Live NASA’s Artemis II Crew Flies Around the Moon:
ആര്‍ട്ടെമിസ് ചന്ദ്രമണ്ഡലത്തില്‍, ലൈവ് ദൃശ്യങ്ങള്‍ കാണാം

അപ്പോളോ 13 ദൗത്യത്തിന് 56 വര്‍ഷത്തിനു ശേഷം ചന്ദ്രനിലേക്കുള്ള മനുഷ്യ ദൗത്യമായ ആര്‍ട്ടെമിസ് 2 ഇന്ന് ചന്ദ്രന്റെ ഭ്രമണപഥത്തില്‍ എത്തി. ചന്ദ്രനെ ചുറ്റി ഭൂമിയില്‍ നിന്ന് ഏറ്റവും അകലെയുള്ള ദൂരം 2,52,757 മൈല്‍ എത്തിയ ശേഷം ആര്‍ട്ടെമിസ് 2 ഭൂമിയിലേക്കുള്ള മടക്കയാത്ര തുടങ്ങും.

ചന്ദ്രന്റെ ഭൂമിയില്‍ നിന്ന് കാണാന്‍ കഴിയാത്ത മറുഭാഗത്ത് പേടകം എത്തുന്നതോടെ 40 മിനുട്ട് ഭൂമിയിലെ മിഷന്‍ കണ്‍ട്രോളില്‍ നിന്ന് പേടകവുമായുള്ള വാര്‍ത്താവിനിമയ ബന്ധം നഷ്ടപ്പെടും. പേടകത്തില്‍ നിന്ന് ഭൂമിയിലേക്കുള്ള സിഗ്നല്‍ എത്താന്‍ ചന്ദ്രന്റെ പ്രതലം തടസ്സം സൃഷ്ടിക്കുന്നത് കൊണ്ടാണിത്.

ഇന്ത്യന്‍ സമയം ചൊവ്വാഴ്ച (07/04/26 പുലര്‍ച്ചെ 5.35 ന് ഭൂമിയില്‍ നിന്നുള്ള ഏറ്റവും അകലെയുള്ള ദൂരത്തില്‍ പേടകം എത്തും. അപ്പോളോ 13 പേടകത്തിലെ സഞ്ചാരികള്‍ സഞ്ചരിച്ചതിനേക്കാള്‍ 4,100 മൈല്‍ കൂടുതല്‍ ആര്‍ട്ടെമിസ് 2 സഞ്ചാരികള്‍ യാത്ര ചെയ്യും എന്നതാണ് സവിശേഷത.

ചന്ദ്രന്റെ ഭ്രമണപഥത്തില്‍ ഇപ്പോള്‍ സഞ്ചരിക്കുന്ന ഒറിയോണ്‍ പേടകം Artemis II flyby ഇന്ന് (06/04/26) ഇന്ത്യന്‍ സമയം രാത്രി 10.30 മുതല്‍ ആര്‍ട്ടെമിസ് സഞ്ചാരികള്‍ ചന്ദ്രനെ പേടകത്തില്‍ നിന്ന് നിരീക്ഷിക്കും. ഇതിന്റെ തല്‍സമയ ദൃശ്യങ്ങള്‍ താഴെ കൊടുത്ത പ്ലേ വിന്റോയില്‍ കാണാം.

10 ദിവസം കൊണ്ട് ചന്ദ്രനെ ചുറ്റി ഭൂമിയിലെത്തും

10 ദിവസത്തെ ദൗത്യത്തിനായാണ് നാലു സഞ്ചാരികളുമായി ആര്‍ട്ടെമിസ് 2 ദൗത്യത്തിലെ ഒറിയോണ്‍ ക്യാപ്‌സ്യൂള്‍ 32 നില കെട്ടിടത്തിന്റെ ഉയരമുള്ള (98 മീറ്റര്‍) റോക്കറ്റില്‍ ഏപ്രില്‍ 2 ന് ഫ്‌ളോറിഡയിലെ കെന്നഡി സ്‌പേസ് സെന്ററില്‍ നിന്ന് കുതിച്ചുയര്‍ന്നത്. സ്‌പേസ് ലോഞ്ച് സിസ്റ്റം (എസ്.എല്‍.എസ്) റോക്കറ്റാണ് വിക്ഷേപണത്തിന് ഉപയോഗിച്ചത്.

ഭൂമിയില്‍ നിന്ന് കാണാത്ത ചന്ദ്രന്റെ ദക്ഷിണ ധ്രുവത്തിനു മുകളില്‍ ചുറ്റി പേടകം ഭൂമിയില്‍ തിരിച്ചെത്തും വിധമാണ് ആര്‍ട്ടെമിസ് 2 ദൗത്യം. സഞ്ചാരികള്‍ ചന്ദ്രനില്‍ ഇറങ്ങാതെ ചന്ദ്രന്റെ ഭ്രമണപഥത്തില്‍ സഞ്ചരിച്ചു ഭൂമിയില്‍ തിരിച്ചിറങ്ങും. ചന്ദ്രന്റെ ഉപരിതലത്തില്‍ നിന്ന് 7,500 കി.മി ഉയരത്തില്‍ വരെ പേടകം എത്തും. നമുക്ക് ഇത് വലിയ ദൂരമായി തോന്നുമെങ്കിലും സ്‌പേസില്‍ 7,500 കി.മി എന്നത് ചെറിയ ദൂരമാണ്.

1972 ന് ശേഷം ആദ്യമായാണ് മനുഷ്യന്‍ ചന്ദ്രന്റെ ഭ്രമണപഥത്തിലേക്ക് പോകുന്നത്. വിക്ഷേപിച്ച് ആറാം ദിനമാണ് ചന്ദ്രന്റെ ഭ്രമണപഥത്തില്‍ മനുഷ്യരെ വഹിച്ചുള്ള ഒറിയോണ്‍ ഇന്ന് എത്തിയത്. ഭൂമിയില്‍ നിന്ന് ഏറ്റവും അകലെയുള്ള ദൂരത്തിലെത്തിയ ശേഷം നാളെ (ചൊവ്വ) മടക്കയാത്ര തുടങ്ങും. ഏപ്രില്‍ 10 ന് പേടകം പസഫിക് സമുദ്രത്തില്‍ തിരിച്ചിറങ്ങും.

നാലു സഞ്ചാരികളാണ് ദൗത്യത്തിന്റെ ഭാഗമായി പേടകത്തിലുള്ളത്. കമാന്‍ഡര്‍ റെയ്ഡ് വൈസ്മാന്‍, പൈലറ്റ് വിക്ടര്‍ ഗ്ലോവര്‍, മിഷന്‍ സ്‌പെഷലിസ്റ്റ് ക്രിസ്റ്റിന കോച്, ജെറേമി ഹാന്‍സെന്‍ എന്നവരാണ് സംഘത്തിലുള്ളത്. പേടകത്തില്‍ അഞ്ചാമത്തെ എട്ടുവയസുകാരന്‍ ലൂകാസ് യെ തുന്നിയുണ്ടാക്കിയ ഒരു കളിപ്പാട്ടവും അഞ്ചാമത്തെ അംഗമായുണ്ട്.

ബഹിരാകാശത്ത് എത്തിയാല്‍ സീറോ ഗ്രാവിറ്റി സൂചകമായി ഈ കളിപ്പാവ പ്രവര്‍ത്തിക്കും. ഭാരമില്ലാത്ത അവസ്ഥയിലേക്ക് പേടകം എത്തിയെന്ന് ഇതു കണ്ട് സഞ്ചാരികള്‍ക്ക് ഉറപ്പിക്കാം. ഇത്തവണ മനുഷ്യര്‍ ചന്ദ്രന്റെ മണ്ണില്‍ ഇറങ്ങാതെ പേടകം ദക്ഷിണ അര്‍ധഗോളത്തിലെത്തി തിരികെ വരും

ആര്‍ട്ടെമിസ് 3 വിക്ഷേപിക്കാനുള്ള തിയതി നാസ പുറത്തുവിട്ടിട്ടില്ല. 1972 ന് ശേഷം ആദ്യമായി മനുഷ്യനെ ചന്ദ്രോപരിതലത്തില്‍ ഇറക്കുന്നതാണ് ഈ പദ്ധതി. ആര്‍ട്ടെമിസ് രണ്ട് ദൗത്യത്തിന് 9300 കോടി ഡോളറാണ് ചെലവ്. 2012 മുതല്‍ 2025 ലാണ് നിര്‍മാണവും ഗവേഷണവും നടന്നത്.

English Summary : NASA’s Artemis II mission has successfully reached lunar orbit, marking the first time humans have returned to the Moon's vicinity in over five decades. Carrying a crew of four, the Orion spacecraft is set to break the record for the farthest distance from Earth traveled by a crewed vehicle—surpassing the legendary Apollo 13 mission by approximately 4,100 miles.