യുഎഇയിൽ ഇന്ന് മഴയ്ക്ക് സാധ്യത; താപനില കുറയും, ശക്തമായ കാറ്റിന് സാധ്യത

യുഎഇയിൽ ഇന്ന് (നവംബർ 10) വിവിധ മേഖലകളിൽ മഴയ്ക്ക് സാധ്യതയെന്ന് ദേശീയ കാലാവസ്ഥാ നിരീക്ഷണ കേന്ദ്രം (NCM). ദ്വീപുകൾ, തീരപ്രദേശങ്ങൾ, വടക്കൻ, പടിഞ്ഞാറൻ മേഖലകൾ എന്നിവിടങ്ങളിൽ നേരിയ മഴ ലഭിച്ചേക്കും. ചില സമയങ്ങളിൽ ആകാശം ഭാഗികമായും പൂർണമായും മേഘാവൃതമായിരിക്കുമെന്നും കാലാവസ്ഥാ നിരീക്ഷണ കേന്ദ്രം അറിയിച്ചു.

മഴയ്ക്കൊപ്പം താപനില കുറയാനും സാധ്യതയുണ്ട്. വടക്കുപടിഞ്ഞാറൻ ദിശയിൽ നിന്ന് മണിക്കൂറിൽ 10 മുതൽ 20 കിലോമീറ്റർ വരെ വേഗത്തിൽ കാറ്റ് വീശും. ചില സമയങ്ങളിൽ കാറ്റിന്റെ വേഗം മണിക്കൂറിൽ 40 കിലോമീറ്റർ വരെയാകാനും സാധ്യതയുണ്ട്.

പ്രധാന നഗരങ്ങളായ അബുദാബി, ദുബായ്, ഷാർജ എന്നിവിടങ്ങളിൽ 33, 33, 32 ഡിഗ്രി സെൽഷ്യസ് വരെ ഉയർന്ന താപനില അനുഭവപ്പെടും. കുറഞ്ഞ താപനില 24, 25, 21 ഡിഗ്രി സെൽഷ്യസ് ആയിരിക്കുമെന്നും NCM പ്രവചിക്കുന്നു.

English Summary : The UAE's National Centre of Meteorology () has forecast rain across several regions today (November 10). Light rain is likely over coastal areas, islands, and northern and western parts of the country.