ഇന്ന് മുതൽ ഇടിയോടെ മഴ സാധ്യത, മലവെള്ളപ്പാച്ചിൽ, മിന്നൽ ജാഗ്രത വേണം

കേരളത്തിൽ ഇന്ന് മുതൽ ഇടിയോടുകൂടിയുള്ള മഴയ്ക്ക് (Thunderstorm ) സാധ്യത. ഉച്ചയ്ക്കു ശേഷവും വൈകിട്ടും രാത്രിയിലും ആണ് മഴ സാധ്യത. തുലാവർഷത്തിന്റെ ( North East Monsoon) സ്വഭാവത്തോടെയുള്ള മഴയായിരിക്കും ഉണ്ടാവുക. എന്നാൽ ഇപ്പോൾ പെയ്യുന്ന മഴ തുലാവർഷം അല്ല. ഈ മാസം 10ന് ശേഷമാണ് തുലാവർഷം പ്രതീക്ഷിക്കുന്നത്.

കിഴക്കൻ മേഖലകളിലാണ് ആദ്യം മഴ റിപ്പോർട്ട് ചെയ്യുക. തുടർന്ന് ഇടനാട് പ്രദേശങ്ങളിലേക്കും വ്യാപിച്ചേക്കും. ഒക്ടോബർ ഒന്നിന് ശേഷം കാറ്റിന്റെ ഗതിയിൽ മാറ്റം വരുന്നതിനാൽ കേരളത്തിൽ ഇടിയോടുകൂടെ മഴ സാധ്യതയുണ്ടെന്ന് കഴിഞ്ഞ ദിവസങ്ങളിലെ Metbeat Weather ൻ്റെ അവലോകങ്ങളിൽ സൂചിപ്പിച്ചിരുന്നു.

കാലവർഷം പോലെ പകൽ മഴ ഉണ്ടാകാൻ സാധ്യത കുറവാണ്. പകരം ഉച്ചവരെ ശക്തമായ വെയിലും പകൽ താപനില കുടുതലും ആയിരിക്കും. തീരദേശങ്ങളിലും മഴ ലഭിക്കണമെന്നില്ല. കിഴക്കൻ മലയോര മേഖലകളിൽ ശക്തമായ മഴ അടുത്ത ദിവസങ്ങളിൽ പ്രതീക്ഷിക്കുന്നു.

കേരളത്തിൽ ഒറ്റപ്പെട്ട മഴ, തമിഴ്നാട്ടിലും കർണാടകയിലും ഇടിയോടുകൂടി മഴ സജീവമാകും
Isolated Rainfall in Kerala; Thunderstorms to Intensify in Tamil Nadu and Karnataka
https://metbeatnews.com/isolated-rainfall-in-kerala-thunderstorms-to-intensify-in-tamil-nadu-and-karnata

മലവെള്ളപാച്ചിൽ സാധ്യത

കിഴക്കൻ മേഖലയിൽ മലവെള്ളപ്പാച്ചിലിന് സാധ്യതയുള്ളതിനാൽ അരുവികളിലും തോടുകളിലും കിഴക്കൻ മേഖലകളിൽ നിന്ന് ഉത്ഭവിക്കുന്ന പുഴകളിലും ഇറങ്ങുന്നത് ഒഴിവാക്കണം. പുഴയിൽ വെള്ളമില്ലെങ്കിലും പാറയിലും മറ്റും കയറി ഫോട്ടോ എടുക്കുന്നത് മലവെള്ളപ്പാച്ചിൽ സമയത്ത് ദുരന്തത്തിന് കാരണമാകും. മലയുടെ അടിവാരത്ത് മഴയില്ലെങ്കിലും മലമുകളിൽ കനത്ത മഴ പെയ്യുന്നത് കാണാൻ കഴിയണമെന്നില്ല.

ഇടിമിന്നൽ ജാഗ്രത വേണം

ഇടിമിന്നൽ സാധ്യതയുള്ളതിനാൽ ഇടിമിന്നൽ ലക്ഷണങ്ങൾ കണ്ടു തുടങ്ങിയാൽ ഉയർന്ന പ്രദേശങ്ങളിലും തുറസ്സായ മേഖലകളിലും നിൽക്കുന്നത് അപകടകരമാണ്. കിഴക്കൻ മലയോര മേഖലകളിൽ ഉച്ചയ്ക്ക് ശേഷം വിനോദസഞ്ചാരത്തിന് പോകുന്നത് സുരക്ഷിതമല്ല.

തെക്കൻ കേരളത്തിൽ കൂടുതൽ മഴ സാധ്യത

തെക്കൻ കേരളത്തിലും തെക്കൻ തമിഴ്നാട്ടിലും ആണ് ഇന്ന് കൂടുതൽ മഴ സാധ്യത. ഇടുക്കി ജില്ലയിലാണ് കേരളത്തിൽ ഇന്ന് കൂടുതൽ മഴ പ്രതീക്ഷിക്കുന്നത്. ഇടുക്കി, പത്തനംതിട്ട, കോട്ടയം, കൊല്ലം, തിരുവനന്തപുരം ജില്ലകളിൽ ഇന്ന് മഴ പ്രതീക്ഷിക്കാം.

ശനി മുതൽ വടക്ക് മഴ സാധ്യത

വടക്കൻ ജില്ലകളിൽ ഇന്ന് മഴ സാധ്യത കുറവാണ്. എങ്കിലും കിഴക്കാൻ മലയോര മേഖലകളിൽ ഒറ്റപ്പെട്ട മഴ ലഭിച്ചേക്കും. വെള്ളിയാഴ്ച മലപ്പുറം ഉൾപ്പെടെയുള്ള വടക്കൻ ജില്ലകളിൽ മഴ സാധ്യത പ്രതീക്ഷിക്കുന്നു. ശനിയാഴ്ചയോടെ വടക്കൻ കേരളത്തിലെ മറ്റു ജില്ലകളിലും മഴയെത്തിയേക്കും.

Kerala Weather : കേരളത്തിൽ ഇടിമിന്നലോട് കൂടിയ മഴയ്ക്കും കാറ്റിനും സാധ്യത; മഞ്ഞ അലർട്ട് പ്രഖ്യാപിച്ചു
കേരളത്തിൽ അടുത്ത അഞ്ച് ദിവസവും വിവിധ ജില്ലകളിൽ മഴയ്ക്ക് സാധ്യത. ഇന്ന് മുതൽ ഒക്ടോബർ 4 വരെ സംസ്ഥാനത്ത് ഒറ്റപ്പെട്ട സ്ഥലങ്ങളിൽ മഴയ്ക്ക് സാധ്യതയെന്ന് കാല
https://metbeatnews.com/yellow-alert-issued-for-heavy-rain-thunderstorms-and-strong-winds

കേരളത്തിനും തമിഴ്നാടിനു ഒപ്പം ശ്രീലങ്കയിലും ഇന്ന് കനത്ത മഴ ലഭിക്കാൻ സാധ്യത. വടക്ക് പടിഞ്ഞാറൻ ശ്രീലങ്കയുടെ മലയോര മേഖലകളിൽ മലവെള്ളപ്പാച്ചിൽ സാധ്യതയുണ്ട്.

കാലാവസ്ഥ വകുപ്പിന്റെ മുന്നറിയിപ്പ്

ഇടിയോടുകൂടെ മഴ സാധ്യതയുള്ളതിനാൽ കേന്ദ്ര കാലാവസ്ഥാ വകുപ്പ് ഇന്ന് 6 ജില്ലകളിൽ മഞ്ഞ അലർട്ട് പുറപ്പെടുവിച്ചിട്ടുണ്ട്. പത്തനംതിട്ട, കോട്ടയം, എറണാകുളം, ഇടുക്കി, പാലക്കാട്, മലപ്പുറം ജില്ലകൾക്കാണ് മഞ്ഞ അലർട്ട് നൽകിയത്.

lightning-strike-map
See lightning strikes in realtime nearby your area. Get free online access. This helps you to track the direction of thunderstorms.
https://metbeatnews.com/page/lightning-strike-map?lat=9.9406

ഇടിമിന്നലും, മഴമേഘങ്ങളുടെ തൽസമയ ഉപഗ്രഹ ചിത്രങ്ങളും, കാറ്റിൻ്റെ ദിശയും മഴ സാധ്യത പ്രദേശവും തത്സമയം കാണാൻ Metbeat News website ലെ Live Weather Map ലിങ്ക് ദിവസവും ഉപയോഗിക്കാം.

English Summary : Rain and Thunderstorms Likely in Kerala from Today: Flash Flood and Lightning Warnings Issued. Kerala is expected to experience thunderstorms starting today, mainly in the afternoon, evening, and night. While the weather pattern resembles the Northeast Monsoon (Thulavarsham), the actual monsoon is expected to arrive after October 10. Heavy rainfall, lightning, and potential flash floods are predicted primarily in the eastern hilly regions.