ഭൂകമ്പം തകർത്ത വെനസ്വെലയ്ക്ക് നെയ്മറിന്റെ കൈത്താങ്ങ്

ഇരട്ട ഭൂകമ്പം തകർത്ത വെനസ്വെലയ്ക്ക് കൈത്താങ്ങായി ബ്രസീൽ സൂപ്പർതാരം നെയ്മർ. ദുരന്തബാധിതരുടെ രക്ഷാപ്രവർത്തനങ്ങൾക്കും അടിയന്തര സഹായങ്ങൾക്കുമായി 2.5 ലക്ഷം യുഎസ് ഡോളർ, ഇന്ത്യൻ രൂപയിൽ ഏകദേശം രണ്ടര കോടിയോളം രൂപയാണ് താരം സംഭാവന ചെയ്തത്. ഇരട്ട ഭൂകമ്പം തകർത്ത വെനസ്വെലയ്ക്ക് കൈത്താങ്ങായി ബ്രസീൽ സൂപ്പർതാരം നെയ്മർ.

ആയിരക്കണക്കിന് കുടുംബങ്ങൾക്ക് ആശ്വാസം

ഭക്ഷണം, കുടിവെള്ളം, താത്കാലിക അഭയകേന്ദ്രങ്ങൾ, മറ്റ് അടിയന്തര സഹായങ്ങൾ എന്നിവ ദുരിതബാധിതരിലെത്തിക്കാനാണ് ഈ തുക വിനിയോഗിക്കുന്നത്. ആയിരക്കണക്കിന് കുടുംബങ്ങൾക്ക് ഈ സഹായം വലിയ ആശ്വാസമാകുമെന്നാണ് വിലയിരുത്തൽ.

“എന്റെ ഹൃദയം വെനസ്വെലയിലെ ജനങ്ങൾക്കൊപ്പമാണ്. എന്റെ സഹായം ദുരിതമനുഭവിക്കുന്ന കുടുംബങ്ങൾക്ക് കരുത്തും പ്രതീക്ഷയും നൽകട്ടെ” എന്നായിരുന്നു നെയ്മറിന്റെ പ്രതികരണം. ഫിഫ ലോകകപ്പിൽ ബ്രസീൽ ടീമിനൊപ്പം ജപ്പാനെതിരായ റൗണ്ട് ഓഫ് 32 മത്സരത്തിനൊരുങ്ങുന്നതിനിടെയാണ് താരം സഹായഹസ്തം നീട്ടിയത്.

റിക്ടർ സ്കെയിലിൽ 7.2, 7.5 തീവ്രത രേഖപ്പെടുത്തിയ ഇരട്ട ഭൂകമ്പങ്ങളാണ് വെനസ്വെലയിൽ വൻ നാശം വിതച്ചത്. പിന്നാലെയുണ്ടായ തുടർചലനങ്ങൾ രക്ഷാപ്രവർത്തനങ്ങൾ കൂടുതൽ ദുഷ്കരമാക്കി. റിപ്പോർട്ടുകൾ പ്രകാരം 1,430-ലധികം പേർ മരിക്കുകയും 3,238-ലധികം പേർക്ക് പരിക്കേൽക്കുകയും ചെയ്തു. 3,100-ലധികം കുടുംബങ്ങൾ ഭവനരഹിതരായി.

വെനസ്വെലയ്ക്ക് സഹായവുമായി വിവിധ രാജ്യങ്ങളും അന്താരാഷ്ട്ര മാനുഷിക സംഘടനകളും രംഗത്തെത്തിയിട്ടുണ്ട്. ഇന്ത്യയും പിന്തുണ പ്രഖ്യാപിച്ച് ‘ഓപ്പറേഷൻ അമിസ്താദ്’ ആരംഭിച്ചു. 66 ടൺ ദുരിതാശ്വാസ സാമഗ്രികൾക്കും പ്രത്യേക മെഡിക്കൽ സംഘത്തിനുമൊപ്പം ഇന്ത്യ ദുരന്തബാധിത മേഖലകളിലേക്ക് സഹായം എത്തിച്ചിരിക്കുകയാണ്.

English Summary : Brazilian football superstar Neymar Jr. has donated $250,000 (approx. ₹2.5 Crore) to aid victims of the devastating twin earthquakes in Venezuela. As the country reels under immense destruction, Neymar's contribution will fund food, clean water, and temporary shelter, providing vital relief to thousands of displaced families while he prepares for Brazil's upcoming World Cup match against Japan.