ബംഗാൾ ഉൾക്കടലിൽ വീണ്ടും ന്യൂനമർദ്ദം രൂപപ്പെട്ടു

വടക്കൻ ബംഗാൾ ഉൾക്കടലിൽ ഇന്ന് പുലർച്ചയോടെ ന്യൂനമർദ്ദം രൂപപ്പെട്ടു. വടക്കൻ ബംഗാൾ ഉൾക്കടലിൽ പടിഞ്ഞാറൻ ബംഗ്ലാദേശ് തീരത്തോട് ചേർന്നാണ് ന്യൂനമർദ്ദം രൂപപ്പെട്ടത്. ന്യൂനമർദ്ദത്തിന്റെ ഭാഗമായി കേരളത്തിൽ എല്ലായിടത്തും ഒറ്റപ്പെട്ട മഴ സാധ്യത.

ഇന്ന് പുലർച്ചെ തെക്കൻ ജില്ലകളിലും വടക്കൻ കേരളത്തിലും മധ്യകേരളത്തിലും മഴ ലഭിച്ചു. എറണാകുളം, കോട്ടയം, കോഴിക്കോട്, പത്തനംതിട്ട ജില്ലകളുടെ കിഴക്കൻ മേഖലകളിൽ അടുത്ത 24 മണിക്കൂറിൽ ഒറ്റപ്പെട്ട ശക്തമായ മഴ സാധ്യതയെന്ന് Metbeat Weather നിരീക്ഷിക്കുന്നു.

പുതിയ ന്യൂനമര്‍ദം കിഴക്കന്‍ സംസ്ഥാനങ്ങളില്‍ കൂടുതല്‍ മഴ നല്‍കും, കേരളത്തില്‍ ആഘോഷ ദിനങ്ങളിലും മഴ സാന്നിധ്യം
New Low-Pressure Area to Bring Heavy Rain to Eastern States; Rainfall Likely in Kerala During Festive Days
https://metbeatnews.com/new-low-pressure-area-to-bring-heavy-rain-to-eastern-states-rainfall-likely-in-k

ഇന്നും നാളെയും വടക്കൻ ജില്ലകളെക്കാൾ കൂടുതൽ മഴ പ്രതീക്ഷിക്കുന്നത് മധ്യകേരളത്തിലും തെക്കൻ ജില്ലകളിലും ആണ്. വടക്കൻ കേരളത്തിൽ കണ്ണൂർ ജില്ലയുടെ കിഴക്കൻ മലയോര മേഖല, വയനാട്, മലപ്പുറം ജില്ലയുടെ കിഴക്കൻ മലയോര മേഖല, കോഴിക്കോട് ജില്ലയുടെ ഇടനാട് കിഴക്കൻ മേഖല എന്നിവിടങ്ങളിൽ വരും ദിവസങ്ങളിൽ ശക്തമായ മഴ സാധ്യത നിലനിൽക്കുന്നു.

അതേസമയം കോട്ടയം, പത്തനംതിട്ട, ഇടുക്കി ജില്ലകളിലും എറണാകുളം ജില്ലയുടെ കിഴക്ക മേഖലയിലും ശക്തമായതോ അതിശക്തമായതോ ആയ മഴ സാധ്യത.

കേന്ദ്ര കാലാവസ്ഥ വകുപ്പ് ഇന്ന് കോഴിക്കോട്, വയനാട് , കണ്ണൂർ കാസർകോട് ജില്ലകളിൽ ശക്തമായ മഴ സാധ്യതയെ തുടർന്ന് മഞ്ഞ അലർട്ട് പ്രഖ്യാപിച്ചു.

English Summary : New Low-Pressure Area Forms Over Bay of Bengal; Heavy Rainfall Expected Across Kerala. A new low-pressure system developed over the Northern Bay of Bengal near the West Bengal–Bangladesh coast early this morning, triggering widespread isolated rain across Kerala.