സൂപ്പർ എൽ നിനോ ഇന്ത്യയ്ക്ക് ഭീഷണിയാവുന്നു; മാർച്ചിലെ ചൂടിൽ 55,000-ത്തിലേറെ മരണങ്ങൾക്ക് സാധ്യതയെന്ന് റിപ്പോർട്ട്

2026-ൽ പ്രതീക്ഷിക്കുന്ന ‘സൂപ്പർ എൽ നിനോ’ (Super El Niño of 2026)പ്രതിഭാസം ഇന്ത്യയ്ക്ക് കടുത്ത ഭീഷണിയാകുമെന്ന് മുന്നറിയിപ്പ്. എൽ നിനോയുടെ സ്വാധീനത്തിൽ രാജ്യത്ത് താപതരംഗം രൂക്ഷമാകുകയും 55,000-ത്തിലേറെ അധിക മരണങ്ങൾ സംഭവിക്കുകയും ചെയ്യാൻ സാധ്യതയുണ്ടെന്നാണ് റിപ്പോർട്ട്. ‘ക്ലൈമറ്റ് ഇംപാക്ട് ലാബ്’ പുറത്തുവിട്ട ‘എൽ നിനോ ഹീറ്റ് മോർട്ടാലിറ്റി ട്രാക്കർ’(El Niño Heat Mortality Tracker) ആണ് ആശങ്കാജനകമായ കണക്കുകൾ പുറത്തുവിട്ടത്.

ഒക്ടോബർ മുതൽ അടുത്ത മാർച്ച് വരെയുള്ള കാലയളവിൽ ഇന്ത്യയിൽ കടുത്ത ചൂട് മൂലമുള്ള മരണങ്ങൾ ഗണ്യമായി വർധിക്കാമെന്നാണ് റിപ്പോർട്ടിൽ പറയുന്നത്. ഇതിൽ ഭൂരിഭാഗം മരണങ്ങളും മാർച്ചിലായിരിക്കും സംഭവിക്കുകയെന്നും റിപ്പോർട്ട് ചൂണ്ടിക്കാട്ടുന്നു. ആഗോളതലത്തിൽ ഇതേ കാലയളവിൽ ചൂട് കാരണം 3.73 ലക്ഷത്തിലേറെ അധിക മരണങ്ങൾ സംഭവിക്കാമെന്നും കണക്കുകൾ വ്യക്തമാക്കുന്നു.

Super El Niño Threat: ലോകം സൂപ്പർ എൽ നിനോ ഭീതിയിൽ; പസഫിക് സമുദ്രനിരപ്പ് 40 സെന്റീമീറ്റർ വരെ ഉയർന്നു, തീരദേശങ്ങളിൽ പ്രളയഭീഷണി
ഭൂമിയുടെ കാലാവസ്ഥയിൽ വലിയ മാറ്റങ്ങൾ സൃഷ്ടിക്കാവുന്ന സൂപ്പർ എൽ നിനോ പ്രതിഭാസം ശക്തമാകുന്നതായി റിപ്പോർട്ടുകൾ.
https://metbeatnews.com/pacific-sea-levels-rise-by-up-to-40-cm-raising-coastal-flooding-alarms

ലോബൽ സൗത്ത് രാജ്യങ്ങൾക്ക് വൻ ഭീഷണി

നൈജീരിയയിൽ 56,000-ത്തിലേറെ, ഇന്തോനേഷ്യയിൽ 29,000, ബ്രസീലിൽ 19,000 എന്നിങ്ങനെയാണ് പ്രവചിക്കപ്പെടുന്ന അധിക മരണങ്ങൾ. ഗ്ലോബൽ സൗത്ത് രാജ്യങ്ങളിലായിരിക്കും ചൂടിന്റെ ആഘാതം ഏറ്റവും രൂക്ഷമാകുകയെന്നും റിപ്പോർട്ട് മുന്നറിയിപ്പ് നൽകുന്നു. താപതരംഗങ്ങൾ നേരിടാൻ രാജ്യങ്ങൾ മുൻകരുതലുകൾ ശക്തമാക്കണമെന്ന മുന്നറിയിപ്പാണ് പുതിയ റിപ്പോർട്ട് നൽകുന്നത്.

പസഫിക് സമുദ്രത്തിലെ മധ്യ-കിഴക്കൻ ഇക്വറ്റോറിയൽ മേഖലയിലെ ഉപരിതല ജലം അസാധാരണമായി ചൂടുപിടിക്കുന്ന പ്രതിഭാസമാണ് എൽ നിനോ. ഈ വർഷം സമുദ്രോപരിതല താപനിലയിൽ 3.08 ഡിഗ്രി സെൽഷ്യസിന്റെ വർധനവ് രേഖപ്പെടുത്തിയതായും റിപ്പോർട്ടിൽ പറയുന്നു.

El Nino : എൽ നിനോ; ചൂടുകാലം വരുന്നു, 2027 ൻ്റെ തുടക്കത്തിൽ ചൂട് കൂടുമെന്ന് പഠനം
എൽ നീനോ പ്രതിഭാസവും ഉയർന്നുവരുന്ന ആഗോള താപനിലയും കാരണം 2027 ഫെബ്രുവരി മുതൽ ഇന്ത്യയിൽ വേനൽച്ചൂട് ആരംഭിച്ചേക്കുമെന്ന് കാലാവസ്ഥാ പഠന സംഘടനയായ ക്ലൈമറ്റ്
https://metbeatnews.com/extreme-summer-heat-wave-and-water-crisis-predicted-for-early-2027

വരൾച്ചയ്ക്കും വെള്ളപ്പൊക്കത്തിനും സാധ്യത

1950-ന് ശേഷമുള്ള ഏറ്റവും ശക്തമായ എൽ നിനോ പ്രതിഭാസങ്ങളിലൊന്നായിരിക്കും വരാനിരിക്കുന്നതെന്നാണ് ലോക കാലാവസ്ഥാ സംഘടനയുടെ മുന്നറിയിപ്പ്. ആഗോളതലത്തിൽ വരൾച്ച, വെള്ളപ്പൊക്കം, ചുഴലിക്കാറ്റ് തുടങ്ങിയ തീവ്ര കാലാവസ്ഥാ സംഭവങ്ങൾക്കും ഇത് കാരണമായേക്കാം.

മുംബൈ പോലുള്ള വൻനഗരങ്ങളിൽ വായുമലിനീകരണം വർധിക്കാനും എൽ നിനോ സാഹചര്യമൊരുക്കിയേക്കുമെന്ന് കാലാവസ്ഥാ വിദഗ്ധർ ചൂണ്ടിക്കാട്ടുന്നു. കാറ്റിന്റെ വേഗം കുറയുന്നതോടെ മലിനവായു അന്തരീക്ഷത്തിൽ തങ്ങിനിൽക്കാനുള്ള സാധ്യതയാണ് ഇതിന് കാരണം.

English Summary : A alarming new report from the Climate Impact Lab's "El Niño Heat Mortality Tracker" warns that the expected Super El Niño of 2026 poses a severe threat to India. The phenomenon is projected to trigger intense heatwaves across the country, potentially leading to over 55,000 excess heat-related deaths, with the highest spike anticipated in March.