കോഴിക്കോട് മഴ, ന്യൂനമർദ്ദം ശക്തിപ്പെടുന്നു, താൽകാലികമായി ചൂട് കുറയും

കോഴിക്കോട് തിരുവമ്പാടിക്ക് സമീപം പൊന്നാങ്കയത്ത് ശക്തമായ മഴ. ന്യൂനമർദ്ദം ശക്തിപ്പെടുകയാണ്. മേഘാവൃതമായ അന്തരീക്ഷമാണ് കേരളത്തിലുള്ളത്. ഇതോടെ താൽക്കാലികമായി ചൂടു കുറയും. 21- 23 ന് ഇടയിൽ എല്ലാ ജില്ലകളിലും ഒറ്റപ്പെട്ട മഴ സാധ്യതയുമുണ്ട്.

1,7 тыс. просмотров · 48 реакций | മഴ കോഴിക്കോട് തിരുവമ്പാടിക്ക് സമീപം പൊന്നാങ്കയം ഇപ്പോൾ മഴ പെയ്യുന്നു 🎥K G Anoop | Weatherman Kerala
മഴ കോഴിക്കോട് തിരുവമ്പാടിക്ക് സമീപം പൊന്നാങ്കയം ഇപ്പോൾ മഴ പെയ്യുന്നു 🎥K G Anoop
https://www.facebook.com/share/v/1EBkQfiUxA/?mibextid=wwXIfr

കഴിഞ്ഞ ദിവസം വയനാട് ജില്ലയിലെ വിവിധ പ്രദേശങ്ങളിൽ ശക്തമായ മഴ പെയ്തിരുന്നു. കേരളത്തില്‍ ഉള്‍പ്പെടെ ദക്ഷിണേന്ത്യ(South India)യില്‍ വരും ദിവസങ്ങളില്‍ മഴക്ക് കാരണമായേക്കാവുന്ന ന്യൂനമര്‍ദം ഇന്ത്യന്‍ മഹാസമുദ്രത്തിലെ ഭൂമധ്യ രേഖാ പ്രദേശത്ത് രൂപപ്പെട്ടു കഴിഞ്ഞു. ഇന്നലെ ഉച്ചയ്ക്ക് രണ്ടരയോടെയാണ് ന്യൂനമര്‍ദം രൂപപ്പെട്ടതായി കേന്ദ്ര കാലാവസ്ഥാ വകുപ്പ് സ്ഥിരീകരിച്ചത്.

മത്സ്യത്തൊഴിലാളി ജാഗ്രത നിർദേശം

കേരള - കർണാടക - ലക്ഷദ്വീപ് തീരങ്ങളിൽ ഇന്ന് മത്സ്യബന്ധനത്തിന് തടസമില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഗൾഫ് ഓഫ് മന്നാർ, അതിനോട് ചേർന്ന തെക്കൻ തമിഴ്‌നാട് തീരം, കന്യാകുമാരി പ്രദേശം എന്നിവിടങ്ങളിൽ മണിക്കൂറിൽ 40 മുതൽ 50 കിലോമീറ്റർ വരെയും ചില അവസരങ്ങളിൽ മണിക്കൂറിൽ 60 കിലോമീറ്റർ വരെയും വേഗതയിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്.
തെക്കു പടിഞ്ഞാറൻ ബംഗാൾ ഉൾക്കടൽ, അതിനോട് ചേർന്ന ഭൂമധ്യരേഖ ഇന്ത്യൻ മഹാസമുദ്രം എന്നിവിടങ്ങളിൽ മണിക്കൂറിൽ 45 മുതൽ 55 കിലോമീറ്റർ വരെയും ചില അവസരങ്ങളിൽ മണിക്കൂറിൽ 65 കിലോമീറ്റർ വരെയും വേഗതയിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്.

English Summary : Kozhikode district received rain. Heavy rains lashed Ponnakkayam area near Tiruvambadi. Cloudy weather continues in the state. Rains are more likely in the coming days as the low pressure formed in the equatorial region of the Indian Ocean strengthens. With this, the temperature may decrease temporarily.