കേരളത്തില്‍ അത്ത ദിനത്തിലെ ചോതി ദിനമായ നാളെ മുതല്‍ നാലാം ഓണം വരെയുള്ള മെറ്റ്ബീറ്റ് വെതറിന്റെ അന്തരീക്ഷസ്ഥിതി പ്രവചനമാണ് ഇതൊടൊപ്പം നല്‍കിയിരിക്കുന്നത്. നാളെയും മറ്റും മഴ പൊതുവെ കുറവാണെങ്കിലും പൂരാടം മുതല്‍ മഴ ശക്തിപ്പെടാന്‍ സാധ്യത. ഉത്രാടം, തിരുവോണം, അവിട്ടം, ചതയം ദിനത്തിലും മഴ ശക്തിപ്പെടുമെന്നാണ് മോഡല്‍ പ്രവചനങ്ങള്‍ സൂചിപ്പിക്കുന്നത്.

ചോതി (ഓഗസ്റ്റ് 19 ബുധന്‍)

ന്യൂനമര്‍ദത്തിന്റെ സ്വാധീനം ഉണ്ടെങ്കിലും കേരളത്തില്‍ പൊതുവെ പ്രസന്നമായ കാലാവസ്ഥ. കാലാവസ്ഥാ വകുപ്പ് കാസര്‍കോട്, കണ്ണൂര്‍ ജില്ലകളില്‍ മഞ്ഞ അലര്‍ട്ട് പ്രഖ്യാപിച്ചിട്ടുണ്ട്. മെറ്റ്ബീറ്റ് നല്‍കുന്ന പ്രവചനത്തില്‍ മലപ്പുറം മുതല്‍ കാസര്‍കോട് വരെ വടക്കന്‍ ജില്ലകളുടെ കിഴക്കന്‍ മേഖലകളിലും എറണാകുളം, ഇടുക്കി, കൊല്ലം ജില്ലകളുടെ കിഴക്കന്‍ മേഖലയിലും ഒറ്റപ്പെട്ട മഴ സാധ്യത.

ഓഗസ്റ്റ് 20 (വ്യാഴം): വിശാഖം

വ്യാഴം ബുധനാഴ്ചത്തെ അപേക്ഷിച്ച് അല്‍പം കൂടി മഴ സാധ്യത കൂടുതലാണ്. മലപ്പുറം മുതല്‍ കാസര്‍കോട് വരെ വടക്കന്‍ ജില്ലകളുടെ കിഴക്കന്‍ മേഖലകളിലും ഇടനാട്ടിലും മഴ പ്രതീക്ഷിക്കുന്നു. മലപ്പുറം ജില്ലയുടെ നിലമ്പൂര്‍ ഉള്‍പ്പെടെയുള്ള ഭാഗത്ത് വനത്തിലോ അതോടു ചേര്‍ന്നുള്ള പ്രദേശത്തോ ഒറ്റപ്പെട്ട ശക്തമായ മഴ സാധ്യത. എറണാകുളം ജില്ലയുടെ കിഴക്കന്‍ മേഖല, ഇടുക്കി ജില്ല, തിരുവനന്തപുരം ജില്ലയുടെ കിഴക്കന്‍ മലയോരം മഴ സാധ്യത.

ഓഗസ്റ്റ് 21 (വെള്ളി): അനിഴം

കോഴിക്കോട്, വയനാട്, എറണാകുളം, ഇടുക്കി, കോട്ടയം ജില്ലകളുടെ എല്ലാ പ്രദേശത്തും ഒറ്റപ്പെട്ട മഴ സാധ്യത. കണ്ണൂര്‍, കാസര്‍കോട്, പാലക്കാട്, കൊല്ലം, തിരുവനന്തപുരം ജില്ലകളുടെ കിഴക്കന്‍ മേഖലയിലും മഴ സാധ്യത.

ഓഗസ്റ്റ് 22 (ശനി): തൃക്കേട്ട

കോഴിക്കോട്, മലപ്പുറം, കണ്ണൂര്‍, വയനാട്, കാസര്‍കോട് ജില്ലകളില്‍ മഴ സാധ്യത. കോഴിക്കോട് ജില്ലയുടെ കിഴക്കും വയനാട് ജില്ലയിലും ഒറ്റപ്പെട്ട ശക്തമായ മഴ സാധ്യത. ആലപ്പുഴ, എറണാകുളം, കോട്ടയം, പത്തനംതിട്ട, ഇടുക്കി ജില്ലകളിലും മഴ സാധ്യത. കൊല്ലം, പത്തനംതിട്ട ജില്ലകളുടെ കിഴക്കന്‍ മേഖലയിലും ഒറ്റപ്പെട്ട മഴ സാധ്യത

ഓഗസ്റ്റ് 23 (ഞായര്‍): മൂലം

കോഴിക്കോട്, മലപ്പുറം, കണ്ണൂര്‍, വയനാട്, കാസര്‍കോട് ജില്ലകളില്‍ ഒറ്റപ്പെട്ട ശക്തമായ മഴ സാധ്യത. ആലപ്പുഴ, എറണാകുളം, കോട്ടയം, പത്തനംതിട്ട, ഇടുക്കി ജില്ലകളുടെ കിഴക്ക് ഒറ്റപ്പെട്ട ശക്തമായ മഴ സാധ്യത. കൊല്ലം, പത്തനംതിട്ട ജില്ലകളുടെ കിഴക്കന്‍ മേഖലയിലും ഒറ്റപ്പെട്ട മഴ സാധ്യത.

ഓഗസ്റ്റ് 24 (തിങ്കള്‍): പൂരാടം

കോഴിക്കോട്, കണ്ണൂര്‍, വയനാട്, കാസര്‍കോട് ജില്ലകളില്‍ ശക്തമായതോ അതിശക്തമായതോ ആയ മഴ സാധ്യത. മലപ്പുറം, പാലക്കാട് ജില്ലളുടെ കിഴക്കന്‍ മേഖലയില്‍ ഒറ്റപ്പെട്ട ശക്തമായ മഴ സാധ്യത. എറണാകുളം, ആലപ്പുഴ, ഇടുക്കി, കോട്ടയം, പത്തനംതിട്ട ജില്ലകളില്‍ ശക്തമായ മഴ സാധ്യത. കൊല്ലം, തിരുവനന്തപുരം ജില്ലകളുടെ കിഴക്കന്‍ മേഖലയിലും ശക്തമായ മഴ സാധ്യത.

ഓഗസ്റ്റ് 25 (ചൊവ്വ): ഉത്രാടം (ഒന്നാം ഓണം)

കേരളത്തില്‍ എല്ലാ ജില്ലകളിലും ഒറ്റപ്പെട്ട ശക്തമായ മഴ സാധ്യത. കോഴിക്കോട്, കണ്ണൂര്‍, വയനാട്, ഇടുക്കി, എറണാകുളം, കോട്ടയം, ആലപ്പുഴ, പത്തനംതിട്ട ജില്ലകളില്‍ അതിശക്തമായതോ ശക്തമായതോ ആയ മഴ സാധ്യത. മറ്റു ജില്ലകളിലെല്ലാം ഒറ്റപ്പെട്ട ശക്തമായ മഴ സാധ്യത.

ഓഗസ്റ്റ് 26 (ബുധന്‍): തിരുവോണം (രണ്ടാം ഓണം)

കേരളത്തില്‍ എല്ലാ ജില്ലകളിലും ഒറ്റപ്പെട്ട ശക്തമായതോ അതിശക്തമായതോ ആയ മഴ സാധ്യത.

ഓഗസ്റ്റ് 27 (വ്യാഴം): അവിട്ടം (മൂന്നാം ഓണം)

കേരളത്തില്‍ എല്ലാ ജില്ലകളിലും ശക്തമായതോ അതിശക്തമായതോ ആയ മഴ സാധ്യത. വടക്കന്‍ ജില്ലകളില്‍ അതിശക്തമായ മഴ സാധ്യത.

ഓഗസ്റ്റ് 28 (വെള്ളി): ചതയം (നാലാം ഓണം)

കേരളത്തില്‍ എല്ലാ ജില്ലകളിലും അതിശക്തമായ മഴ സാധ്യത.

ശ്രദ്ധിക്കുക- ഇത് ദിവസങ്ങള്‍ക്കു മുന്‍പേയുള്ള മോഡല്‍ പ്രവചനമായതിനാല്‍ കൃത്യത കുറയാന്‍ സാധ്യതയുണ്ട്. അതിനാല്‍ എപ്പോഴും പുതിയ അപ്‌ഡേറ്റുകള്‍ ശ്രദ്ധിക്കണം.

english summary - Rainfall Forecast from Chothi to Chathayam: Heavy Rains Expected During Onam Festivities. Metbeat Weather has released a weather forecast for Kerala covering the period from Chothi (August 19) to Chathayam (August 28). While initial days like Chothi and Vishakam will see relatively light and isolated showers across select eastern and northern districts, rainfall is expected to intensify starting on Pooradam (August 24). Heavy to very heavy rainfall is predicted across all districts during the peak festival days Uthradam, Thiruvonam, Avittom, and Chathayam with northern and eastern regions facing the highest risk of intense downpours. Note that as this is an early model prediction, accuracy may vary and regular updates should be monitored.