കാലവർഷം മൂന്ന് മാസം പിന്നിട്ടു; കേരളത്തിൽ 21% മഴ കുറവ്, പ്രതീക്ഷ സെപ്‌തംബറിൽ

ഇന്നത്തോടെ കേരളത്തിൽ കാലവർഷം മൂന്ന് മാസം പിന്നിടുകയാണ്. ഈ മൂന്നു മാസങ്ങളിലും മഴയുടെ അളവ് താരതമ്യേന കുറവാണ്. ഇപ്പോഴും മഴക്കുറവ് തുടരുകയാണ്. ഇന്ത്യാ കാലാവസ്ഥാ വകുപ്പിന്റെ ഏറ്റവും പുതിയ സീസണൽ മഴക്കണക്കുപ്രകാരം ജൂൺ 1 മുതൽ ഓഗസ്റ്റ് 30 വരെ കേരളത്തിൽ ലഭിച്ചത് 1365.4 മില്ലിമീറ്റർ മഴയാണ്. ഈ കാലയളവിൽ സാധാരണ ലഭിക്കേണ്ടത് 1735.2 മില്ലിമീറ്റർ മഴയാണ്. അതായത് സംസ്ഥാനത്ത് 21 ശതമാനം മഴക്കുറവ് രേഖപ്പെടുത്തിയിരിക്കുന്നു.

Photo: Mausam Imd

കാലവർഷത്തിൻ്റെ മൂന്ന് പ്രധാനപ്പെട്ട മാസങ്ങളാണ് പിന്നിട്ടിരിക്കുന്നത്. അതായത് ജൂൺ മുതൽ ഓഗസ്റ്റ് വരെയുള്ള കാലവർഷത്തിന്റെ മൂന്ന് പ്രധാന മാസങ്ങൾ. മൂന്നു മാസം കാലവർഷത്തിന് സമയം ലഭിച്ചിട്ടും കേരളത്തിന്റെ മഴക്കണക്ക് സാധാരണ നിലയിലെത്തിയിട്ടില്ല എന്നതാണ് അതിശയം. ഇനി പ്രതീക്ഷ മുഴവൻ സെപ്തംബർ മാസത്തിലാണ്. കാലവർഷത്തിന്റെ അവസാന മാസമാണ് സെപ്റ്റംബർ.

ഏറ്റവും മഴക്കുറവ് തൃശൂരിൽ

എല്ലാ ജില്ലകളിലും മഴയുടെ അവസ്ഥയിൽ വലിയ വ്യത്യാസമാണുള്ളത്. മഴ ഏറ്റവും കുറവ് തൃശൂരിലാണ്. ജൂൺ 1 മുതൽ ഓഗസ്റ്റ് 30 വരെ തൃശൂരിൽ 1089.3 മില്ലിമീറ്റർ മഴയാണ് ലഭിച്ചത്. സാധാരണ ലഭിക്കേണ്ട 2185.9 മില്ലിമീറ്ററിനെ അപേക്ഷിച്ച് 50 ശതമാനം കുറവ്. എറണാകുളത്തും സ്ഥിതി വ്യത്യസ്തമല്ല. വെറും 1239 മില്ലിമീറ്റർ മഴയാണ് ഇവിടെ ലഭിച്ചത്. ഇത് വളരെ കുറവാണ്. സാധാരണ 2185.9 മില്ലിമീറ്ററാണ് മഴ ലഭിക്കേണ്ടത്. മഴക്കുറവ് 43 ശതമാനമാണ്.

Weather Keralam 31/08/26 : ന്യൂനമർദ്ദം വീണ്ടും ശക്തിപ്പെട്ടു ; കേരളത്തിൽ ഒറ്റപ്പെട്ട മഴ
Weather Keralam (31/08/26): Low-Pressure Area Strengthens Again; Isolated Rain Expected in Kerala
https://metbeatnews.com/weather-keralam-310826-low-pressure-area-strengthens-again-isolated-rain-expecte

മലപ്പുറത്ത് 22 ശതമാനം, കാസർഗോഡ് 30 ശതമാനം, തിരുവനന്തപുരത്ത് 22 ശതമാനം കോഴിക്കോട് 19 ശതമാനം മഴകണക്കാണ് രേഖപ്പെടുത്തിയിരിക്കുന്നത്. അതേസമയം പാലക്കാട് മഴക്കണക്ക് സാധാരണയോട് ഏറെ അടുത്തെത്തി എന്നു പറയാം. ഇവിടെ മഴക്കുറവ് വെറും 1 ശതമാനം മാത്രമാണ്. പത്തനംതിട്ടയിൽ സാധാരണയെക്കാൾ 1 ശതമാനം അധികമഴ ലഭിച്ചു.

വടക്കൻ കേരളത്തിലും മഴയുടെ തോതിൽ വലിയ വ്യത്യാസമുണ്ട്. കണ്ണൂരിൽ 13 ശതമാനം കുറവാണ് രേഖപ്പെടുത്തിയതെങ്കിൽ കോഴിക്കോട് 19 ശതമാനം കുറവാണ്. കനത്ത മഴ ലഭിച്ച ജില്ലകളിൽ പോലും മുഴുവൻ സീസണിന്റെ കണക്കിൽ സാധാരണ നിലയിലേക്ക് എത്താൻ കഴിഞ്ഞിട്ടില്ല എന്നതാണ് സത്യം.

മഴ ഇനിയും ദുർബലമാകുമോ? പ്രതീക്ഷ സെപ്‌തംബറിൽ

കാലവർഷത്തിന്റെ അവസാന മായ സെപ്തംബറിൽ ലഭിക്കുന്ന മഴ കേരളത്തിന്റെ ആകെ സീസണൽ കണക്കിൽ വഴിത്തിരിവാകും. മൂന്ന് മാസം പിന്നിടുമ്പോൾ 21 ശതമാനം കുറവിലുള്ള കേരളത്തിന് സെപ്റ്റംബറിൽ മഴ ശക്തമായാൽ ഈ കുറവ് വലിയ തോതിൽ നികത്താനാകും. എന്നാൽ മഴ ദുർബലമായി തുടർന്നാൽ കാലവർഷം ഇത്തവണയും മഴക്കുറവോടെയാകും പിന്മാറുക.

English Summary : As the first three months of the South-West Monsoon (June to August) come to a close, Kerala has recorded a significant 21% drop in rainfall. According to the India Meteorological Department (IMD) seasonal data, the state received 1,365.4 mm of rain against the average expected normal of 1,735.2 mm.