമർദ്ദ രൂപപ്പെട്ടത്. പിന്നീട് ഇത് ശക്തിപ്പെട്ട് തീവ്ര ന്യൂനമർദം (Deep Depression ) ആവുകയായിരുന്നു.

2011 : ബംഗാളിൽ കടലിൽ രൂപപ്പെട്ട മറ്റൊരു തീവ്ര ന്യൂനമർദ്ദം കരയിലെത്തുമ്പോഴേക്കും ദുർബലമായെങ്കിലും തമിഴ്നാട്ടിലും കേരളത്തിലും അന്ന് മഴ നൽകിയിരുന്നു.

2023 : ജനുവരി 27ന് രൂപപ്പെട്ട ന്യൂനമർദം ജനുവരി 30 Depression ആയി മാറി. ഫെബ്രുവരി ഒന്നിനും ഇത് തുടർന്നു. ശക്തമായ മഴയാണ് ശ്രീലങ്കയിലും തെക്കൻ ഇന്ത്യൻ ഉപഭൂഖണ്ഡത്തിലും ലഭിച്ചത്.

2026 : തുടർന്ന് ഇപ്പോൾ പുതിയ ന്യൂനമർദം രൂപപ്പെടുന്നത്. തെക്കൻ തമിഴ്നാട്ടിലും തെക്കൻ കേരളത്തിലും മഴ നൽകുമെന്നാണ് പ്രതീക്ഷ.

കേരളത്തിൽ നാളെ (21 ഫെബ്രുവരി) മഴ സാധ്യതയെ തുടർന്ന് വിവിധ ജില്ലകളിൽ കേന്ദ്ര കാലാവസ്ഥാവകുപ്പ് മഞ്ഞ അലർട്ട് പ്രഖ്യാപിച്ചു. നാളെ (ശനി )
തിരുവനന്തപുരം, കൊല്ലം, കോട്ടയം, പത്തനംതിട്ട, ഇടുക്കി ജില്ലകളിൽ കേന്ദ്ര കാലാവസ്ഥാ വകുപ്പ് ഇടിയോടുകൂടിയുള്ള ശക്തമായ മഴ തുടർന്ന് മഞ്ഞ അലർട്ട് പ്രഖ്യാപിച്ചു.

മറ്റന്നാൾ ( 22 ന് ) കോട്ടയം, പത്തനംതിട്ട, ഇടുക്കി ജില്ലകളിലും മഞ്ഞ അലർട്ട് പ്രഖ്യാപിച്ചു.

Metbeat Weather ൻ്റെ നിരീക്ഷണമനുസരിച്ച് കോഴിക്കോട് മുതൽ തെക്കോട്ടുള്ള ജില്ലകളിൽ എല്ലാം നാളെ പുലർച്ച വരെയുള്ള സമയം മഴ സാധ്യതയുണ്ട്. കണ്ണൂർ ജില്ലയുടെ തലശ്ശേരി വരെയുള്ള ഭാഗങ്ങളിലും മഴ പ്രതീക്ഷിക്കാം.

English Summary :
The Bay of Bengal is witnessing a rare meteorological event the formation of a Low Pressure Area (LPA) in February. This phenomenon has only occurred five times since 1891, making it a significant weather anomaly.