വടക്കന്‍ തമിഴ്‌നാട്ടിലും തെക്കന്‍ കേരളത്തിലും ഇന്നും മഴ സാധ്യത

തെക്കന്‍ കേരളത്തിലും വടക്കന്‍ തമിഴ്‌നാട്ടിലും ഇന്നും മഴ സാധ്യത. ചെന്നൈ ഉള്‍പ്പെടെ തമിഴ്‌നാടിന്റെ തീരപ്രദേശങ്ങളില്‍ ഇന്ന് മഴ ലഭിക്കും. കേരളത്തില്‍ തെക്കന്‍ ജില്ലകളുടെ കിഴക്കന്‍ മേഖലയിലാണ് മഴ വൈകിട്ടും രാത്രിയും പ്രതീക്ഷിക്കേണ്ടത്. മറ്റിടങ്ങളില്‍ പ്രസന്നമായ കാലാവസ്ഥയായിരിക്കും.

കാലവര്‍ഷക്കാറ്റ് ദുര്‍ബലമായതുമൂലമുള്ള കാറ്റിന്റെ അസ്ഥിരതയും തെക്കന്‍ കര്‍ണാടക മുതല്‍ മാന്നാര്‍ കടലിടുക്ക് വരെയുള്ള ന്യൂനമര്‍ദപാത്തിയുമാണ് മഴക്ക് കാരണം.

ഇന്നലെയും കേരളത്തിന്റെ കിഴക്കന്‍ മേറഖലയില്‍ ഇടിയോടെ മഴ ലഭിച്ചിരുന്നു. മൂവാറ്റുപുഴ, തൊടുപുഴ, കോട്ടയം ജില്ലയിലെ മീനച്ചില്‍ പ്രദേശം, മലപ്പുറം ജില്ലയുടെ കിഴക്കന്‍ മേഖല, പത്തനംതിട്ടയുടെ കിഴക്കന്‍ വനമേഖല എന്നിവിടങ്ങളിലാണ് ഇന്നലെ മഴ ലഭിച്ചത്.

ഇന്നലെ അഞ്ചു ജില്ലകളില്‍ കാലാവസ്ഥാ വകുപ്പ് മഞ്ഞ അലര്‍ട്ട് നല്‍കിയിരുന്നു. ഇന്ന് ഒരു ജില്ലയിലും അലര്‍ട്ടില്ല. ഇന്നു മുതല്‍ 14 വരെയുള്ള തിയതികളില്‍ തെക്കു പടിഞ്ഞാറന്‍ അറബിക്കടല്‍, മധ്യ പടിഞ്ഞാറന്‍ അറബിക്കടല്‍ എന്നിവിടങ്ങളില്‍ മണിക്കൂറില്‍ 45 മുതല്‍ 55 കിലോമീറ്റര്‍ വരെയും ചില അവസരങ്ങളില്‍ 65 കിലോമീറ്റര്‍ വരെയും വേഗതയില്‍ ശക്തമായ കാറ്റിനു സാധ്യതയുണ്ട്.

English summary : Rain likely in northern Tamil Nadu and southern Kerala today

for local weather click on Metbeat Weather Website