കേരളത്തിൽ കാണുന്ന തുളസി കൃഷി വഴി അയൽ സംസ്ഥാനങ്ങൾ സമ്പാദിക്കുന്നത് ലക്ഷങ്ങൾ

തുളസി ചെടിയില്ലാത്ത ഹൈന്ദവവീടുകൾ ഇല്ലെന്നു തന്നെ പറയാം.ചില ഹൈന്ദവ വീടുകളിൽ തുളസി തറ ഐൈശ്വര്യത്തിൻ്റെ പ്രതീകമായി കാണുന്നു.ജാതി ഭേതമന്യേ ഔഷധസസ്യമായും തുളസിയെ കാണുന്നു.സത്യം പറഞ്ഞാൽ തുളസിച്ചെടിയെ കുറിച്ചുള്ള മറ്റു സവിശേഷതകളെ കുറിച്ച് മലയാളിക്ക് അറിയില്ല എന്നു തന്നെ പറയാം.കേരളത്തിലെ മിക്ക വീടുകളിലും ലഭ്യമാവുന്ന തുളസിച്ചെടിയുടെ വിപണിമൂല്ല്യം അറിയുന്നവർ കുറവാണ്.വരവും ചിലവും നോക്കി പഴങ്ങളും പച്ചക്കറികളും ആളുകൾ കൃഷിചെയ്യാറുണ്ട്.എന്നാൽ അതുപോലെ തന്നെ ലാഭം കൊയ്യാൻ കഴിയുന്ന കൃഷിയാണ് തുളസിയും.

തുളസിച്ചെടി പ്രധാനമായും കൃഷി ചെയ്യുന്നത് മരുന്നിന്

വെറും രണ്ടേക്കറിൽ തുളസികൃഷിചെയ്താൽ ഒരു ലക്ഷംരൂപ വരെ വരുമാനമുണ്ടാക്കാം.ഇതിനായി ഇരുപതിനായിരം രൂപയിൽ താഴെ മാത്രം മുടക്കിയാൽ മതി.മുതൽ മുടക്ക് കുറവാണെങ്കിലും ഏറെക്കാലം ഒരേ ചെടിയിൽ നിന്ന് ആദായം ലഭിക്കുമെന്നതും തുളസി കൃഷിയുടെ സാധ്യതകൾ വർദ്ധിപ്പിക്കുന്നു.പ്രധാനമായും മരുന്ന് നിമാണത്തിനാണ് തുളസി ഉപയോഗിക്കുന്നത്.വീട്ടിൽതന്നെ കൃഷിചെയ്യാവുന്ന തുളസിച്ചെടിയിൽ നിന്ന് വിത്ത് ശേഖരിച്ച് പാകി മുളപ്പിച്ച് കൃഷി ചെയ്യാം.കേരളത്തിലേക്ക് തുളസി കൂടുതൽ എത്തുന്നത് തമിഴ് നാട്ടിൽ നിന്നാണ്.അതായത് അയൽ സംസ്ഥാനങ്ങൾ ലക്ഷങ്ങളാണ് തുളസി കൃഷിയിലൂടെ സമ്പാദിക്കുന്നത്.

ഇത്രയും വിപണിമൂല്ല്യമുള്ള തുളസി ഇനങ്ങൾ ഇവയാണ്

രാമതുളസി:ഏറ്റവും കൂടുതൽ കൃഷി ചെയ്യുന്ന തുളസിയാണ് രാമതുളസി.സുഗന്ധവും ഔഷധമൂല്ല്യവുമുള്ള തുളസിയാണിത്.കഷായം,ചായ,ഗുളിക എന്നിവ ഉണ്ടാക്കാൻ ഉപയോഗിക്കുന്നു.

കൃഷ്‌ണ തുളസി:ഇലയ്ക്കും തണ്ടിനും ഒരുപാട് ഗുണങ്ങളുള്ള തുളസിയാണിത്.ആയുവേദ കഷായം,ഹർബൽ ഡ്രിങ്ക്‌സ് എന്നിവയിൽ വ്യാപകമായി ഉപയോഗിക്കുന്നു.

വനതുളസി:വനമേഖലകളിൽ വളരുന്ന തുളസിയാണ് വനതുളസി.അതിമനോഹരമായതും ശക്തമായതുമായ സുഗന്ധമാണ് ഇതിൻ്റെ പ്രത്യേകത.ഉണക്കിയ വന തുളസിയുടെ ഇലയ്ക്ക് നല്ല വിപണി വില ലഭിക്കും.തുളസി ചായ,ക്യാപ്സ്യൂൾ,പൗഡർ എന്നിവയിൽ ഉപയോഗിക്കുന്നു.

English Summary:Discover how cultivating Tulsi on just two acres can yield up to one lakh rupees with minimal investment.