ഫിലിപ്പൈൻസ് ഭൂചലനം : മരണ സംഖ്യ 72 ആയി

ഫിലിപ്പൈൻസിൽ ഭൂചലനത്തെ തുടർന്ന് മരിച്ചവരുടെ എണ്ണം 72 ആയി ഉയർന്നു. മധ്യ ഫിലിപ്പൈൻസിൽ 6.9 തീവ്രത രേഖപ്പെടുത്തിയ ഭൂചലനമാണ് കഴിഞ്ഞദിവസം ഉണ്ടായത്. തെരച്ചിൽ പൂർണ്ണമായി അവസാനിപ്പിച്ചതായി അധികൃതർ അറിയിച്ചു. ആരെയും ഇനി കണ്ടെത്താൻ ഇല്ല എന്നും National Disaster Risk Reduction and Management Council (NDRRMC) വക്താവ് Junie Castillo പറഞ്ഞു.

Bogo City യിൽ നിന്ന് 3 മൃതദേഹങ്ങൾ കൂടി ഇന്നലെ കണ്ടെടുത്തു. പലതവണകളിലായി തുടർ ചലനങ്ങൾ അനുഭവപ്പെട്ട സാഹചര്യത്തിൽ ടെൻ്റുകൾ സ്ഥാപിച്ചു അവിടേക്ക് ആളുകളോട് മാറാൻ ഫിലിപൈൻസ് പ്രസിഡൻ്റ് Ferdinand Marcos Jr നിർദ്ദേശം നൽകി. 5 ൽ കൂടുതൽ തീവ്രതയുള്ള തുടർച്ചലനങ്ങളാണ് ഇവിടെ റിപ്പോർട്ട് ചെയ്തത്.

ബൗലോയി ചുഴലിക്കാറ്റിനെ ( Typhoon Bualoi) തുടർന്ന് കനത്ത മഴ ഇപ്പോഴും ഫിലിപ്പൈൻസിൽ തുടരുന്നുണ്ട്. കഴിഞ്ഞ ആഴ്ച ഇതുവഴി കടന്നു പോയ രഗാസ ( Typhoon Ragasa) , ബൗലോയ് ( Bualoi ) ചുഴലികാറ്റുകളിൽ 20ലേറെ പേർ മരിക്കുകയും കനത്ത നാശനഷ്ടം ഉണ്ടാവുകയും ചെയ്തിരുന്നു. അതിനു പിന്നാലെയാണ് ശക്തമായ ഭൂചലനം കൂടി ഉണ്ടായത്.

ഫിലിപ്പൈൻസിലെ ഏറ്റവും വലിയ ദീപായ ബൊഗോയിലെ സെബു പ്രവിശ്യയിലാണ് കൂടുതൽ നാശനഷ്ടം. കൂടുതൽ മരണസംഖ്യയും ഇവിടെയാണ്. 600 വീടുകൾ ഇവിടെ തകർന്നിട്ടുണ്ട്. പകരം ടെൻ്റുകൾ നിർമ്മിച്ചു മഴയിൽ നിന്ന് ജനങ്ങളെ സംരക്ഷിക്കാനാണ് നീക്കം. പുരാതന ചർച്ചകളും മറ്റും ദൂചലനത്തിൽ തകർന്നു വീണിരുന്നു.

സർക്കാർ കണക്കിൽ 294 പേർക്കാണ് പരുക്കേറ്റത്. ഇരുപതിനായിരം പേരെ മാറ്റി പാർപ്പിച്ചു. സിവിൽ ഡിഫറൻസിന്റെ കണക്ക് പ്രകാരം 42 കമ്മ്യൂണിറ്റുകളിൽ നിന്ന് 1.1 ലക്ഷം ആളുകൾക്ക് സഹായം ആവശ്യമുണ്ട്. നഗരത്തിൽ വൈദ്യുതി അടിയന്തരമായി പുനസ്ഥാപിക്കാനും പ്രസിഡൻ്റ് ഉത്തരവു നൽകി.

ദുരിതബാധിതർക്ക് അടിയന്തര സഹായമായി പതിനായിരം പെസോസ് (171 ഡോളർ) ഓരോ കുടുംബത്തിനും സർക്കാർ നൽകും. ദുരിതബാധിത പ്രദേശങ്ങൾ പ്രസിഡൻ്റ് ഫർഡിനാൻ്റ് മാർക്കോസ് സന്ദർശിച്ചു. 2013 ലെ Super Typhoon Haiyan അതിജീവിച്ച വർക്ക് ആണ് ഇപ്പോൾ ഭൂചലനത്തിൽ നാശനഷ്ടം സംഭവിച്ചത്.

പ്രവിശ്യാ ആശുപത്രികളും മറ്റും തകർന്ന നിലയിലാണ്. ആരോഗ്യ സേവനങ്ങളും തടസ്സപ്പെട്ടു. തുടർചലനം ഭയപ്പെട്ട് ആശുപത്രികളും പന്തലുകളിലേക്ക് മാറ്റി. പ്രസവ ആശുപത്രിയും ഇത്തരത്തിലാണ് പ്രവർത്തിക്കുന്നത്.

തുടർച്ചയായി ഭൂചലനത്തിന് സാധ്യതയുള്ള പസഫിക് റിംഗ് ഒഫ് ഫയറിൽ ആണ് ഫിലിപ്പൈൻസ് സ്ഥതി ചെയ്യുന്നത്. പസഫിക്ക് സമുദ്രം, തെക്കു കിഴക്കൻ ഏഷ്യ, ജപ്പാൻ എന്നിവിടങ്ങളിലൂടെയാണ് പസഫിക് റിങ് ഓഫ് ഫയർ കടന്നുപോകുന്നത്.

English Summary: The Philippines faces a tragic aftermath as the earthquake death toll rises to 72. Stay updated on the latest developments and relief efforts.