കേരളത്തിൽ മഴയുടെ ഇടവേളക്ക് ശേഷം വീണ്ടും മഴ സാധ്യത. ബംഗാൾ ഉൾക്കടലിൽ ചക്രവാത ചുഴി (cyclonic circulation) രൂപപ്പെട്ടു. ഇത് ശക്തിപ്പെട്ട് വരും ദിവസങ്ങളിൽ ന്യൂനമർദ്ദം ആകും. തുടർന്ന് കേരളത്തിൽ ഈ മാസം 19ന് ശേഷം മഴ ലഭിക്കും. 

കേരളം ഉൾപ്പെടെയുള്ള സംസ്ഥാനങ്ങളിൽ അടുത്ത ദിവസങ്ങളിൽ ഇടിമിന്നലോടുകൂടിയ മഴക്കും മണിക്കൂറിൽ 40 മുതൽ 50 കിലോമീറ്റർ വരെ വേഗതയിൽ കാറ്റിനും സാധ്യതയുണ്ട്.

തമിഴ്നാട്, ആന്ധ്രാപ്രദേശ്, കര്‍ണാടക, കേരളം എന്നിവിടങ്ങളിൽ അടുത്ത ദിവസങ്ങളിൽ വ്യാപകമായ മഴയ്ക്ക് സാധ്യത ഉയർന്നിട്ടുണ്ട്. തീരപ്രദേശങ്ങളിൽ ശക്തമായ കാറ്റിനും കടൽക്ഷോഭത്തിനും സാധ്യതയുള്ളതിനാൽ മത്സ്യത്തൊഴിലാളികൾക്ക് ജാഗ്രത നിർദേശവും നൽകിയിട്ടുണ്ട്.

Due to the strengthening low-pressure system, intense cloud formation and active cyclonic circulation have developed across the Bay of Bengal region.

കേരളം ഉൾപ്പെടെയുള്ള ദക്ഷിണേന്ത്യൻ സംസ്ഥാനങ്ങളിൽ മഴയുടെ വ്യാപ്തി കൂടാനിടയുണ്ട്. പ്രത്യേകിച്ച് ഉച്ചയ്ക്ക് ശേഷവും രാത്രിയോടെയും ഇടിമിന്നലോട് കൂടിയ മഴ ശക്തമാകാനാണ് സാധ്യത.

സംസ്ഥാനത്ത് ഇന്നും അടുത്ത ദിവസങ്ങളിലും മഴയ്ക്ക് സാധ്യത തുടരുന്നുണ്ട്. എന്നാൽ മഴ എല്ലാ ജില്ലകളിലും ഒരേസമയം ലഭിക്കണമെന്നില്ല. ചില മേഖലകളിൽ ശക്തമായ മഴ ലഭിക്കുമ്പോൾ മറ്റുചില ഇടങ്ങളിൽ മഴ കുറവായിരിക്കാം.

കേരളത്തിൽ ഇതിനകം തന്നെ വേനൽമഴ (Summer Rain) ശക്തമായ സാഹചര്യത്തിൽ, പുതിയ ന്യൂനമർദ്ദത്തിന്റെ സ്വാധീനത്തോടെ മഴ കൂടുതൽ വ്യാപിക്കാനാണ് സാധ്യത.