Kerala Weather Update 27/06/26 : അറബിക്കടലിൽ കാറ്റ് ശക്തിപ്പെടുന്നു; ഇന്ന് മുതൽ മഴയിൽ നേരിയ വർധനവ്

അറബിക്കടലിൽ പടിഞ്ഞാറൻ കാറ്റ് ശക്തമാകുന്നതിനാലും മേഘങ്ങളുടെ സാന്നിധ്യമുള്ളതിനാലും കേരള തീരത്ത് കാലവർഷം വീണ്ടും ശക്തമാകുന്നു. ഇന്ന ( June 27 - ശനി ) യും അടുത്ത രണ്ട് ദിവസങ്ങളിലും കേരളത്തിൽ പരക്കെ ഇടിമിന്നലോടു കൂടിയ മഴയ്ക്ക് സാധ്യതയുണ്ട്.

റഡാർ വിവരങ്ങളും കേന്ദ്ര കാലാവസ്ഥ വകുപ്പിന്റെ (IMD) ഔദ്യോഗിക പ്രവചനങ്ങളും അടിസ്ഥാനമാക്കിയുള്ള പ്രവചനങ്ങളിലും കേരളത്തിൽ ഇന്നു മുതൽ മഴ ശക്തിപ്പെടുമെന്ന് പറയുന്നു. ഇന്നലെ Metbeat Weather ൻ്റെ അവലോകന റിപ്പോർട്ടിലും ഈ മാസം 29 മുതൽ ശക്തിപ്പെടുമെന്നാണ് പറഞ്ഞിരുന്നത്.

ബംഗാള്‍ ഉള്‍ക്കടലില്‍ ചക്രവാതച്ചുഴി, ഞായര്‍ മുതല്‍ വീണ്ടും മഴയെത്തുന്നു
The monsoon winds are set to strengthen again, bringing heavy rainfall back to Kerala starting Sunday night (June 28). Although earlier forecasts expe
https://metbeatnews.com/cyclonic-circulation-in-bay-of-bengal-heavy-rain-expected-in-kerala-from-sunday

മഴ മുന്നറിയിപ്പുകൾ

ഇന്ന് - ജൂൺ 27, ശനിയാഴ്ച
കേരളത്തിൽ മിക്കയിടങ്ങളിലും പരക്കെ മഴ ലഭിക്കാൻ സാധ്യതയുണ്ട് എന്ന് കാലാവസ്ഥ വകുപ്പിന്റെ പ്രവചനങ്ങളിൽ പറയുന്നു.

മഞ്ഞ അലർട്ട് (Yellow Alert)

മലപ്പുറം, കോഴിക്കോട്, വയനാട്, കണ്ണൂർ, കാസറഗോഡ് എന്നീ വടക്കൻ ജില്ലകളിൽ ഒറ്റപ്പെട്ട ശക്തമായ മഴയ്ക്കുള്ള സാധ്യത.
പകൽ സമയത്ത് ഇടിമിന്നലോട് കൂടിയ മഴയ്ക്കും രാത്രിയോടെ തുടർച്ചയായ മഴയ്ക്കും സാധ്യതയുണ്ട്.

നാളെ - ജൂൺ 28, ഞായറാഴ്ച

ഞായറാഴ്ചയോടെ മഴയുടെ ശക്തി വീണ്ടും വർധിക്കാൻ സാധ്യത.

മഞ്ഞ അലർട്ട് (Yellow Alert)

തിരുവനന്തപുരം, കൊല്ലം ഒഴികെയുള്ള ഭൂരിഭാഗം ജില്ലകളിലും (പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസറഗോഡ്) കേന്ദ്ര കാലാവസ്ഥ വകുപ്പ് മഞ്ഞ അലർട്ട് പ്രഖ്യാപിച്ചിട്ടുണ്ട്. ഇവിടങ്ങളിൽ ഒറ്റപ്പെട്ട ശക്തമായ ഇടിമിന്നലോടു കൂടിയ മഴ പ്രതീക്ഷിക്കാം.

കടൽ യാത്രാ/മത്സ്യബന്ധന വിലക്ക്

കേരള-കർണാടക-ലക്ഷദ്വീപ് തീരങ്ങളിൽ വരും ദിവസങ്ങളിൽ കാറ്റ് കൂടുതൽ ശക്തമാകാൻ സാധ്യതയുണ്ട്.

മണിക്കൂറിൽ 40 മുതൽ 50 കിലോമീറ്റർ വരെയും ചില അവസരങ്ങളിൽ 60 കിലോമീറ്റർ വരെയും വേഗതയിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്. ഈ സാഹചര്യത്തിൽ ജൂൺ 27 മുതൽ ജൂൺ 29 വരെ കേരള, കർണാടക, ലക്ഷദ്വീപ് തീരങ്ങളിൽ മത്സ്യബന്ധനത്തിന് വിലക്കുണ്ട്.

ശ്രദ്ധിക്കുക:

ഇടിമിന്നൽ അപകടകാരി ആയതിനാൽ കാറ്റും മിന്നലുമുള്ള സമയങ്ങളിൽ ജനങ്ങൾ സുരക്ഷിതമായ കെട്ടിടങ്ങൾക്കുള്ളിലേക്ക് മാറണമെന്നും ജാഗ്രത പാലിക്കണമെന്നും ദുരന്തനിവാരണ അതോറിറ്റി (KSDMA ) അറിയിച്ചിട്ടുണ്ട്.

കാലാവസ്ഥാ വിവരങ്ങൾ വാട്സാപ്പിൽ ലഭിക്കാൻ ഞങ്ങളുടെ ഗ്രൂപ്പിൽ ചേരാം. അതിനായി ഇവിടെ ക്ലിക്ക് ചെയ്യുക