യുഎഇയിൽ ഭാഗികമായി മേഘാവൃതമായ കാലാവസ്ഥ; കനത്ത മൂടൽമഞ്ഞിന് സാധ്യത

യുഎഇയിൽ ഇന്ന് (ഒക്ടോബർ 5) തെളിഞ്ഞ കാലാവസ്ഥയായിരിക്കുമെന്ന് ദേശീയ കാലാവസ്ഥാ കേന്ദ്രം (NCM) അറിയിച്ചു. എന്നാൽ ഉച്ചയോടെ കിഴക്കൻ മേഖലകളിൽ മഴ മേഘങ്ങൾ രൂപപ്പെടാൻ സാധ്യതയുണ്ട്. രാത്രിയിലും ചൊവ്വാഴ്ച രാവിലെയും തീരപ്രദേശങ്ങളിലും ഉൾപ്രദേശങ്ങളിലെ ചില മേഖലകളിലും ഈർപ്പം കൂടും. ഇതോടെ ഫോഗിനും മൂടൽമഞ്ഞിനും സാധ്യതയുണ്ടെന്നും NCM മുന്നറിയിപ്പ് നൽകി.

കാറ്റിന് സാധ്യത

തെക്കുപടിഞ്ഞാറൻ മുതൽ വടക്കുപടിഞ്ഞാറൻ ദിശയിൽ ശക്തമായ കാറ്റ് വീശും. ചില സമയങ്ങളിൽ കാറ്റിന്റെ വേഗം 35 കിലോമീറ്റർ വരെ ഉയർന്നേക്കും. അറേബ്യൻ ഗൾഫിലും ഒമാൻ കടലിലും കടൽ നേരിയതോ ചില സമയങ്ങളിൽ മിതമായതോ ആയിരിക്കും.

ദുബായിൽ 36 ഡിഗ്രി സെൽഷ്യസും അബുദാബിയിൽ 37 ഡിഗ്രിയും ഷാർജയിൽ 36 ഡിഗ്രിയുമാണ് പ്രതീക്ഷിക്കുന്ന ഉയർന്ന താപനില. കുറഞ്ഞ താപനില യഥാക്രമം 31, 29, 29 ഡിഗ്രി സെൽഷ്യസ് ആയിരിക്കും.

ദുബായിൽ 50 മുതൽ 90 ശതമാനം വരെയും അബുദാബിയിലും ഷാർജയിലും 45 മുതൽ 90 ശതമാനം വരെയുമായിരിക്കും അന്തരീക്ഷ ഈർപ്പം.

English Summary : The National Center of Meteorology (NCM) reports that the UAE will experience clear to partly cloudy conditions today, October 5, with convective rain clouds potentially forming over eastern areas by afternoon. Humidity is expected to rise overnight and into Tuesday morning, bringing a high likelihood of fog and mist across coastal and internal regions.