കനത്ത മഴയിൽ വീടിന്റെ മതിൽ തകർന്നുവീണു, വീടിനും കിണറിനും കേടുപാടുകൾ

കനത്ത മഴയിൽ ഉരുവച്ചാൽ–ശിവപുരം റോഡിൽ കക്കാട്ട് പറമ്പ് വാർഡിലെ മുതലാളിമുക്കിന് സമീപം ചെമ്പിലാലി സീനത്തിന്റെ വീടിന്റെ കൂറ്റൻ മതിൽ തകർന്നു. സമീപത്തെ വീടിനും കിണറിനും കേടുപാടുകൾ സംഭവിച്ചു.

ഞായറാഴ്ച അർധരാത്രിയോടെയാണ് സംഭവം. ഏകദേശം എട്ട് മീറ്റർ ഉയരവും 20 മീറ്ററോളം നീളവുമുള്ള മതിൽ കനത്ത മഴയിൽ തകർന്നുവീണ് സമീപത്തെ ഹമീദിന്റെ വീടിന് മുകളിലേക്ക് പതിക്കുകയായിരുന്നു. മതിലിനൊപ്പം വീട്ടുമുറ്റത്ത് പാകിയിരുന്ന ഇന്റർലോക്കും കല്ലും മണ്ണും ഇടിഞ്ഞുതാഴ്ന്നു.

ചെമ്പിലാലി സീനത്തിന്റെ വീടിന്റെ മതിലും ഇൻറർലോക്കും തകർന്നനിലയിൽ

വിവരമറിഞ്ഞ് മാലൂർ പൊലീസും മട്ടന്നൂരിൽ നിന്നുള്ള അഗ്നിരക്ഷാസേനയും സ്ഥലത്തെത്തി രക്ഷാപ്രവർത്തനം നടത്തി. മതിൽ തകർന്നതോടെ അപകടസാധ്യത കണക്കിലെടുത്ത് സീനത്തിന്റെ കുടുംബത്തെ സമീപത്തെ ബന്ധുവീട്ടിലേക്ക് മാറ്റി താമസിപ്പിച്ചിരുന്നു.

English Summary : Heavy monsoon rains triggered a massive retaining wall collapse in Uruvachal–Sivapuram, Kerala, destroying property and forcing emergency evacuations. The 8-meter-high and 20-meter-long wall caved in around midnight, severely damaging an adjacent residence, a well, and compound infrastructure. Local police and fire rescue teams swiftly responded to the scene, while vulnerable residents were safely relocated to relatives' homes to avert further disaster.