കേരളത്തിൽ ഇന്നും ഇടിയോടുകൂടെ വിവിധ പ്രദേശങ്ങളിൽ വൈകിട്ട് മഴ സാധ്യത. ഇന്നലത്തെക്കാൾ ഇന്ന് വടക്കൻ കേരളത്തിൽ അടക്കം മഴ ലഭിക്കും എന്നാണ് Metbeat Weather നൽകുന്ന വിവരം.

കാസർകോട് , കണ്ണൂർ, കോഴിക്കോട്, മലപ്പുറം, വയനാട്, പാലക്കാട്, ഇടുക്കി, കോട്ടയം, പത്തനംതിട്ട , കൊല്ലം ജില്ലകളുടെ കിഴക്കൻ മേഖലകളിൽ ഇടിയോടുകൂടെ മഴ സാധ്യത. തുടർന്നുള്ള ദിവസങ്ങളിൽ മഴ അല്പം കുറയുമെങ്കിലും ഒക്ടോബർ 10 മുതൽ വീണ്ടും മഴ സജീവമാകും.

താഴെപ്പറയുന്ന ലൊക്കേഷനുകളിൽ ശക്തമായ ഇടിയോടെ മഴ ശക്തിപ്പെടാൻ സാധ്യതയുണ്ട്. കേരളത്തിലെ മറ്റു പ്രദേശങ്ങളിൽ സാധാരണ തോതിലുള്ള മഴ ലഭിച്ചേക്കും . എറണാകുളം കോഴിക്കോട് തിരുവനന്തപുരം ഉൾപ്പെടെയുള്ള നഗരങ്ങളിലും സമീപ ജില്ലകളിലും സാധാരണ മഴ സാധ്യത . ഉച്ചക്കുശേഷവും വൈകിട്ടും രാത്രിയിലും ആണ് മഴ പ്രതീക്ഷിക്കുന്നത്.

ശക്തമായ ഇടിയോടെ മഴ സാധ്യത ലൊക്കേഷനുകൾ

കണ്ണൂർ ജില്ലയുടെ കിഴക്കൻ പ്രദേശങ്ങളായ ചെറുപുഴ, ആലക്കോട്, നടുവിൽ, ചെമ്പേരി, കുടിയാൻ മല, കൂത്തുപറമ്പ്, കോളയാട്, വയനാട്ടിലെ പേര്യ, ചൂരൽമല, കോഴിക്കോട് ജില്ലയിലെ തൊട്ടിൽപാലം, അടിവാരം, ചെമ്പുകടവ്, നായടം പൊയിൽ, ഇടുക്കി ജില്ലയിലെ മൂന്നാർ, ആനച്ചാൽ, നേരിയമംഗലം, മാങ്കുളം, ഇടമലയാർ, മുരിക്കാശ്ശേരി, വാഗമൺ, കോട്ടയം ജില്ലയിലെ പൂഞ്ഞാർ, കാഞ്ഞിരപ്പള്ളി മണിമല, പത്തനംതിട്ട ജില്ലയിലെ ചിറ്റാർ.

കള്ളക്കടൽ ജാഗ്രത

തിരുവനന്തപുരം ജില്ലയിലെ കാപ്പിൽ മുതൽ പൊഴിയൂർ വരെ ഇന്ന് വൈകിട്ട് മുതൽ നാളെ രാത്രി വരെ ദേശീയ സമുദ്ര ഗവേഷണ കേന്ദ്രം കള്ളക്കടൽ ജാഗ്രത നിർദ്ദേശം പുറപ്പെടുവിച്ചു. തിരമാലകൾക്ക് 1.1 മീറ്റർ വരെ ഉയരം ഉണ്ടായേക്കാം. കന്യാകുമാരി തീരത്തും ഉയർന്ന തിരമാലകൾക്കും കടലാക്രമണത്തിനും സാധ്യതയുണ്ട്. കന്യാകുമാരി തീരത്ത് 1.3 മീറ്റർ വരെ തിരമാലകൾക്ക് ഉയരം ഉണ്ടാകും.

കാലാവസ്ഥ വകുപ്പിന്റെ അലർട്ട്

ഇടിയോട് മഴ സാധ്യതയെ തുടർന്ന് കേന്ദ്ര കാലാവസ്ഥാ വകുപ്പ് ഏഴു ജില്ലകളിൽ മഞ്ഞ അലർട്ട് പുറപ്പെടുവിച്ചു. എറണാകുളം, ഇടുക്കി, തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട് ജില്ലകളിൽ ആണ് മഞ്ഞ അലർട്ട് നൽകിയത്.

English Summary : Kerala is likely to experience rain accompanied by thunderstorms this afternoon, evening, and night, with northern districts expected to receive more rainfall than yesterday, according to Metbeat Weather. Thunderstorms are anticipated in the eastern parts of Kasaragod, Kannur, Kozhikode, Malappuram, Wayanad, Palakkad, Idukki, Kottayam, Pathanamthitta, and Kollam districts