പുതുവത്സരാഘോഷം പൊടിപൊടിച്ച കൊച്ചിയില്‍ പുകമഞ്ഞിൽ ശ്വാസം മുട്ടി ജനങ്ങൾ

ഡൽഹിയെ പോലെ കൊച്ചിയിലും വായു ഗുണനിലവാരം അപകടകരമായ നിലയില്‍ തുടരുകയാണ്. രാവിലെ കാണപ്പെടുന്ന പുകമഞ്ഞ് വെയില്‍ വീഴുന്നതോടെ കുറയുമെങ്കിലും വൈകുന്നേരത്തോടെ വീണ്ടും കൂടിവരുന്ന പ്രവണതയാണു നിലവിൽ.

വായുമലിനീകരണത്തിന് കാരണം പുതുവത്സരാഘോഷം

കഴിഞ്ഞ ദിവസം രാവിലെ വായു നിലവാരമൂല്യം 194 ആയിരുന്നു. ഉച്ചയ്ക്ക് 12ഓടെ ഇത് 136 ആയി താഴ്‌ന്നെങ്കിലും വൈകുന്നേരത്തോടെ വീണ്ടും ഉയര്‍ന്നു. പുതുവത്സരാഘോഷം പൊടിപൊടിച്ച കൊച്ചിയില്‍ കരിമരുന്ന് പ്രയോഗങ്ങളടക്കം പൊതുസ്ഥലങ്ങളില്‍ നടന്നതിനു പിന്നാലെയാണ് വായു ഗുണനിലവാരത്തിലെ അപകടാവസ്ഥ. വായു ഗുണനിലവാരം 101 മുതല്‍ 200 വരെ രേഖപ്പെടുത്തുന്ന അളവുകള്‍ രോഗങ്ങള്‍ക്കു വഴിവയ്ക്കുന്നവയാണ്. അന്തരീക്ഷത്തിലും ഭൂമിശാസ്ത്രപരമായും വരുന്ന മാറ്റങ്ങളാണ് പുകമഞ്ഞ് തങ്ങിനില്‍ക്കാന്‍ കാണമാകുന്നതെന്ന് വിദഗ്ധര്‍ പറയുന്നു.

English Summary : The air quality was at 194 yesterday morning. It dropped to 136 by 12 noon, but rose again in the evening. The hazardous air quality situation is due to the New Year celebrations in Kochi, where public gatherings, including the use of charcoal, were taking place.