കേരളത്തിൽ ന്യൂനമർദത്തെത്തുടർന്ന് കനത്ത മഴയുടെ സാഹചര്യത്തിലും സംസ്ഥാനത്ത് ഇന്നലെ രാവിലെ ഉണ്ടായിരുന്നത് മഞ്ഞ അലർട്ട് മാത്രം. ബംഗാൾ ഉൾക്കടലിൽ ന്യൂനമർദ്ദം രൂപപ്പെട്ട ഇന്നലെ മുതൽ അറബിക്കടലിലും ബംഗാൾ ഉൾക്കടലിലും കന്യാകുമാരി കടലിലും മേഘ രൂപീകരണം ശക്തിപ്പെട്ടിരുന്നു. എന്നാൽ കാലാവസ്ഥ പ്രവചന മാതൃകകളിൽ, കേരളത്തിൽ കനത്ത മഴ കാണിച്ചതുമില്ല.

Weather Keralam 20/09/26 : ന്യൂനമർദ്ദം തെക്കൻ ജില്ലകളിൽ മഴ തുടങ്ങി
A low-pressure system that formed over the Andaman Sea has triggered rainfall across southern Kerala, with showers reported from Ernakulam southward
https://metbeatnews.com/low-pressure-brings-rain-to-southern-kerala-cyclone-arnab-likely-to-form-by-sept

ന്യൂനമർദ്ദത്തെ തുടർന്ന് സെപ്റ്റംബർ 20 ന് ശേഷം മഴ ശക്തിപ്പെടുമെന്ന് നേരത്തെ സൂചനയുണ്ടായിരുന്നെങ്കിലും ഇന്നലെ രാവിലെ കോട്ടയം, ഇടുക്കി, എറണാകുളം എന്നീ 3 ജില്ലകളിൽ മാത്രമാണ് കേന്ദ്ര കാലാവസ്ഥാ വകുപ്പ് യെല്ലോ അലർട്ട് പ്രഖ്യാപിച്ചിരുന്നത്.

രാവിലെ മുതൽ തെക്കൻ ജില്ലകളിൽ മഴ സജീവമാകുകയും ഉച്ചയോടെ ഇടുക്കിയിലും കോട്ടയത്തും തുടർച്ചയായി മൂന്ന് മണിക്കൂർ കനത്ത മഴ പെയ്യുകയും പെയ്തിട്ടും അലർട്ടിൽ മാറ്റം വന്നില്ല. പകരം തിരുവനന്തപുരം, പത്തനംതിട്ട, വയനാട്, കണ്ണൂർ ജില്ലകളിലേക്ക് കൂടി യെല്ലോ അലർട്ട് വ്യാപിപ്പിക്കുകയാണ് ചെയ്തത്.

വൈകുന്നേരത്തോടെ വടക്കൻ ജില്ലകളിലും മഴ കനത്തു. തുടർന്ന് കോട്ടയം, ഇടുക്കി ജില്ലകളിൽ നിന്നും രാത്രിയോടെ മലപ്പുറത്ത് നിന്നും ഉരുൾപൊട്ടൽ അടക്കമുള്ള ദുരന്തവാർത്തകൾ പുറത്തുവന്നു.

വിവിധയിടങ്ങളിൽ നാശനഷ്ടങ്ങൾ റിപ്പോർട്ട് ചെയ്ത ശേഷമാണ്, രാത്രി 9 മണിയോടെ കാലാവസ്ഥാ വകുപ്പ് കോട്ടയത്തും ഇടുക്കിയിലും ഓറഞ്ച് അലർട്ട് പ്രഖ്യാപിച്ചത്.

അതേസമയം, ഇന്ന് (തിങ്കൾ) ഒരു ജില്ലയിലും കേന്ദ്ര കാലാവസ്ഥാ വകുപ്പ് മഴ മുന്നറിയിപ്പ് നൽകിയിട്ടില്ല. എന്നാൽ സെപ്റ്റംബർ 20-ഓടെ ന്യൂനമർദം കൂടുതൽ ശക്തി പ്രാപിച്ച് തീവ്രന്യൂനമർദമാകുമെന്നും, കരകയറുന്നതിന് മുൻപ് ചുഴലിക്കാറ്റായി മാറാൻ സാധ്യതയുണ്ടെന്നും സ്കൈമെറ്റ് വെതർ , മെറ്റ്ബീറ്റ് വെതർ ഉൾപ്പെടെയുള്ള സ്വതന്ത്ര കാലാവസ്ഥാ നിരീക്ഷകരും സ്വകാര്യ ഏജൻസികളും വ്യക്തമാക്കുന്നു.

സെപ്റ്റംബർ 23 വരെ കേരളത്തിൽ ശക്തമായ മഴ തുടരാൻ സാധ്യതയുണ്ടെന്നാണ് സ്വതന്ത്ര കാലാവസ്ഥാ നിരീക്ഷകരുടെ പ്രവചനം.

English Summary : Late Weather Alerts Prompt Criticism as Severe Rain Causes Disasters Across Kerala. Despite earlier indications that rainfall would intensify following a low-pressure system, India Meteorological Department (IMD) issued only mild yellow alerts for three districts initially.