അടുത്ത രണ്ടോ മൂന്നോ ദിവസത്തിനുള്ളിൽ 7 വരെ തീവ്രതയുള്ള ഭൂചലനങ്ങൾ വീണ്ടും ഉണ്ടായേക്കാമെന്ന് ജപ്പാൻ കാലാവസ്ഥാ ഏജൻസി (Japan Meteorological Agency - JMA) മുന്നറിയിപ്പ് നൽകി.

ലോകത്തിലെ ഏറ്റവും സജീവമായ ഭൂകമ്പ മേഖലകളിലൊന്നായ പസഫിക് റിങ് ഓഫ് ഫയർ (Pacific Ring of Fire) മേഖലയിലാണ് ജപ്പാൻ സ്ഥിതിചെയ്യുന്നത്. അതിനാൽ ശക്തമായ ഭൂചലനങ്ങൾക്ക് പിന്നാലെ തുടർചലനങ്ങൾ ഉണ്ടാകാനുള്ള സാധ്യത തള്ളിക്കളയാനാകില്ലെന്ന് അധികൃതർ മുന്നറിയിപ്പ് നൽകി.

ശക്തമായ ഭൂചലനമായിരുന്നിട്ടും നിലവിൽ ജീവഹാനിയോ വൻ നാശനഷ്ടങ്ങളോ റിപ്പോർട്ട് ചെയ്തിട്ടില്ല. Japan Meteorological Agency സുനാമി മുന്നറിയിപ്പുകളൊന്നും പുറപ്പെടുവിച്ചിട്ടില്ലെന്നതും ആശ്വാസകരമാണ്.

പ്രാദേശിക സമയം വൈകിട്ട് 5.03 നാണ് ശക്തമായ ഭൂചലനം അനുഭവപ്പെട്ടത്. പസഫിക്ക് തീരത്ത് Sanriku യിലാണ് പ്രഭവ കേന്ദ്രം. ഭൗമോപരിതലത്തിൽ നിന്ന് 10 കിലോമീറ്റർ താഴചയിലാണ് ഭൂചലനം ഉണ്ടായത്.