കാലവർഷക്കാറ്റ് ശക്തിപ്പെട്ടു, എല്ലാ ജില്ലകളിലും മഴ തുടരുന്നു

ഔദ്യോഗികമായി കാലവർഷം കേരളത്തിൽ എത്തിയതായി സ്ഥിരീകരണം ഇല്ലെങ്കിലും, ഇന്നലെ രാത്രി മുതൽ കാലവർഷക്കാറ്റ് കേരളത്തിൽ പ്രവേശിച്ചു. ഇതിൻ്റെ ഭാഗമായി വിവിധ ജില്ലകളിൽ മഴ തുടരുന്നു. കാലവർഷം എത്തിയതായ (Monsoon Onset) സ്ഥിരീകരണം ഇന്നോ നാളെയോ കേന്ദ്ര കാലാവസ്ഥ വകുപ്പ് നടത്തും.

വടക്കൻ കേരളത്തിൽ തൃശ്ശൂർ മുതൽ കണ്ണൂർ വരെയുള്ള ജില്ലകളിൽ ഇന്ന് പുലർച്ചെ മുതൽ മഴ തുടരുന്നുണ്ട്. ഇന്നലെ ചാറ്റൽ മഴ ലഭിച്ചതിന് പകരം ഇന്ന് ഇടത്തരം മഴയാണ് ലഭിക്കുന്നത്.

കേരളത്തിൽ ജൂൺ 3 മുതൽ കാലവർഷക്കാറ്റ് ശക്തിപ്പെടുമെന്നും ജൂൺ നാലോടെ കാലവർഷം എത്തിയതായി സ്ഥിരീകരിക്കാൻ കഴിയുമെന്നും മെയ് 26ന് Metbeat News ൽ Metbeat Weather ൻ്റെ റിപ്പോർട്ട് പ്രസിദ്ധീകരിച്ചിരുന്നു. അത് വിശദമായി താഴെ വായിക്കാം.

കാലവർഷം ജൂൺ 4 ന് എത്താൻ സാധ്യത, തുടക്കം കനത്ത മഴയോടെ
2026 ലെ തെക്കു പടിഞ്ഞാറൻ മൺസൂൺ (South West Monsoon) അഥവാ കാലവർഷം ജൂൺ 4 ഓടെ എല്ലാ മാനദണ്ഡങ്ങളും പാലിച്ച് കേരളത്തിൽ എത്താൻ സാധ്യത.
https://metbeatnews.com/kerala-monsoon-onset-likely-delayed-to-june-4-expected-to-begin-with-heavy-rains

ഇന്നലെ രാത്രി മുതൽ തെക്കൻ ജില്ലകളിൽ കാലവർഷക്കാറ്റിൻ്റെ ശക്തി കൂടിയിരുന്നു. ശ്രീലങ്കയിലും തെക്കൻ കേരളത്തിലും ഈ കാലവർഷക്കാറ്റ് ശക്തിപ്പെട്ടു. ഇതിൻ്റെ ഭാഗമായി സംസ്ഥാനത്ത് എല്ലാ ജില്ലകളിലും ഇന്നുമുതൽ മഴയുണ്ടാകും.

കേന്ദ്ര കാലാവസ്ഥ വകുപ്പിന്റെ പ്രവചന പ്രകാരം ഇന്നോ നാളെയോ കാലവർഷം കേരളത്തിൽ എത്തും എന്നാണ് പറയുന്നത്. ജില്ലകളിൽ ഓറഞ്ച് മഞ്ഞ അലർട്ട് പ്രഖ്യാപിച്ചിട്ടുണ്ട്.

English Summary : Monsoon Winds Strengthen: Rain Blankets All Districts in Kerala. Although the India Meteorological Department (IMD) has not yet officially declared the onset of the monsoon in Kerala, strong monsoon winds entered the state last night.