യുഎഇയിൽ ഇന്നും ചൂട് തുടരും; ചിലയിടങ്ങളിൽ മഴയ്ക്ക് സാധ്യത, മൂടൽമഞ്ഞിനും മുന്നറിയിപ്പ്

യുഎഇയിൽ ഇന്ന് (ഒക്ടോബർ 7) കാലാവസ്ഥ പൊതുവെ തെളിഞ്ഞതായിരിക്കുമെന്നും എന്നാൽ രാജ്യത്തിന്റെ ചില ഭാഗങ്ങളിൽ മഴയ്ക്കും സാധ്യതയുണ്ടെന്ന് National Centre of Meteorology (NCM) അറിയിച്ചു.

ഉച്ചയോടെ രാജ്യത്തിന്റെ കിഴക്ക്, തെക്ക് ഭാഗങ്ങളിൽ മഴ മേഘങ്ങൾ (Convective Clouds) രൂപപ്പെടാൻ സാധ്യതയുണ്ട്. ഇതിന്റെ സ്വാധീനത്തിലാണ് ചില മേഖലകളിൽ മഴ ലഭിക്കുക. അതേസമയം താപനില ഉയരും. രാത്രി മുതൽ വ്യാഴാഴ്ച രാവിലെയോടെ തീരപ്രദേശങ്ങളിലും ഉൾപ്രദേശങ്ങളിലെ ചില മേഖലകളിലും ഈർപ്പം വർധിക്കും. ഇതോടെ മൂടൽമഞ്ഞിനും സാധ്യതയുണ്ടെന്ന് NCM മുന്നറിയിപ്പ് നൽകി.

UAE Weather : യുഎഇയിൽ ചൂടിന് ആശ്വാസം; കാലാവസ്ഥ മാറുന്നു, മഴയ്ക്ക് സാധ്യതയേറും, വരുന്നത് `അൽവസം' സീസൺ
ദുബായിലെയും യുഎഇയിലെ വിവിധ എമിറേറ്റുകളിലെയും കടുത്ത വേനൽച്ചൂടിന് ആശ്വാസമാകുന്ന കാലാവസ്ഥയാണ് ഇനി വരാൻ പോകുന്നത്.
https://metbeatnews.com/al-wasam-season-approaches-with-cooler-temperatures-and-rain-forecast

അലേർട്ടുകൾ പ്രഖ്യാപിച്ചു

രാവിലെ ഒമ്പത് മണിവരെ രാജ്യത്തിന്റെ വിവിധ ഭാഗങ്ങളിൽ റെഡ്, യെല്ലോ അലർട്ടുകൾ പ്രഖ്യാപിച്ചിട്ടുണ്ട്. മൂടൽമഞ്ഞ് മൂലം ദൃശ്യപരത കുറയാൻ സാധ്യതയുള്ളതിനാൽ വാഹനയാത്രക്കാർ ജാഗ്രത പാലിക്കണം.

മുന്നറിയിപ്പുമായി പോലീസ്

അബുദാബി–അൽ ഐൻ റോഡ്, ഷെയ്ഖ് ഖലീഫ ബിൻ സായിദ് ഇന്റർനാഷണൽ റോഡ് ഉൾപ്പെടെ നിരവധി റോഡുകളിൽ വേഗപരിധി കുറച്ചതായി അബുദാബി പൊലീസ് അറിയിച്ചു. കുറഞ്ഞ വേഗപരിധി നിർബന്ധമായും പാലിക്കണമെന്ന് ദുബായ് പൊലീസും വാഹനയാത്രക്കാരെ ഓർമ്മിപ്പിച്ചു.

വടക്കുകിഴക്ക് മുതൽ തെക്കുകിഴക്ക് ദിശയിൽ നേരിയതോ മിതമായതോ ആയ കാറ്റ് വീശും. ചില സമയങ്ങളിൽ കാറ്റിന് ശക്തി കൂടാനും സാധ്യതയുണ്ട്.

അറബിക്കടലിലും ഒമാൻ കടലിലും കടൽ പൊതുവെ ശാന്തമായിരിക്കും.
പ്രധാന നഗരങ്ങളായ ദുബായിൽ 43°C, അബുദാബിയിൽ 42°C, ഷാർജയിൽ 43°C വരെ താപനില ഉയർന്നേക്കും. കുറഞ്ഞ താപനില യഥാക്രമം 30°C, 31°C, 28°C ആയിരിക്കും.
അതേസമയം ദുബായിൽ ഈർപ്പം 15–80%, അബുദാബിയിൽ 25–80%, ഷാർജയിൽ 15–80% വരെയായിരിക്കും.

English Summary : Get the latest UAE weather report for today, October 7. The National Centre of Meteorology (NCM) has forecasted hot conditions with expected convective clouds bringing rain to eastern and southern regions, alongside fog and mist warnings. Abu Dhabi and Dubai police have lowered speed limits on major highways due to low visibility. Check out current temperatures, humidity levels, and safety advisories for motorists.