യുഎഇയിൽ മഴ: തോടുകളായി മാറി മരുഭൂമി, നിർത്താതെ മഴ പെയ്തു, റോഡുകളിൽ വെള്ളക്കെട്ട്

യുഎഇയുടെ വടക്കൻ മേഖലകളിൽ കനത്ത തോതിലും ദുബായിലെ വിവിധ പ്രദേശങ്ങളിൽ നേരിയ രീതിയിലും യുഎഇയുടെ വടക്കൻ മേഖലകളിൽ കനത്ത തോതിലും ദുബായിലെ വിവിധ പ്രദേശങ്ങളിൽ നേരിയ രീതിയിലും മഴ പെയ്തു. ഇന്ന് ഉച്ചയോടെയാണ് ഷാർജയിലും റാസൽഖൈമയിലും ദുബായിലും മഴ പെയ്തത്. രാജ്യത്തിന് മുകളിൽ രൂപപ്പെട്ട കുറഞ്ഞ മർദ്ദത്തെത്തുടർന്ന് ഈ മാസം 25 മുതൽ 29 വരെ മഴയ്ക്ക് സാധ്യതയുണ്ടെന്ന് ദേശീയ കാലാവസ്ഥാ നിരീക്ഷണ കേന്ദ്രം (എൻഎംസി) നേരത്തെ തന്നെ മുന്നറിയിപ്പ് നൽകിയിരുന്നു. റാസൽഖൈമയിലെ പലയിടങ്ങളിലും കനത്ത മഴയെത്തുടർന്ന് റോഡുകളിൽ വെള്ളക്കെട്ട് രൂപപ്പെട്ടു.

Instagram

https://www.instagram.com/reel/DS1_ELUjzpE/?igsh=MXdlYjE4amxvMTM2Zw==

ഷാർജയിൽ നിർത്താതെ മഴ പെയ്തു

മരുഭൂമിയിലെ താഴ്ന്ന പ്രദേശങ്ങൾ തോടുകളായി മാറി. ഷാർജയിൽ നിർത്താതെ പെയ്ത മഴ ഗതാഗതത്തെ ബാധിച്ചു. വെള്ളം നിറഞ്ഞ റോഡുകളിലൂടെ വാഹനങ്ങൾ അതീവ ജാഗ്രതയോടെയാണ് കടന്നുപോകുന്നത്. കനത്ത മഴ തുടരുന്ന സാഹചര്യത്തിൽ വാദികളിൽ നിന്നും മലയോര മേഖലകളിൽ നിന്നും വിട്ടുനിൽക്കണമെന്ന് അധികൃതർ കർശന നിർദ്ദേശം നൽകിയിട്ടുണ്ട്. മഴയുള്ളപ്പോൾ ഇത്തരം സ്ഥലങ്ങൾ അപകടസാധ്യതയുള്ളതാകാൻ സാധ്യതയേറെയാണ്. മോശം കാലാവസ്ഥയിൽ കാഴ്ചാപരിധി കുറയാൻ ഇടയുള്ളതിനാൽ വാഹനമോടിക്കുന്നവർ വേഗത കുറയ്ക്കണമെന്നും ട്രാഫിക് നിയമങ്ങൾ പാലിക്കണമെന്നും കാലാവസ്ഥാ നിരീക്ഷണ കേന്ദ്രം ഓർമിപ്പിച്ചു.

English Summary : Heavy rains in Sharjah have transformed low-lying areas into waterways, impacting traffic. Authorities urge caution and adherence to safety measures while driving.