സംസ്ഥാനത്ത് മഴ തുടരും, മുന്നറിയിപ്പ് നൽകി കേന്ദ്ര കാലാവസ്ഥാ വകുപ്പ്

സംസ്ഥാനത്ത് മഴ തുടരുമെന്ന മുന്നറിയിപ്പുമായി കേന്ദ്രകാലാവസ്ഥ വകുപ്പ്. നേരിയ മഴയ്ക്ക് സാധ്യത ഉള്ളതിനാൽ ഇന്നുവരെ വിവിധ ജില്ലകളിൽ അലർട്ട് പ്രഖ്യാപിച്ചിട്ടുണ്ട്. കൂടാതെ അടുത്ത മൂന്ന് മണിക്കൂറിൽ വിവിധയിടങ്ങളിൽ നേരിയ മഴയ്ക്ക് സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് അറിയിച്ചു. ഇന്ന് ആറ് ജില്ലകളിൽ ഗ്രീൻ അലർട്ടുണ്ട്. കാസർകോട്, കണ്ണൂർ, മലപ്പുറം, കോഴിക്കോട്, വയനാട്, പാലക്കാട് ജില്ലകളിലാണ് മഴ സാധ്യതയുള്ളത്. ജില്ലകളിൽ ഒറ്റപ്പെട്ടയിടങ്ങളിൽ വൈകിട്ട് നാല് മണിക്കുള്ളിൽ നേരിയ മഴയ്ക്ക് സാധ്യതയുണ്ടെന്നാണ് പ്രവചനം. രണ്ടു ദിവസങ്ങളായി ജില്ലയുടെ പല ഭാഗത്തും ശക്തമായ മഴപെയ്തിരുന്നു. കാലംതെറ്റി വന്ന മഴകാരണം ലക്ഷകണക്കിന് രൂപയുടെ നഷ്ട്ടമാണ് കർഷകർക്കുണ്ടായത്.

ജാഗ്രതാ നിർദ്ദേശം

കാസർകോട്, കണ്ണൂർ, വയനാട്, മലപ്പുറം, കോഴിക്കോട്, പാലക്കാട്, ഇടുക്കി, പത്തനംതിട്ട എന്നീ ജില്ലകളിലാണ് നേരിയ മഴയ്ക്ക് സാധ്യതയുള്ളത്. 16.5 മില്ലി മീറ്റർ മുതൽ 64.5 മില്ലി മീറ്റർ വരെയുള്ള മഴയാണ് പ്രതീക്ഷിക്കുന്നത്. ഇടിമിന്നൽ ജാഗ്രത നിർദേശവും കഴിഞ്ഞ ദിവസങ്ങളിൽ പുറപ്പെടുവിച്ചിരുന്നു.

English Summary : It has been raining heavily in many parts of the district for two days. Farmers have lost lakhs of rupees due to untimely rains.