അലർട്ട് വന്നതോടെ പലരും ആദ്യം ആശങ്കയിലായി. ചിലർ ഇത് ഫോണിലെ സാങ്കേതിക തകരാറാണോയെന്ന് സംശയിച്ചപ്പോൾ, മറ്റുചിലർ ഹാക്കിംഗ് സന്ദേശമാണോ എന്ന ആശങ്കയും പങ്കുവച്ചു.

കനത്ത മഴയെ തുടർന്ന് നദികളിലും ചെറുതോടുകളിലും ജലനിരപ്പ് ഉയരാൻ സാധ്യതയുള്ളതിനാൽ വെള്ളച്ചാട്ടങ്ങൾ, മലമ്പ്രദേശങ്ങൾ, വനമേഖലകൾ എന്നിവിടങ്ങളിലേക്കുള്ള യാത്രകൾ ഒഴിവാക്കണമെന്നും നിർദേശം നൽകിയിട്ടുണ്ട്.

മഴയുടെ ശക്തി ഏറ്റവും കൂടുതൽ അനുഭവപ്പെടാൻ സാധ്യത മധ്യകേരളത്തിലും വടക്കൻ കേരളത്തിലുമാണെന്നാണ് നിലവിലെ സൂചനകൾ. മലപ്പുറം, കോഴിക്കോട്, വയനാട്, കണ്ണൂർ, കാസർഗോഡ് ജില്ലകൾക്ക് പുറമെ എറണാകുളം, തൃശൂർ, പാലക്കാട് ജില്ലകളിലും ശക്തമായ മഴ ലഭിക്കാനിടയുണ്ട്.