സൗദി അറേബ്യയിൽ ചൂട് കുറഞ്ഞു; 130ലേറെ പാർക്കുകൾ ജനങ്ങൾക്കായി തുറന്നു

കടുത്ത ചൂടിൽ നിന്നും സൗദി അറേബ്യയ്ക്ക് ഏറെക്കുറേ മോക്ഷം ലഭിച്ചിരിക്കുന്നു. ഇനിയുള്ള ദിവസങ്ങൾ സൗദിക്ക് കൂടുതൽ സുഖമുള്ള കാലാവസ്ഥയായിരിക്കും. താപനിലയിൽ ഗണ്യമായ കുറവുണ്ടായതോടെ സൗദി അറേബ്യയുടെ ഉത്തര അതിർത്തി മേഖലയിലെ 130ലേറെ പാർക്കുകളും ഉദ്യാനങ്ങളും ജനങ്ങൾക്ക് സന്ദർശനത്തിനായി തുറന്നു കൊടുത്തു.

സന്ദർശകരുടെ തിരക്ക് കൂടി

കാലാവസ്ഥ മെച്ചപ്പെട്ടതോടെ പാർക്കുകളിലും ഉദ്യാനങ്ങളിലും വൈകുന്നേരമായാൽ സന്ദർശകരുടെ തിരക്കാണ്. സുഖമുള്ള കാലാവസ്ഥ ആസ്വദിക്കാൻ നിരവധി പേരാണ് ഇവിടേക്ക് എത്തുന്നത്. ഇവിടെ സന്ദർശകരെ കൂടുതലും ആകർഷിക്കുന്നത് പച്ചപ്പു നിറഞ്ഞ പ്രദേശങ്ങൾ ആണ്. മാത്രമല്ല വിനോദകേന്ദ്രങ്ങൾ, നടപ്പാതകൾ എന്നിവയും സന്ദർശകരെ ആകർഷിക്കുന്നു.

Uae Weather : യുഎഇയിൽ ഇന്നും ചൂട് കൂടും; താപനില 46 ഡിഗ്രി വരെ ഉയരും
യുഎഇയിൽ ശക്തമായ ചൂട് തുടരുകയാണ്. ഇന്ന് 46 ഡിഗ്രി സെൽഷ്യസ് ചൂട് ഉയരുമെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകി.
https://metbeatnews.com/temperatures-to-hit-as-heatwave-continues

അറ്റകുറ്റപണികൾ ആരംഭിച്ചു

കാലാവസ്ഥ അനുകൂലമായതോടെ സന്ദർശകരുടെ തിരക്കുകാരണം പാർക്കുകളുടെ സൗകര്യങ്ങൾ മെച്ചപ്പെടുത്തുന്നതിനും സുഗമമായ പ്രവർത്തനം ഉറപ്പാക്കുന്നതിനുമായി മുൻസിപ്പാലിറ്റി നവീകരണ, അറ്റകുറ്റപ്പണി പ്രവർത്തനങ്ങൾ ആരംഭിച്ചിട്ടുണ്ട്. നടപ്പാതകൾ, ലൈറ്റുകൾ, പച്ചപ്പുള്ള ഇടങ്ങൾ, കുട്ടികളുടെ കളിസ്ഥലങ്ങൾ, വിവിധ കായിക സൗകര്യങ്ങൾ എന്നിവ ഇതിനകം സജ്ജീകരിച്ചിട്ടുണ്ട്.

പാർക്കുകളിലേക്ക് ജനങ്ങൾ ഒഴുകിയെത്തുന്നു

നീണ്ട ഉഷ്ണകാലത്തിന് ശേഷം കാലാവസ്ഥയിലെ മാറ്റം ആസ്വദിക്കാൻ പാർക്കുകളിലേക്കുള്ള ജനങ്ങളുടെ വരവ് ഗണ്യമായി വർധിപ്പിച്ചതായി മുൻസിപ്പാലിറ്റി ഔദ്യോഗിക വക്താവ് മുഹമ്മദ് ബിൻ സബ്തി പറഞ്ഞു. വിശാലമായ പച്ചപ്പുകൾ, ഇരിപ്പിടങ്ങൾ, നടപ്പാതകൾ, കുട്ടികൾക്കുള്ള കളിയുപകരണങ്ങൾ, കളിസ്ഥലങ്ങൾ, കായിക സൗകര്യങ്ങൾ എന്നിവ സന്ദർശകർക്കായി ഒരുക്കിയിട്ടുണ്ട്. പൊതുജനങ്ങളുടെ ജീവിതനിലവാരം മെച്ചപ്പെടുത്തുന്നതിനും ശാരീരിക പ്രവർത്തനങ്ങൾ പ്രോത്സാഹിപ്പിക്കുന്നതിനും ഒഴിവുസമയം തുറന്ന അന്തരീക്ഷത്തിൽ ആസ്വദിക്കുന്നതിനും ഈ സൗകര്യങ്ങൾ സഹായകരമാണെന്നും അദ്ദേഹം കൂട്ടിച്ചേർത്തു.

English Summary: Saudi Arabia is experiencing relief from intense summer heat, transitioning into cooler and more comfortable weather. In response to the drop in temperatures, authorities in the Northern Borders Region have reopened over 130 public parks, green spaces, and gardens to accommodate the surge of residents and visitors enjoying outdoor activities during evenings.