ഒമാനിൽ മിന്നൽ പ്രളയം; വ്യാപക നാശനഷ്ട്ടം

ഒമാനിലെ തെക്കൻ ബാത്തിന (South Al Batinah) ഗവർണറേറ്റിലെ വിവിധ പ്രദേശങ്ങളിൽ മിന്നൽ പ്രളയം. ശക്തമായ മഴയിലും മിന്നൽ പ്രളയത്തിലും വ്യാപക നാശനഷ്ട്ടമാണ് സംഭവിച്ചത്. ശക്തമായ കാറ്റ് കൂടുതൽ നാശനഷ്ട്ടങ്ങൾക്ക് ഇടയാക്കി. നഖ്ൽ, വാദി അൽ മഅവിൽ വിലായത്തുകളിലെ നിരവധി ഗ്രാമങ്ങളും പ്രളയത്തിൽ പെട്ടു.

UAE Weather : യുഎഇയിൽ ചൂട് തുടരുന്നു; മൂന്ന് ദിവസം ചൂടിനൊപ്പം മഴയ്ക്കും സാധ്യത
യുഎഇയിൽ ശക്തമായ ചൂടാണ് ഇപ്പോൾ അനുഭവപ്പെടുന്നത്. കൂടാതെ ഉയർന്ന ഈർപ്പവും വർധിച്ചിരിക്കുകയാണ്.
https://metbeatnews.com/extreme-heat-and-high-humidity-continue

കരകവിഞ്ഞൊഴുകി

ശക്തമായ മഴയിൽ ഐൻ അൽ തവാറയിലെ അൽ ഹമാം വാദിയും അൽ സബാത്ത് വാദിയും കരകവിഞ്ഞൊഴുകി. നിരവധി സ്ഥലങ്ങളിൽ മരങ്ങൾ കടപുഴകി വീഴുകയും വാഹനങ്ങൾ, ഷെഡുകൾ ഉൾപ്പെടെയുള്ള വസ്തുക്കൾക്ക് കേടുപാടുകൾ സംഭവിച്ചു.

നിർദ്ദേശവുമായി പോലീസ്

റുസ്താഖിലെ വാദി അൽ ത്വയ്യിബ് കരകവിഞ്ഞതോടെ വാഹനയാത്രികർക്ക് റോയൽ ഒമാൻ പൊലീസ് ജാഗ്രതാനിർദേശം നൽകി. വാദിയിലെ വെള്ളപ്പൊക്കം റുസ്താഖിനെയും ഇബ്രിയെയും ബന്ധിപ്പിക്കുന്ന റോഡിലെ ഗതാഗതത്തെയും ബാധിച്ചിരിക്കുകയാണ്.

വെള്ളക്കെട്ടുകളുള്ള പ്രദേശങ്ങളിലൂടെ യാത്ര ചെയ്യുമ്പോൾ അതീവ ജാഗ്രത പാലിക്കണമെന്നും ആവശ്യമായ മുൻകരുതലുകൾ സ്വീകരിക്കണമെന്നും റോയൽ ഒമാൻ പൊലീസ് നിർദേശിച്ചു. മാത്രമല്ല കരകവിഞ്ഞൊഴുകുന്ന വാദികൾക്ക് സമീപം പോകരുതെന്നും പൊലീസ് മുന്നറിയിപ്പ് നൽകിയിട്ടുണ്ട്.

English Summary : Heavy rainfall accompanied by strong downdraft winds triggered severe flash flooding across multiple regions in Oman’s South Al Batinah Governorate, causing widespread property damage. Several villages in the wilayats of Nakhl and Wadi Al Maawil were heavily impacted.