ഇന്ന് കേരളത്തിൽ വിവിധ ജില്ലകളിൽ ഇടത്തരം മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. എല്ലാ ജില്ലകളിലും ഇന്ന് പച്ച അലർട്ട് ആണ് നൽകിയത്. ഇന്നലെ ഇടുക്കി, പത്തനംതിട്ട ജില്ലകളിൽ മഞ്ഞ അലർട്ട് നൽകിയിരുന്നു.

അതേസമയം ഇടിയോടുകൂടിയുള്ള മഴ ശ്രീലങ്ക, തമിഴ്നാട് ഉൾപ്പെടെയുള്ള മേഖലകളിൽ ഇന്നുമുതൽ കണ്ടു തുടങ്ങുമെന്ന് Metbeat Weather അഭിപ്രായപ്പെടുന്നു. തെക്കൻ തമിഴ്നാട്ടിലും തെക്കൻ കേരളത്തിലും ഇന്ന് വൈകിട്ട് മഴ സാധ്യത. തിരുവനന്തപുരം, കൊല്ലം ഉൾപ്പെടെയുള്ള ജില്ലകളിലാണ് വൈകിട്ടും രാത്രിയും ഒറ്റപ്പെട്ട മഴ സാധ്യത ഉള്ളത്. തമിഴ്നാടിന്റെ തെക്കൻ ജില്ലകളിലും മഴ ലഭിക്കും.

ഇന്നലെ തമിഴ്നാട്ടിൽ വ്യാപകമായി ഇടിയോടുകൂടിയുള്ള മഴ ലഭിച്ചിരുന്നു. ഇന്ന് വടക്കൻ തമിഴ്നാട്ടിൽ ചെന്നൈ ഉൾപ്പെടെയുള്ള മേഖലകളിലും മഴ സാധ്യതയുണ്ട്. ശ്രീലങ്കയിൽ ഇന്നും നാളെയും എല്ലാ ഭാഗങ്ങളിലും ഇടിയോടുകൂടി മഴ വൈകിട്ട് ഉണ്ടാകും.

വരുംദിവസങ്ങളിലും തമിഴ്നാട്, ശ്രീലങ്ക തുടങ്ങിയ മേഖലകളിൽ ഇടിയോടുകൂടിയുള്ള മഴ സാധ്യതയുണ്ട്. കേരളത്തിലും ഒറ്റപ്പെട്ട പ്രദേശങ്ങളിൽ മഴ ലഭിച്ചേക്കും . കാലവർഷം വിടവാങ്ങാത്തതിനാൽ എല്ലാവർഷം എത്താൻ അടുത്ത മാസം പകുതിയെങ്കിലും ആകും. കാലവർഷം കേരളത്തിൽ നിന്നാണ് പൂർണമായി വിടവാങ്ങുന്നത്.

അതിനുശേഷം മാത്രമേ തുലാവർഷം എത്തുകയുള്ളൂ. കേരളത്തിൽ മഴ വിട്ടു നിന്നതോടെ ചൂടുകൂടിയിട്ടുണ്ട്. ഇന്നും ചൂടുകൂടും. പലയിടങ്ങളിലും ഇന്ന് ഭാഗികമായ മേഘാവൃതം ഉണ്ടാകും. നേരിട്ട് വെയിൽ കൊള്ളുന്നവർ കൂടുതൽ വെള്ളം കുടിക്കണം.

കാലാവസ്ഥാ തൽസമയം അറിയാനും അടുത്ത 15 ദിവസം വരെയുള്ള കാലാവസ്ഥ അറിയാനും ഞങ്ങളുടെ forecast website ആയ metbeat.com ൽ അക്കൗണ്ട് രജിസ്റ്റർ ചെയ്യുക. എല്ലാ പ്രീമിയം അക്കൗണ്ടുകളും ഇപ്പോൾ സൗജന്യമായി ഉപയോഗിക്കാം.

English Summary : Moderate Rainfall Expected in Kerala Amid Rising Temperatures; Thunderstorms Predicted Across South India and Sri Lanka. The India Meteorological Department (IMD) has issued a green alert for all districts in Kerala today.