യുഎഇയിൽ ഇന്ന് മഴയ്ക്ക് സാധ്യത; മഴ മേഘങ്ങൾ ശക്തമാകും, ചൂടിന് നേരിയ കുറവ്

യുഎഇയിൽ(UAE) ഇന്ന് (സെപ്റ്റംബർ 1) ചില മേഖലകളിൽ മഴയ്ക്ക് സാധ്യതയുണ്ടെന്ന് ദേശീയ കാലാവസ്ഥാ കേന്ദ്രം (NCM). ചൂടിനൊപ്പം മഴയ്ക്കും സാധ്യതയുള്ള കാലാവസ്ഥയാണ് ഇന്ന് യുഎഇയിൽ പ്രതീക്ഷിക്കുന്നത്.
പകൽ തെളിഞ്ഞതോ ഭാഗികമായി മേഘാവൃതമായതോ ആയ കാലാവസ്ഥയായിരിക്കും അനുഭവപ്പെടുക, എന്നാൽ ഉച്ചയ്ക്കുശേഷം സ്ഥിതി മാറി കിഴക്കൻ മേഖലകളിൽ മഴ മേഘങ്ങൾ രൂപപ്പെടാൻ സാധ്യതയുണ്ട്. അതു കൊണ്ട് തന്നെ ചില പ്രദേശങ്ങളിൽ മഴ ലഭിച്ചേക്കാം. അതേസമയം, താപനിലയിൽ നേരിയ കുറവുണ്ടാകും. എങ്കിലും വരും ദിവസങ്ങളിലും ചൂട് തുടരാനാണ് സാധ്യത.

UAE Weather :യുഎഇയിൽ ചൂട് കുറയുമോ? ശരീരത്തിനനുഭവപ്പെടുന്ന ചൂട് കൂടും, മുന്നറിയിപ്പുമായി വിദഗ്ധർ
കാത്തിരുന്ന് കാത്തിരുന്ന് അവസാനം ഓഗസ്റ്റ് 24ന് സുഹൈൽ നക്ഷത്രം ഉദിച്ചു. ഇതോടു കൂടി യുഎഇയിൽ ചൂട് കുറയുമെന്ന പ്രതീക്ഷയിലായിരുന്നു യുഎഇ ജനത.
https://metbeatnews.com/why-real-feel-temperatures-are-rising-despite-suhail-star-appearance

46 ഡിഗ്രി സെൽഷ്യസ് വരെ ചൂട് ഉയരും

ഉൾപ്രദേശങ്ങളിൽ താപനില 46 ഡിഗ്രി സെൽഷ്യസ് വരെ ഉയർന്നേക്കും. അതേസമയം ദുബൈ, അബുദാബി, ഷാർജ എന്നിവിടങ്ങളിൽ 41 ഡിഗ്രി സെൽഷ്യസ് വരെയാണ് ഉയർന്ന താപനില പ്രവചിക്കുന്നത്.
രാത്രിയിൽ നാളെ (ബുധനാഴ്ച) രാവിലെയും അന്തരീക്ഷത്തിൽ ഈർപ്പം വർധിക്കും. ഇതോടെ തീരപ്രദേശങ്ങളിലും ഉൾപ്രദേശങ്ങളിലെ ചില ഭാഗങ്ങളിലും മൂടൽമഞ്ഞിനും നേരിയ മഞ്ഞിനും സാധ്യതയുണ്ട്.

കാറ്റിന് സാധ്യത

നേരിയതോ മിതമായതോ ആയ കാറ്റായിരിക്കുമെങ്കിലും ഇടയ്ക്കിടെ ശക്തി പ്രാപിക്കാം. പ്രത്യേകിച്ച് തെക്കുകിഴക്കൻ ദിശയിൽ നിന്ന് വടക്കുപടിഞ്ഞാറൻ ദിശയിലേക്ക് കാറ്റ് വീശാം. മണിക്കൂറിൽ 40 കിലോമീറ്റർ വരെ വേഗതയിൽ കാറ്റ് വീശാനും സാധ്യതയുണ്ട്.
അറേബ്യൻ ഗൾഫിൽ കടൽ നേരിയതോ മിതമായതോ ആയിരിക്കും. പടിഞ്ഞാറൻ ഭാഗങ്ങളിൽ കടൽ പ്രക്ഷുബ്ധമാകാനും സാധ്യതയുണ്ട്. എന്നാൽ ഒമാൻ കടലിൽ പൊതുവിൽ നേരിയ നിലയിലായിരിക്കുമെന്നും NCM അറിയിച്ചു.

English Summary : The UAE National Center of Meteorology (NCM) has forecasted rain in certain areas, particularly in the eastern regions, during the afternoon. While daytime conditions will remain generally fair to partly cloudy, rain-bearing clouds are expected to build up later in the day. Temperatures are projected to see a minor drop, reaching up to 46°C in internal areas and around 41°C in coastal cities like Dubai, Abu Dhabi, and Sharjah.