ആലിപ്പഴ വർഷവും ശക്തമായ കാറ്റും അനുഭവപ്പെടുന്ന സമയങ്ങളിൽ പുറത്തിറങ്ങുന്നവർ പ്രാദേശിക അധികാരികളുടെ സുരക്ഷാ നിർദേശങ്ങൾ കർശനമായി പാലിക്കണമെന്ന് എൻ.സി.എം അറിയിച്ചു.

നിലവിൽ മണിക്കൂറിൽ 10 മുതൽ 20 കിലോമീറ്റർ വരെ വേഗത്തിലാണ് കാറ്റ് വീശുന്നത്. എന്നാൽ ചില സമയങ്ങളിൽ ഇത് 30 കിലോമീറ്റർ വരെ ശക്തമാകാം. ശനി, ഞായർ ദിവസങ്ങളിൽ കാറ്റിന്റെ വേഗത മണിക്കൂറിൽ 35 കിലോമീറ്റർ വരെ ഉയരാൻ സാധ്യതയുണ്ടെന്നും അധികൃതർ അറിയിച്ചു.

കടുത്ത ചൂട് തുടരുന്ന സാഹചര്യത്തിൽ പകൽ സമയങ്ങളിൽ നേരിട്ട് സൂര്യപ്രകാശത്തിൽ ദീർഘനേരം ചെലവഴിക്കുന്നത് ഒഴിവാക്കണം. ആവശ്യത്തിന് വെള്ളം കുടിക്കുക, നിർജലീകരണം (Dehydration) ഒഴിവാക്കുക

ഇന്ന് രാജ്യത്ത് പൊതുവെ തെളിഞ്ഞ ആകാശമായിരിക്കും അനുഭവപ്പെടുക. ചില പ്രദേശങ്ങളിൽ നേരിയതോ മിതമായതോ ആയ കാറ്റ് വീശും. ഉൾനാടൻ മേഖലകളിൽ ചൂട് കൂടുതൽ അനുഭവപ്പെടുമെന്നാണ് പ്രവചനം.

രാജ്യത്തെ പ്രധാന നഗരങ്ങളായ അബുദാബി (Abu Dhabi)യിൽ 42 ഡിഗ്രി സെൽഷ്യസും ദുബായ് (Dubai) യിൽ 40 ഡിഗ്രി സെൽഷ്യസും വരെ താപനില ഉയരുമെന്നാണ് കാലാവസ്ഥാ കേന്ദ്രത്തിന്റെ വിലയിരുത്തൽ.