മൻ ത ശക്തി കുറഞ്ഞ് ചുഴലിക്കാറ്റായി , വടക്കൻ കേരളത്തിൽ മഴ സാധ്യത

ഇന്നലെ രാത്രി ആന്ധ്രാ പ്രദേശിൽ കരകയറിയ മൻ ത തീവ്ര ചുഴലിക്കാറ്റ് (Severe Cyclonic Storm “Montha” Pronunciation: Mon-Tha )
ശക്തി കുറഞ്ഞു. ഒഡിഷ ലക്ഷ്യമാക്കിയാണ് ചുഴലിക്കാറ്റ് നീങ്ങുന്നത്. ഒഡിഷയിൽ വിവിധ പ്രദേശങ്ങളിൽ ഉരുൾപൊട്ടൽ റിപ്പോർട്ട് ചെയ്തു. 10,000 പേരെ മാറ്റി പാർപ്പിച്ചു. ആന്ധ്രയിൽ മുകളിൽ മരം വീണ് ഒരാൾ മരിച്ചു.

ഒഡീഷയിൽ ഉരുൾപൊട്ടൽ

ഒഡീഷയിലെ ഗജാപതി ജില്ലയിലാണ് ഉരുൾപൊട്ടൽ. ആളപായമില്ലെന്ന് ജില്ലാ മജിസ്ട്രേറ്റ് മധുമിത പറഞ്ഞു. ആന്ധ്രാപ്രദേശിലെ കാക്കിനാടയിൽ ഇന്നലെ രാത്രി എട്ടരയോടെയാണ് മൻ ത കരകയറിയത്. 100 കി.മി ൽ കൂടുതൽ വേഗം കാറ്റിന് ഉണ്ടായിരുന്നു. കര കയറി 6 മണിക്കൂർ തീവ്ര ചുഴലിക്കാറ്റായി ( Severe Cyclonic Storm) തുടർന്ന ശേഷം, ചുഴലിക്കാറ്റായി (cyclonic storm) ശക്തി കുറഞ്ഞു.

ഒഡീഷയിലും ജാർഖണ്ഡിലും ജാഗ്രത

ജാർഖണ്ഡ്, ഒഡിഷ സംസ്ഥാനങ്ങളിൽ ചുഴലിക്കാറ്റിനെ തുടർന്ന് ജാഗ്രതാ നിർദ്ദേശം നൽകി. 123 സർവിസുകൾ റദ്ദാക്കിയ റെയിൽവെ വാർ റൂം തുറന്നതായി റെയിൽവെ മന്ത്രി അശ്വിനി വൈഷ്ണവ് പറഞ്ഞു. വിജയവാഡ, വിശാഖപട്ടണം, ഗുണ്ടുർ എന്നിവിടങ്ങളിൽ യാത്രക്കാരുടെ സുരക്ഷയ്ക്ക് റെയിൽവെ സംഘത്തെ നിയോഗിച്ചു.

(A) Severe Cyclonic Storm “Montha” [Pronunciation: Mon-Tha] weakened into a Cyclonic Storm over coastal Andhra Pradesh

The Severe Cyclonic Storm “Montha” [Pronunciation: Mon-Tha] over coastal Andhra Pradesh moved nearly northwestwards with a speed of 10 kmph during past six… pic.twitter.com/cDQmMDqdVm
— India Meteorological Department (@Indiametdept) October 28, 2025

ചുഴലിക്കാറ്റ് കരകയറിയ മച്ചിലി പട്ടണത്തിനും കാക്കിനാടക്കും ഇടയിലുള്ള മേഖലയിൽ വൈദ്യുതി മുടങ്ങി. ഇന്നലെ പുലർച്ചെയാണ് തീവ്ര ചുഴലിക്കാറ്റ് മൻ ത ബംഗാൾ ഉൾക്കടലിൽ രൂപപ്പെട്ടത്.

കൺട്രോൾ റൂം തുറന്നു

ആന്ധ്രപ്രദേശിൽ താഴെ പറയുന്ന മേഖലകളിൽ കൺട്രോൾ റൂം തുറന്നു. നമ്പറുകൾ.

Chittoor (08572-242777, 9491077325), Nellore (0861-2331261, 7995576699), Kakinada (0884-2356801), Bapatla (0863-2234014), Guntur (0864-3220226), YSR Kadapa (08562-246344).

2010 ന് ശേഷം ആന്ധ്രയിൽ കരകയറിയത് 10 ശക്തമായ ചുഴലിക്കാറ്റുകൾ

ബംഗാൾ ഉൾക്കടലിലെ താപനില വർദ്ധിക്കുന്നതിനെ തുടർന്ന് ചുഴലിക്കാറ്റുകളും ശക്തിപ്പെടുന്നു. 2010 ന് ശേഷം പത്തിലേറെ ചുഴലിക്കാറ്റുകളാണ് ആന്ധ്രപ്രദേശിൽ കരകയറിയത്. ഇതിൽ പലതും തീവ്ര ചുഴലിക്കാറ്റുകൾ ആയിരുന്നു. തമിഴ്നാട്, ഒഡീഷ സംസ്ഥാനങ്ങളെയും ഇവ ബാധിച്ചു. ബംഗാൾ ഉൾക്കടലിലെ sea surface temperature (SST) വർദ്ധിക്കുന്നതാണ് ചുഴലിക്കാറ്റുകൾ ശക്തിപ്പെടാൻ കാരണം.

കേരളത്തിൽ ഇന്നും മഴ തുടരും

കേരളത്തിൽ ഇന്നും മൻ ത ചുഴലിക്കാറ്റിനെ തുടർന്ന് മഴ തുടരും. കോഴിക്കോട്, കണ്ണൂർ, മലപ്പുറം, വയനാട് കാസർകോട് തൃശ്ശൂർ ജില്ലകളിലാണ് ഇന്ന് മഴ സാധ്യത. മധ്യകേരളത്തിലും ഒറ്റപ്പെട്ട മഴ ലഭിക്കും.

കർണാടകയിലെ മംഗളൂരു, ബംഗളൂരു, വടക്കൻ തമിഴ്നാട് എന്നിവിടങ്ങളിലും ഇന്ന് മഴ സാധ്യത.

English Summary: Montha weakens to a cyclonic storm, rain likely in North Kerala.