കേരളത്തിലെ അപ്രതീക്ഷിത മഴ; മേഘവിസ്ഫോടനമല്ല, ഉയർന്ന താപനിലയും ന്യൂനമർദ്ദവുമെന്ന് കാലാവസ്ഥാവകുപ്പ്

കേരളത്തിൽ ഇന്നലെ ശക്തമായ മഴയാണ് പലജില്ലകളിലും അനുഭവപ്പെട്ടത്. മലവെള്ളപ്പാച്ചിലും, മണ്ണിടിച്ചിലും ജീവഹാനിക്കും നാശനഷ്‌ടങ്ങൾക്കും വരെ കാരണമായി. ഈ ശക്തമായ അപ്രതീക്ഷിത മഴയ്ക്കും മലവെള്ളപ്പാച്ചിലിനും കാരണം മേഘവിസ്ഫോടനം (Cloudburst) അല്ലെന്ന് വ്യക്തമാക്കുകയാണ് തിരുവനന്തപുരം കാലാവസ്ഥാ കേന്ദ്രം. ചെറിയ പ്രദേശത്ത് കുറഞ്ഞ സമയത്തിനുള്ളിൽ അതിശക്തമായ മഴ ലഭിച്ചതാണ് നിലവിലെ സാഹചര്യത്തിന് കാരണമെന്ന് ഐഎംഡി തിരുവനന്തപുരം ഡയറക്ടർ നിത കെ. ഗോപാൽ പറയുന്നു.

ന്യൂനമർദ്ദവും ഉയർന്ന താപനിലയും

സംസ്ഥാനത്ത് ശക്തമായ മഴ ഉണ്ടാകാൻ പ്രധാന കാരണമായത് അന്തരീക്ഷ താപനില ഉയർന്നുനിൽക്കുന്നതും ബംഗാൾ ഉൾക്കടലിലും അറബിക്കടലിലും ന്യൂനമർദ്ദ സാന്നിധ്യമുള്ളതുമാണ്. ഇതിന്റെ ഫലമായി വരും ദിവസങ്ങളിലും ചെറിയ പ്രദേശങ്ങളിൽ പെട്ടെന്ന് ശക്തമായ മഴ ലഭിക്കാൻ സാധ്യതയുണ്ടെന്നാണ് കാലാവസ്ഥാ കേന്ദ്രത്തിന്റെ മുന്നറിയിപ്പ്.

മേഘവിസ്ഫോടനമെന്ന് പറയാൻ തക്ക അളവിൽ മഴ രേഖപ്പെടുത്തിയിട്ടില്ലെന്നും പരിമിതമായ പ്രദേശങ്ങളിൽ കുറഞ്ഞ സമയത്തിനുള്ളിൽ വലിയ തോതിൽ മഴ ലഭിക്കുന്ന പ്രവണത കേരളത്തിൽ ഇപ്പോൾ പതിവാകുകയാണെന്നും നിത കെ. ഗോപാൽ വ്യക്തമാക്കി.

Malappuram Flash Flood : നൂറിലേറെ പേർ കുളിക്കുന്നു, നീന്തുന്നു നാട്ടുകാരുടെ ഇടപെടലിൽ മഴവെള്ളപ്പാച്ചിലിൽ രക്ഷപ്പെട്ടത് ഒട്ടേറെ ജീവനുകൾ
മലപ്പുറം ടികെ കോളനിയിലെ കോട്ടപ്പുഴയിലുണ്ടായ അപ്രതീക്ഷിത മലവെള്ളപ്പാച്ചിലിൽ നാട്ടുകാരുടെ സമയോചിതമായ ഇടപെടലിൽ രക്ഷപ്പെട്ടത് നിരവധി ജീവനുകൾ.
https://metbeatnews.com/locals-save-over-100-lives-after-sudden-deluge

ജാഗ്രത പാലിക്കുക

മലയോര മേഖലകളിൽ കൂടുതൽ ജാഗ്രത ശക്തമാക്കണം. അപ്രതീക്ഷിത മഴയ്ക്കൊപ്പം മലവെള്ളപ്പാച്ചിലിനും സാധ്യതയുള്ളതിനാൽ പൊതുജനങ്ങളും പ്രാദേശിക ഭരണകൂടങ്ങളും മുൻകരുതൽ സ്വീകരിക്കണമെന്നും ഐഎംഡി നിർദേശിച്ചു.

English Summary : The Meteorological Department (IMD) has clarified that the recent severe and unexpected rainfall across Kerala is not a cloudburst, but rather a result of rising temperatures and low-pressure systems over the seas. Read the official advisory, weather forecasts, and safety