യുഎഇയിൽ ഇന്ന് മഴയ്ക്ക് സാധ്യത; താപനിലയിൽ നേരിയ കുറവ്

യുഎഇയിൽ ഇന്ന്, (ഒക്ടോബർ 3) നേരിയ മഴയ്ക്ക് സാധ്യതയെന്ന് ദേശീയ കാലാവസ്ഥാ കേന്ദ്രം (NCM) അറിയിച്ചു. തെളിഞ്ഞ കാലാവസ്ഥയായിരിക്കുമെങ്കിലും ഇടയ്ക്കിടെ ഭാഗികമായി മേഘാവൃതമായി ഉച്ചയോടെ രാജ്യത്തിന്റെ കിഴക്കൻ, തെക്കൻ മേഖലകളിൽ മഴ മേഘങ്ങൾ രൂപപ്പെട്ട് നേരിയ മഴ ലഭിക്കാൻ സാധ്യതയുണ്ട്. അതുകൊണ്ട് തന്നെ താപനിലയിൽ നേരിയ കുറവുണ്ടാകും. അബുദാബിയിൽ പരമാവധി 39 ഡിഗ്രി സെൽഷ്യസും ദുബായിലും ഷാർജയിലും 38 ഡിഗ്രി സെൽഷ്യസും രേഖപ്പെടുത്തും. കുറഞ്ഞ താപനില ദുബായിൽ 31, അബുദാബിയിൽ 30, ഷാർജയിൽ 29 ഡിഗ്രി സെൽഷ്യസായിരിക്കും.

മൂടൽമഞ്ഞിന് സാധ്യത, ശക്തമായ കാറ്റ് വീശും

രാത്രിയിലും ഞായറാഴ്ച രാവിലെയും ചില തീരപ്രദേശങ്ങളിൽ അന്തരീക്ഷം ഈർപ്പമുള്ളതാകും. മൂടൽമഞ്ഞ് രൂപപ്പെടാനും സാധ്യതയുണ്ട്.
തെക്കുകിഴക്കൻ ദിശയിൽ നിന്ന് വടക്കുകിഴക്കൻ ദിശയിലേക്ക് ശക്തമായ കാറ്റ് വീശും. ചില സമയങ്ങളിൽ കാറ്റ് ശക്തമാകാനും പൊടിക്കാറ്റിന് കാരണമാകാനും സാധ്യതയുണ്ട്. കാറ്റിന്റെ വേഗം മണിക്കൂറിൽ 35 കിലോമീറ്റർ വരെ ഉയർന്നേക്കും.
അറേബ്യൻ ഗൾഫിലും ഒമാൻ കടലിലും കടൽ പൊതുവെ ശാന്തമായിരിക്കുമെന്നും NCM അറിയിച്ചു.

English Summary : The National Center of Meteorology (NCM) has forecast light rain across eastern and southern regions of the UAE due to the formation of convective clouds by afternoon. Temperatures will see a slight decrease, with maximums reaching 39°C in Abu Dhabi and 38°C in Dubai and Sharjah. Coastal areas may experience humidity and fog formation overnight and into Sunday morning, accompanied by moderate to strong winds reaching up to 35 km/h, which could cause blowing dust. Meanwhile, conditions in the Arabian Gulf and Oman Sea are expected to remain generally calm.